Македонија

Бугарите ги испразнија тезгите во Делчево во пресрет на Велигденските празници

Квалитетни производи, разновидна понуда и поевтини цени. 

Ова се само дел од причините поради кои тезгите на градскиот пазар во Делчево и денеска беа преплавени од бугарски државјани, кои годинава купуваа масовно во пресрет на Велигденските празници.

– Обично ние Велигден го славиме порано од вас, но оваа година празникот се совпаѓа и во двете држави. Затоа го искористивме денот да дојдеме во Делчево и да си купиме нешто за да ја збогатиме велигденската трпеза. Имате квалитетна понуда и ќе одбереме од се по нешто, вели бугарскиот државјанин Иван Христов Календерски.

За Бугарите веќе не важи забраната за внесување на јајца, па затоа како што вели делчевецот Спаско Спасев, најголема потрошувачка денеска имаше на велигденски јајца кои се продаваа по цена од 100 до 180 денари за табла јајца.

– За среќа денеска имавме добар ден кога е во прашање продажбата на јајца за Велигден, бидејќи гостите од соседството беа најчести купувачи. Сега веќе не им забрануваат внесување на јајца на граница, така што очекуваме и во иднина поголема потрошувачка, вели делчевецот Спаско Спасев.

Дел од бугарските државјани за претстојните празнувања веќе ги резервираа туристичките капацитети, што значи дека Делчево и оваа година ќе биде еден од најпосетените места од туристите од соседна Бугарија за претстојните Велигденски празници.

Забава

Фото: Лепа Брена на јахта за Велигден

Големата балканска музичка ѕвезда Лепа Брена на социјалните мрежи откри дека најголемиот христијански празник Велигден ќе го помине на својата јахта вредна 6 милиони евра.

Пејачката отпатувала на луксузна дестинација, а на својот Инстаграм профил објавила и покажала колку уживала.

На фотките Брена позира на палубата од јахтата.

Шоу биз

Видео: Рекорден концерт на Мадона во Рио

Кралицата на попот Мадона постави уште еден рекорд. Легендарната пејачка одржа рекорден бесплатен концерт во Рио де Жанеиро, на кој присуствувале фантастични два милиони луѓе -!

Кралицата на попот Мадона синоќа на плажата Копакабана во Рио де Жанеиро го одржа последниот концерт од својата турнеја „Celebration“, а се проценува дека спектаклот го посетиле меѓу 1,6 и 2,2 милиони луѓе.

Мадона на тој начин го сруши рекордот на Дијана Рос и овој настап сега и официјално е најпосетениот концерт на една изведувачка во историјата.

Ова воедно беше нејзин 81 концерт од мегауспешната турнеја со која ја прослави својата 40-годишна кариера.

Концертот бил бесплатен, а е финансиран од најголемата банка во Латинска Америка како подарок за граѓаните.

Забава

Фото: Бритни Спирс во центар на нов скандал: Покриена со јорган надвор од хотел

Според дел од светските медиуми, контроверзната музичка ѕвезда Бритни Спирс била видена во ноќта помеѓу 1 и 2 мај,  облечена само по долна облека покриена со јорган пред хотел.

Како што наведува „ТМЗ“, пејачката била во хотелот Шато Мармонт со своето момче Пол Солиз.

Во текот на вечерта дошло до конфликт, најверојатно меѓу нив двајца, по што некој од присутните повикал полиција, велејќи дека женско лице, кое наликува на Бритни Спирс, малтретирало луѓе и им се заканувало.

Полицијата пристигнала по 22:30 часот, но не констатирала траги на насилство и си заминала.

Изворот на ТМЗ наведува дека Бритни и Пол отишле во хотелска соба, каде продолжиле да пијат. Набрзо повторно се скарале, по што, според изворот, дошло до физички контакт, при што Бритни си ја повредила ногата.

Бритни потоа истрчала во ходникот, викајќи и врескајќи, а гостите повикале брза помош, која брзо пристигнала и успеала да стапи во контакт со пејачката, пренесува „b92“.

притисни ентер