Скијање

Бојан Трајковски ќе ја претставува Македонија за ЗОИ на Специјална олимпијада

Атлетот Бојан Трајковски ќе ја претставува Македонија на Зимските олимписки игри на Специјална олимпијада за лица со интелектуални пречки кои под слоганот „Отчукување за светот“ ќе се одржат од 14 до 25 март во Австрија.

21-годишниот Трајковски во Австрија ќе биде придружуван од тренерот Јован Јовановски и водачот на македонската делегацијата Аган Реџепагиќ.

Бојан се натпреварува во дисциплината Алпско скијање во слалом, велеслалом и супер велеслалом во категорија „Нов ајс“, почетници. Тренанжниот процес со одвиваше на Маврово и во Боровец.

-Пријатно сум изненаден од напредувањето на Бојан во скијачката вештина. Моите очекувања на почетокот на подготовките беа скромни, но тој силно ме демантира со ентузијазмот од првиот тренинг до сега. Во периодот на тренинзи Бојан напредуваше одлично и јас сум оптимист дека по завршувањето на Олимпијадата тој ќе продолжи да се скија, што е добивка која не може да си ја дозволи секој човек, вели тренерот Јовановски

Атлетот Трајковски очекува медал и тоа најсјајниот – златниот.

На Зимски олимписки игри на Специјална олимпијада ќе учествуваат 2.700 атлети, 1100 тренери од 107 нации, а се поддржани од 3.000 волонтери. Тие ќе бидат најмасовните зимски олимписки игри во историјата на Специјална олимпијада воопшто.

Натпреварите ќе се одвиваат во три скијачки центри: Грац, Шладминг и Рамзау ам Дахштајн, а атлетите ќе се натпреваруваат во девет дисциплини: уметничко лизгање, брзо лизгање, хокеј во сала, флорбол, одење по снег, алпско скијање, скијачко трчање, скијање на даска (сноубодинг) и стикшутинг.

Целите на овогодишните Зимски олимписки игри Австрија 2017 се: јакнење на човековите права, зголемување на бројот на учесници во новите спортови и создавање на партнерски програми.

Фудбал

Вест Хем потврди разделба со Мојс на лето

Тренерот на Вест Хем, Дејвид Мојс ќе го напушти тимот на крајот од актуелната сезона, објави вечерва лондонскиот клуб на својот официјален сајт.

Неговиот договор со клубот истекува на лето, а според информациите, заминувањето на 61-годишниот Шкотланѓанец е резултат на меѓусебен договор.

Мојс е на чело на Вест Хем од декември 2019 година. Во сезоната 2022/23, тимот ја освои Конференциската лига. Шпанецот Хулен Лопетеги е фаворит за наследник на Мојс.

Свет

Шолц: Приходите од замрзнатите руски средства треба да се вложат во воена помош за Украина

Германскиот канцелар Олаф Шолц денеска изјави дека околу 90 отсто од приходите остварени од замрзнатите руски средства треба да се потрошат за купување оружје за Украина.

„Важно е да се согласиме дека овие пари може да се користат за купување оружје не само во ЕУ, туку и ширум светот“, изјави Шолц за новинарите по состанокот со членовите на владите на трите балтички земји во Рига.

Тој изјави дека Германија и трите балтички земји се посветени на брзото проширување на производството на оружје во Европа и додаде дека производството на муниција и системи за противвоздушна одбрана веќе е зголемено.

Тенис

Четворица македонски тенисери утре на фјучерс во Србија

Четворица македонски тенисери утре ќе настапат на фјучерс турнирот М25 во српскиот град Куршумлиска бања.

Тројца од нив, Обрад Марковски, Шендрит Деари и Стефан Мицов, ќе ги играат финалните дуели од квалификациите и со победи ќе обезбедат пласман на главниот турнир.

Директен пласман има само Горазд Србљак, кој, пак, утре ќе го игра мечот од првото коло против Никола Јовиќ од Србија.

На женскиот дел од турнирот во Куршумлијска Бања настап во првото коло ќе има Магдалена Стоилковска, чија противничка в среда ќе биде третата носителка Пемра Озген од Турција (37 години, 658 ВТА место).

Најдобрата македонска Лина Ѓорческа е дел од фјучерс турнир во словачкиот град Трнава.

Ѓорческа во првото коло утре ќе игра против младата тенисерка од Русија, Полина Кудерметова (20 години, 178 ВТА место).