Бентли е синоним за луксуз, скап бренд што само малкумина можат да си го дозволат. И тука не се мисли само на скапите автомобили, туку и на прилично скапите понуди од т.н Продавница за додатоци. Понудата е богата, а од неодамна има и многу интересни модели на автомобили.
Станува збор за модели во размер 1:43, каде заедно со Bentayga и Flying Spur се нуди и модел на најспецијалното Bentley, поточно Bacalar од Mulliner.
Изборот падна на многу впечатлива жолта нијанса, но она што особено радува е високото ниво на квалитет на изработка и вниманието на деталите.
Покрај атрактивниот двосед, кој одамна е распродаден, се нуди и моделот Continental GT Speed. Размерот е ист, а изборот на боја падна на Candy црвената нијанса.
Сите модели во споменатиот размер се неизмерно поевтини од вистинските автомобили, но не се евтини. Нивната цена е 100 фунти, што е на ниво на други производители како Porsche. Во секој случај, тоа е остварливо, особено за некој кој би сакал ваква минијатура да ја краси неговата полица во дневната соба.
