„Морнарицата е сериозна во врска со безбедноста на морските цицачи и е сериозно погодена од овој инцидент“, се вели во соопштението на австралиската морнарица.
Локалните медиуми пишуваат дека станува збор за кит-перка, најблизок роднина на синиот кит и после него следното најголемо животно на Земјата. Едниот бил долг околу 20 метри, а другиот околу 7,6 метри.
Според Националната управа за океани и атмосфера на САД (НОАА), китовите перки се загрозени видови, со само околу 3.200 единки на западниот брег на САД. Овој вид кит порано интензивно се ловел, но денес обично умира поради судир со бродови.
Воениот брод ХМАС Сиднеј е долг околу 147 метри и тежи 7.000 тони. Неговиот труп се протега на 7,2 метри под морската површина. Тој е еден од најновите бродови на австралиската флота, пишува Си-Ен-Ен.
Австралиската морнарица на Твитер соопштила дека бродот пристигнал во Сан Диего во саботата откако ги тестирал своите борбени системи крај брегот на Калифорнија.
"Инциденти како овој се ретки. Китовите на долги растојанија можат да ги слушнат бродовите и генерално ги избегнуваат. Тие можат да бидат збунети во плитките води со нискофреквентен сонар, но австралиски брод е опремен со високофреквентен сонар", рече Карл Шустер поранешен капетан на американската морнарица.
NOAA Fisheries наведува дека судир на кит со брод може да се случи додека овие животни се хранат и мигрираат покрај крајбрежните води.