Македонија

Бактериолошки неисправна водата во поголем дел од селата со сопствен водовод

Од испитаните 4.545 примероци вода од селата со сопствен водовод, 35 проценти (1.598) биле бактериолошки неисправни, поради тоа што таа вода редовно не се хлорира, не се дезинфицира и затоа има бактерии.

Тие села се најризични, таму не постои јавно комунално претпријатие кое управува со нив и се случува дел од анализираните примероци да бидат и бактериолошки неисправни, изјави денеска д-р Гордана Ристовска од Институтот за јавно здравје на одбележувањето на 22 Март, Светски ден на водата.

Посочи дека најопасни се индивидуалните водоснабдителни објекти кои жителите ги имаат во сопствените дворови, како бунари, пумпи и слично, кои не подлежат на никаков надзор, а истовремено и сопствениците не преземаат мерки таа вода да биде безбедна. За да биде една вода безбедна, појасни д-р Ристовска, таа мора да подлежи на дезинфекција и треба да биде контролирана.

– Од градските водоводи со вода се снабдуваат над 1,3 милиони жители, 217.000 живеат во села кои се приклучени на градските водоводи, а 439 илјади жители се снабдуваат од сопствен водовод, рече д-р Ристовска.

Годинава, мотото на Светкиот ден на водата е „Да не оставиме некој зад себе", што, според д-р Ристовска, укажува дека сите имаме право на безбедна вода, што нема да предизвика болест и секој треба да ја има во доволни количини и таа да биде достапна во домовите.

– Институтот за јавно здравје го одбележува Светскиот ден со цел подигнување на јавната свест на населението. Со бројни активиности денеска анимираме предшколски и школски деца, за да се запознаат со значењето на водата и врз основа на тоа да го градат односот кон овој природен ресурс, додаде д-р Ристовска. /МИА

Свет

Семејствата на заложниците го повикуваат Нетанјаху да обезбеди договор за примирје

Од Форумот сметаат дека сега е време да се „предводи, покаже храброст и да се обезбеди враќање на сите 132 (луѓе) кои ги држи Хамас, живи, поради рехабилитација и на убиените за да бидат погребани“.

Форумот на семејства на заложници и исчезнати лица денеска на Денот на сеќавањето на Холокаустот, апелираше до премиерот на Израел, Бенјамин Нетанјаху „да го игнорира целиот политички притисок“ и да се потсети на ветувањето „никогаш повеќе “ и да обезбеди договор за ослободување на Израелците земени како заложници во Газа.

Од Форумот сметаат дека сега е време да се „предводи, покаже храброст и да се обезбеди враќање на сите 132 (луѓе) кои ги држи Хамас, живи, поради рехабилитација и на убиените за да бидат погребани“.

Соопштението дојде на денот кога се очекува да продолжат разговорите во Каиро за потенцијалниот договор.

Се верува дека договорот за кој се разговара се состои во неколку фази. Во првата фаза би биле ослободени ограничен број таканаречени „хуманитарни“ заложници за неколкунеделно примирје.

Во следните фази, уште повеќе затвореници би биле ослободени во замена за Палестинците во израелските затвори, а постои можност и за воспоставување поцврсто примирје.

Хамас, сепак, инсистира дека нема да се согласи на договор кој не вклучува крај на војната.

Македонија

Мицкоски: Верувам дека во среда ќе имаме убедлива двојна победа

Верувам дека во среда ќе имаме убедлива двојна победа, ВМРО-ДПМНЕ и коалицијата Твоја Македонија се блиску до 61 пратеник.

Верувам дека во среда ќе имаме убедлива двојна победа, Гордана Силјановска Давкова ќе биде идниот претседател на Македонија, а коалицијата Твоја Македонија и ВМРО-ДПМНЕ ќе имаат 61 пратеник, изјави претседателот на ВМРО-ДПМНЕ, Христијан Мицкоски денеска пред Соборниот храм во Скопје, одговарајќи на новинарско прашање во врска со изборите во среда.

- На сите им е јасно дека ВМРО-ДПМНЕ на овие избори е блиску до мнозинство во Парламентот, потенцираше Мицкоски.

Мицкоски изрази благодарност до граѓаните кои гласаа за Силјановска Давкова во првиот круг и додаде дека се чувствува дека во среда ќе има масовност за глас за ВМРО-ДПМНЕ и коалицијата Твоја Македонија.

Со почит,

Центар за комуникации на ВМРО-ДПМНЕ

Живот

Бернар Арно прв на листата на најбогати луѓе во светот, Маск на третото место

Францускиот бизнисмен Бернар Арно, кој има контролен пакет акции во холдингот „LVMH“, водечки светски производител на луксузна облека, е на првото место на ранг листата на најбогати луѓе во светот.

Според објавената листа на милијардери на Блумберг, богатството на Арно изнесува 215 милијарди долари и од почетокот на годината е зголемено за седум милијарди долари.

На второ место е основачот и поранешен извршен директор на „Амазон“, Џеф Безос, чие богатство се проценува на 198 милијарди долари.

Основачот на „Тесла“ и „Спејс Икс“, Илон Маск е на трето место со 194 милијарди долари.

Меѓу десетте најбогати луѓе во светот се и основачот на „Мета“ платформата Марк Цукерберг (153 милијарди долари), основачот на „Мајкрософт“, Бил Гејтс (149 милијарди долари), коосновачите на „Гугл“ и „Алфабет“, Лери Пејџ (146 милијарди долари) и Сергеј Брин (138 милијарди долари), поранешен генерал. По нив следат директорот на „Мајкрософт“, Стив Балмер (130 милијарди долари), американскиот инвеститор и филантроп Ворен Бафет (132 милијарди долари) и основачот и претседател на корпорацијата „Оракл“, Лери Елисон (129 милијарди долари).

притисни ентер