Ова го изјави во емисијата ,,Лице во лице” на Бугарската телевизија Весела Чернева, заменик-директор на Европскиот совет за надворешна политика (ECFR)
Блокирањето на која било земја кандидат за во ЕУ не се прави врз основа на историјата и идентитетот, туку врз основа на достигнувањата, како што е примената на европкското законодавство и достигнувањето на европските стандарди. Бугарија ја внесува историјата во процесот на проширување, што би го направило практично невозможно или многу тешко за останатите балкански земји да напредуваат.
Ова го изјави Весела Чернева, заменик-директор на Европскиот совет за надворешна политика (ECFR) и директор на софиската канцеларија на организацијата во интервју за бугарската телевизија. bTV
Можеме да ги видиме и западните медиуми, но не е точно дека тие не нè разбираат, туку повеќе се однесуваат кон нас со разочарување и потсмев. Покрај тоа, ги изгубивме симпатиите од соседите затоа што запревме со проширувањето на целиот процес и тој не може да продолжи без Бугарија да го укине ветото. Така додадовме вода во воденицата на ВМРО и ВМРО-ДПМНЕ, додаде таа.
Според неа, сè уште постои излез од ситуацијата и опција Бугарија да ја преиспита својата позиција.
Мислам дека по гласањето за државниот буџет, кога коалицијата повеќе нема да биде толку неопходна, ќе има можност да се вратиме на здравиот разум, рече Весела Чернева.
Посочува дека во Европската Унија постои договор дека овие земји-членки се собрале во заедница затоа што сакаат заедничка иднина, а не затоа што сакаат да ги решат своите историски проблеми. И ова, вели Чернева, се постигнува преку економска кохезија, трговија и модерна дипломатија.
-Бугарија си создаде слика со која се претвора од пасивно-конструктивна во пасивно-агресивна земја и всушност многу луѓе не сфаќаат дека оваа штета е многу тешко да се поправи. Штетите можат да се направат за неколку недели, но потребни се години работа за истите да бидат отстранети, истакнува Чернева.