Свет

Човек слетал од пат во Масачусетс и загинал, а потоа му се нафрлила мечка

Возач за кого се верува дека загинал во страшна сообраќајна несреќа во Масачусетс, бил пронајден покрај мечка која очигледно потоа го одвлекла неговото тело во шумата, се вели во полицискиот извештај.

Даниел Душарм (31) изгубил контрола над својот автомобил на рутата 91 во Хетфилд во неделата наутро, удирајќи во заштитната ограда повеќе пати пред да излета од патот и да се спушти од карпа, пишува Њујорк пост.

Се верува дека Душарм загинал во несреќата и дека бил „целосно или делумно исфрлен“ од неговата Honda Civic од 2016 година кога излетал од патот, додаде CBS News, цитирајќи ја државната полиција на Масачусетс.

Друг возач ја известил полицијата околу 11 часот за делови од возилото надвор од патот.

„Кога полицајците пристигнале на местото на настанот, починатиот маж бил надвор од возилото, а мечка била забележана во шумата во близина на местото на несреќата“, соопшти државната полиција, сугерирајќи дека животното го одвлекло телото на возачот.

„Доказите укажуваат дека мечката во одреден момент имала контакт со телото на жртвата.

Мечката ја напуштила областа додека полицајците биле на местото на настанот, забележала Си-Би-Ес Њуз.

Официјалните лица можеле само да кажат дека се верува дека Душарм загинал во сообраќајната несреќа.

Целосната истрага за неговата смрт и несреќата е во тек. Душарм бил сам во возилото во моментот на несреќата.

Свет

Родителите преплашени по нападот со нож во училиште во Кина- најмалку две лица загинале

Најмалку две лица загинаа, а 10 се повредени во напад со нож во основно училиште во кинеската провинција Џиангкси.

Полицијата соопшти дека жената (45) го извршила нападот употребувајќи нож за салата. Во меѓувреме била уапсена.

Нападот се случил околу пладне по локално време, но се уште не е познато дали меѓу жртвите има и деца.

По веста за нападот, родителите веднаш се упатиле кон училиштето и го опишале својот страв и шок.

„Дознав околу пладне, бев многу шокиран. Моето дете е петто одделение и безбедно си стигна дома, но училиштето не нѝ извести за ништо и сѐ чува во тајност. Се враќам да го утешам детето и да дознаам што точно се случило“, рече еден родител за Би-Би-Си.

Друг татко рекол дека е многу исплашен и дека не се исплашени само децата, туку и возрасните.

"Наставниците добро реагираа - веднаш објавија фотографии од децата во родителската група, рекоа дека децата се безбедни и веднаш ја заклучија вратата. Ги замолија родителите да дојдат да ги земат", рекол друг татко.

Тој додаде дека наставниците им рекле дека нападот е под истрага и дека не знаат повеќе детали.

Фудбал

Официјално: Ливерпул најде замена за Клоп, од 1 јуни на неговото место доаѓа Арне Слот

Денови на промени во Ливерпул.

Откако Јирген Клоп го одигра својот последен меч со „црвените“ во неделата против Вулверхемптон Вандерерс, клубот денеска откри дека негов официјален наследник ќе биде долгогодишниот шеф на стручниот штаб на Феенорд, Арне Слот.

Тој ќе ги преземе своите обврски на 1 јуни 2024 година, а Ливерпул успеа да се договори со Феенорд за сите детали.

Специјалистот со холандско потекло пристигнува во Ливерпул по големиот успех во Феенорд, каде што го предводеше тимот до титулата во 2023 година, а двапати беше прогласен за тренер на годината во Ередивизие.

Годинава го освои холандскиот куп со Феенорд, откако тимот во финалето го совлада НЕЦ Најмеген со минимален резултат.

Покрај тоа, Слот во текот на кариерата беше тренер на АЗ Алкмар со кого што го освои второто место, веднаш зад Ајакс со кого беше израмнет по бодови, но не и во гол разлика.

Тој ќе стане и првиот шеф на стручниот штаб на Ливерпул кој доаѓа од Холандија, а всушност ќе започне со работа во јули за време на подготовките.

Свет

САД изразија сочувство за смртта на иранскиот претседател

Соединетите Држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.

„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, рече портпаролот на Стејт департментот Метју Милер во соопштението.

Американскиот секретар за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.

„Не можам да шпекулирам што би можело да биде причината“, им рече Остин на новинарите.

Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.