Ракомет

Барселона по заверка на пласман во полуфиналето на ракометната Лига на шампиони

Екипата на Барселона, за која настапува капитенот на македонската ракометна репрезентација Кирил Лазаров, попладнево го игра реванш дуелот против ППД Загреб во четвртфиналето од Лигата на шампионите.

Шпанскиот тим покрај улогата на фаворит и предноста на домашниот терен, денешниот дел против хрватскиот првак ќе го започне и со предност од два гола, обезбедена на првиот меч одигран во Загреб, каде Барселона слеваше со 25:23.

Утре се играат преостанатите три реванш четвртфинални натпревари по кои ќе бидат познати сите четири екипи кои ќе настапат на завршниот „Фајнал фор“ турнирот во Келн на 30 и 31 мај.

Македонскиот вицепрвак Вардар во Полска, против Киелце ќе треба да надополни негатива од два гола, по скопскиот пораз од 22:20. Два гола негатива има и германскиот Кил во дуелот против унгарската екипа ПИК Сегед (29:31), а најнеизвесно се очекува да биде на дуелот Веспрем – ПСЖ, бидејќи првата средба во Париз заврши без победник 24:24.

Забава

Фото:Девојката на екс фудбалер на Барса воодушеви со секси фотографии

Девојката на шпанскиот фудбалер и поранешна ѕвезда на Барселона, Марко Бартра е голем љубител на социјалните мрежи.

Убавата Џесика сега ги воодушеви следбениците на Инстаграм со атрактивни фотографии на која таа е облечена само во минијатурно бикини.

На фотките убавата Џесика Гојкочеа која е манекенка ја покажа својата совршена фигура и на тој начин собра голем број лајкови на социјалните мрежи.

Фудбал

Унион Берлин му врачи отказ на Бјелица

Бундеслигашот Унион Берлин се раздели со тренерот Ненад Бјелица, ден откако клупскиот претседател изрази поддршка на хрватскиот стратег.

Унион загуби со 3-4 на домашен терен од ривалот за испаѓање Бохум во неделата и се наоѓа на еден бод и едно место над плеј-офот за опстанок на два натпревари до крајот на сезоната.

Бјелица седна на клупата на Унион во ноември откако Урс Фишер беше отпуштен по серијата слаби резултати, и покрај тоа што го обезбеди првиот настап во Лигата на шампионите претходната сезона.

Унион соопшти дека клубот на двата завршни натпревари ќе го предводат Марко Гроте, заедно со сегашниот помошник тренер Мари-Луиз Ета, првата жена која предводеше машки тим на натпревар од Бундеслигата.

Свет

Макрон ја поздрави намерата на Кина да се воздржи од продажба на какво било оружје на Москва

Францускиот претседател Емануел Макрон за време на денешната заедничка прес-конференција со претседателот Си Џинпинг во Париз, ги поздрави „намерите на Кина да се воздржи од каква било продажба на оружје“ и „каква било помош за Москва“.

Шефот на француската држава, исто така, ја поздрави „подготвеноста“ на неговиот кинески колега „да ги замоли сите заинтересирани страни“ во различни конфликти на „олимписко примирје“ за време на летните Олимписки игри во Париз.