Забава

Били Ајлиш со нов албум, објавен на рециклиран винил

Американската пејачка Били Ајлиш објави на Инстаграм дека нејзиниот нов, трет албум ќе носи наслов „Hit Me Hard And Soft“. Ќе биде издаден на 17 мај оваа година, во дигитални и ограничени физички верзии.

Според официјалната страница на Ајлиш, ова издание ќе биде објавено на осум различни винил-опции произведени „со најодржливите практики“ што се на располагање.

„Стандардната црна варијанта е направена од 100 отсто рециклиран црн винил. Останатите седум обоени винили ќе бидат направени од ‘Еко-микс’ (ECO-MIX) или ‘биовинил’ (BioVinyl). Првата е создадена со помош на 100 отсто рециклирана мешавина направена од остатоци од секоја боја, што не може да се користи на друг начин. Овие парчиња се рециклираат и повторно се користат за да се направат нови дискови, така што секој диск ќе биде уникатен и ќе изгледа различен од другиот“, се вели во описот.

Инаку, „биовинилот“ помага во намалување на испуштањето јаглерод за 90 отсто во споредба со производтвото на првичниот винил.

Фудбал

Арсенал се надева дека Жоргињо ќе го продолжи договорот

Фудбалерот од средниот ред на Арсенал, Жоргињо може да го напушти клубот.

Според „Standard“, за 32-годишниот Италијанец силно се заинтересирани Јувентус, Лацио и Наполи. Во исто време, лондонскиот клуб се надева дека играчот ќе ги одбие понудите и ќе го продолжи договорот со Топџиите.

Оваа сезона Жоргињо одигра 35 натпревари, постигна гол и две асистенции.

Се шпекулира дека одлуката дали Жоргињо ќе остане во Арсенал во голема мера ќе зависи дали неговиот тим ќе ја освои Премиер лигата. /МИА

Македонија

Изречени 130 санкции за брзо возење на територија на државата

На територијата на државава во текот на вчерашниот ден изречени се вкупно 130 санкции за брзо возење.

Од нив, како што информираа денеска од Министерството за внатрешни работи, 12 возила се движеле со брзина над 50 километри на час повеќе од дозволеното, а две возила со дури над 70 километри на час повеќе од дозволената брзина. Притоа, 53 возила ја пречекориле брзината во населено место, а 77 надвор од населено место.

Македонија

Санкционирани 157 возачи под дејство на алкохол

МВР информира дека вчера, во акциска контрола, се санкционирани 157 лица кои возеле под дејство на алкохол.

Контролата била спроведена од 16.00 до 22.00 часот на територијата на Република Северна Македонија.

Според МВР, санкционирани се и 183 други видови на сообраќајни прекршоци.

-Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведува Министерството.