Меѓутоа, во таа вселенска битка, милијардерот Маск доби толку силен удар, веројатно најсилен досега, што заврши во нокдаун - американската агенција НАСА реши да испрати две вселенски научни возила на Марс со ракетата на Безос „Њу Глен“, пишува Дејли Мејл.
Договорот е вреден 20 милиони долари, а леталото треба да биде лансирано до август 2024 година.
Првичниот план бил НАСА да го испрати вселенското летало на Марс со ракетата Фалкон Хеви во октомври оваа година, заедно со вселенското летало Psyche.
Сепак, вселенската агенција го напуштила бидејќи лансирањето нема да го испрати леталото на траекторија кон Марс.
Новиот план е објавен неколку дена откако ракетата Спејс шатл на Маск, која требаше да носи товар и патници до Месечината и Марс, експлодира при вториот обид за лансирање.
Пар идентични летала се дел од мисијата ESCAPADE. Тие ќе летаат во вселената со ракетата „Њу Глен“, а обата имаат по три инструменти на себе, кои ќе се користат за испитување на влијанието на сончевите ветрови врз магнетосферата на Црвената планета. Според планот, патувањето ќе трае 11 месеци, а потоа ќе биде во орбитата на Марс.