Македонија

Брајовиќ: Македонија е неопходен фактор за стабилност и успех на регионот

Македонија направи историски исчекор напред, а веруваме дека ЕУ од своја страна ќе ја даде соодветната поддршка. 

Немаме дилеми дека стабилна, успешна, европска Македонија, а верувам во најскоро време и Република Северна Македонија е неопходен фактор за стабилност и успех на нашиот регион. Ова денеска го истакна претседателот на Собранието на Црна Гора Иван Брајовиќ во обраќањето пред пратениците во македонскиот Парламент.

Тој ја изнесе и својата лична желба, Собранието на Црна Гора што поскоро да ја добие приликата меѓу првите да го ратификува Протоколот за пристапување на Македонија во НАТО.

– Црна Гора стои на располагање со своето искуство на поминат евроатлантски и европски интеграциски пат. Да ви даде поддршка и да го пренесе знаењето доколку се разбира вие тоа го сакате. Голема улога во тоа има парламенатраната дипломатија, рече Брајовиќ, додавајќи дека Црна Гора е сигурен партнер на Македонија.

Брајовиќ ги честиташе, како што рече, историските одлуки што неодамна ги усвои Собранието, со што и ги отвори на земјата вратите на евроатлатското семејство и се овозможи продолжување на европскиот пат.

– Дадовте силен придонес за стабилноста на нашиот регион и промоција на вистинските вредности. Со вашиот пример уште еднаш потврдивте дека земјите на Западениот Балкан и најтешките проблеми можат да ги решаваат со дипломатските средства, на мирен начин, рече Брајовиќ, додавајќи дека Македонија и Црна Гора имаат традиционално пријателски односи и одлична билатерална соработка. Потсети на првата официјална билатерална посета на Џафери на Црна Гора во 2017 година.

Тој изрази уверување дека неговата посета ќе даде силен импулс за јакнење на парламентарната соработка на сите нивоа и стимулативно ќе делува на натамошниот развој на пријателските односи и соработката, особено на економскиот план.

Црна Гора за 12 години од обновувањето на својата државност, како што рече, направи многу на планот на усвојување на демократските стандарди, јакнење на демократијата и владеење на правото. Посочи дека паралелно работеле на воспоставување макроекономска стабилност и унапредување на животниот стандард на нивните граѓани. Се соочувавме со многу предизвици кои, како што рече, понекогаш бараа и непопуларни, но неопходни политички одлуки кои беа важни за трасирање на нашиот евроатлантски и европски пат.

– Водевме доследна надворешна политика во чија основа се добрососедските односи и посветеноста на регионалната соработка. Со исполнување на побаруваните критериуми во 2017 година остваривме клучен надворешно-политички приоритет, станавме членка на Северноатлантскиот сојуз. Не радува можноста токму Македонија да ја дочекаме со раширени раце како следна, 30-та членка на НАТО, рече Брајовиќ. Додаде дека сите нивни капацитети сега се насочени кон успешно завршување на процесот на преговорите со ЕУ. Според него, во многу сегменти Црна Гора веќе живее и се однесува како нејзин дел.

Брајовиќ, кој е во посета на Македонија, претходно се сретна со неговиот македонски колега Талат Џафери и се потпиша во Книгата на впечатоци.

Тој попладнево ќе се сретне и со претседателка на Пратеничката група на Собранието на Република Македонија за соработка со Парламентот на Република Црна Гора Средба со Лилјана Кузмановска и членовите.

Свет

Данска ќе им дозволи абортус на малолетни девојчиња без согласност од родителите

Данската влада денеска соопшти дека жените во оваа скандинавска земја ќе имаат право да изберат да ја прекинат бременоста до крајот на 18-та недела од бременоста.

Досега границата за абортус во Данска беше 12 недели.

Данската министерка за внатрешни работи и здравство, Софи Лоде, рече дека „нема медицински докази за сегашната граница, а исто така нема ништо што сугерира дека ќе има значително повеќе абортуси или дека тие ќе бидат извршени многу подоцна ако ја подигнеме границата“.

Измената на законот треба да стапи на сила кон средината на 2025 година. Дополнително, на девојчињата на возраст од 15 до 17 години им се дава слобода да абортираат без родителска согласност или одобрение од специјалистичка комисија.

Данска беше една од првите западноевропски земји што на жените им даде право на абортус по сопствен избор.

Од 1973 година, бремените жени кои живеат во Данска можат да абортираат до крајот на 12-та недела без потреба да наведат причина и без надоместок на трошоците.

И после тоа, абортуси се можни под одредени услови, но потребно е одобрение од комисијата за абортус.

Технологија

Германска компанија лансира во вселената ракета на парафински погон (ВИДЕО)

Германската компанија HyImpulse денеска успешно лансираше ракета напојувана со парафински восок која ќе може да носи комерцијални сателити.

„Ја покажуваме силата на Германија како вселенска нација и го прошируваме пристапот на Европа до вселената“, објави шефот на компанијата Марио Кобалд.

Дванаесет метри долгата и 2,5 тони тешка ракета наречена SR75 беше лансирана околу 5 часот по европско време од Куниба, Австралија.

Може да носи помали сателити со тежина до 250 килограми до височина до 250 километри, а може да работи на парафински восок или течен кислород.

Парафинскиот восок се користи како поевтино и побезбедно алтернативно ракетно гориво. HyImpulse тврди дека заштедиле до 50 проценти.

Германската компанија со околу 65 вработени објави дека веќе добила преднарачки за лансирање на сателити во вредност од над 100 милиони евра.

HyImpulse сака да го прошири својот бизнис бидејќи расте побарувачката за транспорт на комерцијални сателити, па до 2032 година сака да оствари приходи од 700 милиони евра.

Македонија

Маричиќ-Стевановиќ: На Собранието му требаат современи патриоти и борци за еднаквост

Во заедничката изјава за медиумите, Милена Стевановиќ и Бојан Маричиќ од листата на кандидати за пратеници во Изборната единица 1, порачуваат дека „реформите ни носат системски промени и европски фондови“.

Во заедничката изјава за медиумите, Милена Стевановиќ и Бојан Маричиќ од листата на кандидати за пратеници во Изборната единица 1, порачуваат дека „реформите ни носат системски промени и европски фондови“, но и „демократски вредности со кои се пробиваат границите за еднакви можности за жените како докажана заложба на СДСМ.

Доктор Милена Стевановиќ во својот дел на изјавата истакнува дека „СДСМ, Ковачевски, Пендаровски, Маричиќ и другарите социјадемократи се оние кои со знаење и капацитет можат да ја придвижат земјата напред“.

„Нам ни требаат луѓе како Бојан. Со исклучително познавање на институциите на ЕУ, со чиста и прогресивна мисла, вистински современи патриоти кои додека ја внесуваат земјата во ЕУ го штитат и промовираат македонскиот идентитет“, истакнува во видео пораката д-р Милена Стевановиќ.

Во ова видео обраќање таа ги повикува сите македонски демократи „во среда на 8 мај сите кои се за подобра, современа и демократска македонија да го заокружат бројот 1 за европска Македонија“.

Бојан Маричиќ во ова заедничко обраќање ја посочува Милена Стевановиќ како „претставник на прогресивното женско движење“.

Маричиќ порачува со д-р Стевановиќ Македонија и македонското општество ќе „напредок на полето на јавното здравје, на полето на женското здравје и машкото здравје“.

„На Собранието и треба Милена Стевановиќ, врвен професионалец кој го предводеше целиот тим на Инфективната криза за време на пандемијата од Ковид и која во исто време се докажа како храбар и непоколеблив борец за постојано унапредување на правата на жените“, истакнува Маричиќ во видео пораката.

Маричиќ порачува дека е важен гласот на жените, девојките, демократи и демократки.

„Вашиот глас за СДСМ и за Милена Стевановиќ на овие избори е глас за жените како еднаква силна движечка сила на општеството“, нагласува Маричиќ во заедничката изјава со д-р Милена Стевановиќ, како кандидати за пратеници на СДСМ и на Коалицијата за европска иднина во изборната единица 1, се наведува во партиското соопштение.

притисни ентер