Свет

Белата куќа и официјално се огласи за кандидатурата на Бејден

Американскиот претседател Џо Бајден не размислува за повлекување од функцијата претседателски кандидат, соопшти денеска Белата куќа.

„Апсолутно не“, беше одговорот на портпаролката на Белата куќа, Карин Жан-Пјер, на новинарско прашање дали Бајден размислува да се повлече од изборната трка, пренесува Ројтерс.

„Тој разбира дека е фер луѓето да го поставуваат тоа прашање. Го видов претседателот во Западното крило (на Белата куќа) пред да отидам на говорницата на брифингот со новинарите. Изгледаше одлично“, рече таа.

Претходно денеска, Бајден разговараше со лидерот на мнозинството во американскиот Сенат, Чак Шумер, со демократскиот претставник Џејмс Клибурн, копретседател на кампањата Бајден-Харис и со поранешната претседателка на Домот Ненси Пелоси.

Си-Ен-Ен објави дека Бајден и американската потпретседателка Камала Харис разговарале и со сите членови на изборниот штаб на Бајден за овогодинешните претседателски избори и дека „детално го опишале влогот на претстојните избори“.

Според неименуван извор, Бајен рекол дека „кога ќе те соборат, се враќаш“.

„Да го победиме ова“, биле зборовите на Бајден на крајот од разговорот.

Кошарка

Јуниорската селекција на Македонија минимално поразена од Црна Гора

Машка кошаркарска репрезентација до 18 години на Македонија загуби синоќа во Скопје од соодветната селекција на Црна Гора со 92:90 на стартот од подготовките за настап на претстојното Европско првенство во Б дивизијата.

Македонската репрезентација на дуелот против Црна Гора беше во константно водство до завршните четири минути, кога противникот со серија од 8-0 поведе со 88:83 и во неизвесна завршница ја зачува предноста.

Најефикасен во македонските редови беше Марко Луканоски со 14. поени, а додаде и 14. Скокови.

Двете селекции ќе одиграат уште еден натпревар, кој е закажан за попладнево со почеток од 14. часот, на истото место, во салата на СРЦ „Кале“ во Скопје.

Со двата контролни натпревари против Црна Гора избраниците на селекторот Горан Андреевски ги стартуваат подготовките за настап на Европското првенство во Б дивизијата кое од 26 јули до 4 август ќе се одржи во Скопје.

Регион

Српската полиција открила 12 килограми марихуана во возило кое влегло од Македонија

Полицијата вршејќи увид на „пикап“ со хрватски регистарски таблички, со кој осомничениот и уште едно лице за кое се трага, влегле во Србија од Република Македонија.

Припадниците на Министерството за внатрешни работи на Србија, Управата за гранична полиција и Полициската управа во Врање откриле и заплениле околу 12,2 килограми растителна материја за која постои сомнение дека е марихуана од атар на селото Миратовац на границата со Македонија и го привеле Х. Д. (39) од подрачјето на Прешево, поради постоење основи на сомнение дека како соизвршител сторил кривично дело „неовластено производство и пуштање во промет на наркотици“, јави дописникот на МИА од Белград.

- Полицијата вршејќи увид на „пикап“ со хрватски регистарски таблички, со кој осомничениот и уште едно лице за кое се трага, влегле во Србија од Република Македонија, во товарниот дел и кабината на возилото пронашле неколку пакувања со околу 12,2 килограми растителна материја за кои постои сомневање дека е марихуана, соопшти МВР на Србија.

Во истрагата се вклучени дежурен јавен обвинител на Вишото јавно обвинителство Врање и полициски службеници.

По наредба на дежурниот јавен обвинител на Вишото јавно обвинителство Врање, на осомничениот му е одредена мерка притвор во траење до 48 часа и со кривична пријава ќе биде изведен во обвинителството.

Фудбал

Копа Америка: Дебитантот Канада полуфиналист

Канадската фудбалска репрезентација во своето дебитантско учество на Копа Америка се пласираше во полуфиналето откако во четвртфиналето синоќа во Арлингтон ја совлада Венецуела со подобро изведување на пенали.

Канадската фудбалска репрезентација во своето дебитантско учество на Копа Америка се пласираше во полуфиналето откако во четвртфиналето синоќа во Арлингтон ја совлада Венецуела со подобро изведување на пенали со вкупен резултат 5-4 (1-0, 1-1, 1-1).

Канада поведе во 13. минута со голот на Џејкоб Шафелбург, а Венецуела израмни во 65. минута преку Саломон Рондон.

Во пенал-рулетот по пет серии двете селекции постигнаа по три гола, а во шестата серија канадскиот голман Максим Крепо одбрани обид на Вилкер Анџело, за потоа Исмаел Коне со прецизен удар од белата точка да ја однесе Канада меѓу четирите најдобри репрезентации.

Во полуфиналето кое е на програмата во вторник во Њу Џерси, Канада ќе игра против бранителот на титулата и актуелен светски првак Аргентина, која ден претходно, исто така, со подобро изведување на пенали го елиминираше Еквадор.