Шоу биз

Бред Пит покажа колку е скромен на ручекот за Оскарите (ФОТО)

Актерот Бред Пит е светски познат и за него чуле дури и оние кои не гледаат филмови, но тој сепак вчера на ручекот на кандидатите за Оскар носеше беџ со своето име.

На ознаката пишуваше: „Бред Пит, споредна улога ,,Беше еднаш во Холивуд“.

Актерот, кој е номиниран за улога во филмот на Квентин Тарантино, „Беше еднаш во Холивуд“, морал да ја носи таа ознака во случај некој да не го препознае, се пошегуваа британските медиуми.

На ручекот за номинираните за Оскар што се одржува секоја година пред церемонијата на доделувањето на наградите во Лос Анџелес, имаше и други sвезди, меѓу кои Синтија Ериво, Лора Дерн, Грета Гервиг, Дајан Ворен, Леонардо Ди Каприо, Рене Зелвегер и Роберт Де Ниро.

Филмот Џокер освои единаесет номинации за Оскар, со десет следува „Ирецот” , додека македонскиот филм ,,Медена земја “ има две номинации , за прв пат во историјата за филмско дело од нашата земја.

Наградите на Академијата за филмска уметност ќе бидат доделени по 92-ти пат на церемонијата во Холивуд на 9 февруари.

Шоу биз

Хајди Клум блесна во кожени панталони, привлече внимание со чанта од 26.000 евра

Германскиот супермодел Хајди Клум се појави на снимањето на шоуто „America's Got Talent“ во Пасадена, во кое таа е член на жирито.

51-годишната поранешна манекенка и ТВ водителка се појави во црни кожени панталони, бела маица и црна јакна. Комбинацијата ја комплетираше со црни потпетици, ланче и очила за сонце, а вниманието го привлече со раскошна чанта.

Станува збор за чанта „Hermès“, поточно моделот „Birkin Quadrille“, чија цена се движи од 27.500 до 30.000 долари (24.000 до 26.000 евра).

Да потсетиме, Хајди неодамна позираше на црвениот тепих со колешката од шоуто, актерката Софија Вергара, а со своите изданија мамеа воздишки. Инаку, Хајди е позната и како кралица на Ноќта на вештерките поради необичните костими, а неодамна објави видео во кое покажа дел од костимот за овогодинешната прослава.

Свет

Остин во разговор со Галант ја истакна потребата за дипломатско решение за заканата од Хезболах

Американскиот секретар за одбрана Лојд Остин претходно денеска разговарал со израелскиот министер за одбрана Јоав Галант, соопшти Пентагон.

Остин ја „повтори својата загриженост“ поради ескалацијата на тензиите меѓу Израел и Хезболах, се наведува во соопштението, и ја нагласи вербата на САД во „важноста од постигнување дипломатско решение што ќе им овозможи на жителите безбедно да се вратат во своите домови од двете страни на границата“.

Тој му рекол на Галант дека САД продолжуваат да вршат притисок за договор за ослободување на заложниците и прекин на огнот меѓу Израел и Хамас и ја потврдил посветеноста на САД за безбедноста на Израел. /МИА

Фудбал

Германија поднесе кандидатура за домаќин на женското ЕП 2029 во фудбал

Германија е кандидат за домаќин на Европското првенство во фудбал за жени во 2029 година, соопшти денеска Германската фудбалска федерација (ДФБ).

Претседателот на ДФБ, Бернд Нојендорф изјави дека германската кандидатура е „главен проект“ на федерацијата и дека ќе му даде „дополнителен поттик“ на женскиот фудбал во Германија.

Противкандидати на Германија за организација на завршниот турнир се Португалија, Данска и Шведска.

Европската фудбалска унија (УЕФА) официјално ќе го објави името на земјата домаќин во 2025 година.

Генералниот секретар на ДФБ, Хајке Улрих, ја смета Германија за „сигурен домаќин со одлична стадионска инфраструктура и одлична соработка меѓу градовите домаќини и локалните власти“.

Германија беше домаќин на Европското првенство за мажи во 2024, а го организираше ЕП за жени во 1988 година, во Западна Германија и во 2001 година. /МИА

притисни ентер