Македонија

Бектеши: За Попова Шапка седум опции понудија консултантите, предлагаат и изградба на гондола од Тетово

-Физибилити студијата ни даде насоки кои ние како Влада ќе ги диксутираме со граѓаните и ЕСМ. 

На денешната седница на Владата што треба да се одржи во Тетово ќе бидат истакнати седумте опции за развој на Попова Шапка кои се понудени во физибилтии студијата што ја презентира консултантската куќа Прајс Вотерс Хаус Куперс на вчерашниот настан во ски центарот.

Министерот за еконија Крешник Бектеши вели дека со оглед на регионалното значење на Попова Шапка, информации ќе добијат и градоначалниците на полошките општини кои ќе бидат на владината седница во Тетово.

-Физибилити студијата ни даде насоки кои ние како Влада ќе ги диксутираме со граѓаните и ЕСМ. Посочувам на три опции, една да има јавно приватно партнерство, втора концесија и трета потполна продажба на сместувачки и угостителски капацитети бидејќи работат со загуба. Идејата за јавно приватно партнерство е во оптек поради инвестициите што веќе ги правиме со патот, изјави денеска министерот за економија Бектеши во Тетово каде што е на увид на неколку теренски активности.

Тој посочи дека во презентацијата е посочена и идејата за изградба на гондола од Тетово до Попова Шапка.

-Според калкулациите на консултантите, изградба на гондола ќе чини 23 милиони евра. Наредната година ќе почнеме со проектирањето на гондолата што ќе чини 200 до 300 илјади евра, а потоа ќе одлучиме дали ќе одиме со јавно приватно партнерство или директна инвестиција на ЕСМ, рече Бектеши.

Целосната физибилити студијата ќе биде објавена на интернет страницата на Владата.

Македонија

Спасовски: Силен СДСМ е потребен за европска иднина, не сакаме враќање на режимот

Носителот на листа на кандидати за пратеници од ИЕ2, предводена од СДСМ и коалицијата, Оливер Спасовски, даде изјава за медиумите во Ѓорче Петров, со повик до граѓаните за масовна излезност на 8 ми мај за бројот 1.

„Ве повикувам - Излезете на 8 ми мај, силен СДСМ во Собранието е потребен заради иднината на државата!

Да не дозволиме враќање на режимот! Десничарската партија ВМРО ДПМНЕ е истата таа на Груевски, а знаеме сите што значи преголема моќ во нивни раце - крај на ЕУ перспективи, крај на поголеми плати и пензии, крај на можности за младите и крај на соживот и меѓуетничка кохезија”, рече Спасовски. Притоа, тој истакна дека граѓаните не сакаат враќање на режимот.

„Доволно беше чекањето за Европа и никој не сака враќање назад по патот кон нестабилност и изолација.

ДПМНЕ ќе ја одложуваат евроинтеграцијата во недоглед, сега зборуваат за рокови. Истото тоа го правеше и Груевски, тие само ќе продолжат кај што застана тој. Ќе го вратат национализмот, насилството, апсењето новинари и тепањето студенти, прислушувањата и грабежот на народни пари. За тоа да немате дилема!”, рече Спасовски, повикувајќи ги граѓаните да гласаат за СДСМ и коалицијата.

„Сите сме исправени пред голем предизвик, секој еден член и активист на СДСМ, секој граѓанин, Македонци, Албанци, Роми, Срби, Влади, Бошњаци, Турци и сите други - имаме обврска, заради аманетот од предците борците од НОБ и АСНОМ кои ја изградиле Македонија, и уште поважно, заради генерациите кои доаѓаат, да им оставиме европска држава, европски живот дома!

Затоа е важно на 8 мај сите да излеземе и да го поддржиме СДСМ, затоа што ДПМНЕ ќе го донесе повторно режимот кој долго време се трудевме да го срушиме.

СДСМ е единствената партија која ја движи државата напред, кон прогрес, интересот на граѓаните и развојот на државата - секогаш пред сѐ и над сѐ.

Мора да сме силни и единствени СДСМ, заради иднината на државата.

Да ги зачуваме слободата и напредокот на државата!

Нема да се откажеме - Сите масовно на 8 мај гласаме за број 1!”, рече Спасовски, се наведува во партиското соопштение.

Македонија

Димитриевски ги соопшти условите за евентуална соработка со СДСМ или ВМРО-ДПМНЕ

Лидерот на партијата ЗНАМ, Максим Димитриевски, ги испорача своите услови за евентулни пост-изборна соработка со СДСМ или со ВМРО-ДПМНЕ. 

Максим Димитриевски се согласува со ставовите на опозициската ВМРО-ДПМНЕ, кои се против уставните измени и несоработка со ДУИ, но тоа нема да биде доволно за евентуални разговори за пост-изборна соработка. Прво бара ВМРО-ДПМНЕ да ги расчисти дилемите во јавноста околу постоењето на некаков договор со поранешниот лидер на СДСМ, Зоран Заев..

Димитриевски не ја затвора вратата ниту за соработка со СДСМ, но не со сегашното раководство. Побара нивни оставки во рок од 24 часа, и дополнително повлекување од пратеничките листи на носителите и коносителите, за како што рече, да не се спасуваат од одговорност со имунитет.

Првиот човек на ЗНАМ иако отпадна од трката за претседател, сепак повика на масовно гласање и на вториот круг од Претседателските избори, за да се избегне опасност од институционална криза..

Запрашан за кој би дал поддршка, Димитриевски не даде директен одговор, но додаде дека се кае што во минатото го поддржувал актуелниот претседател Пендаровски.

Свет

Мерчан нема милост: Трамп е казнет со 9.000 долари за непочитување на судот (ВИДЕО)

Судијата Хуан Мерчан изјави дека поранешниот претседател на САД, Доналд Трамп е казнет со 9.000 долари поради прекршување на забраната за коментирање на сведоците.

Обвинителите го обвинија поранешниот претседател дека постојано ја прекршувал наредбата да не ги коментира сведоците, барајќи од судијата да го казни со 1.000 долари по коментар, објави Гардијан.

Според судскиот налог, Трамп не може да дава, или да наложува други да даваат, јавни изјави за сведоци поврзани со нивната улога во истрагата и судењето, пред обвинителите, освен окружниот обвинител на Менхетен, Алвин Брег и членовите на судскиот персонал или персоналот на окружниот обвинител.

Трамп може слободно да го критикува Мерчан, иако тоа веројатно нема да му се допадне на судијата, кој ќе одлучи за неговата казна доколку поротата го прогласи за виновен.

Пред судењето, Мерчан ја прошири забраната за коментари за да ги „покрие“ неговите и семејствата на Брег, откако Трамп објави објава за неговата ќерка, која работеше за компанија која им помагаше на демократските кандидати во дигиталните кампањи.

притисни ентер