Автомобилизам

Ауди патентираше систем за автоматско гаснење пожар во електрични автомобили

Револуционерен систем за противпожарна заштита.

Пожарот во автомобилот е еден од најголемите проблеми со кои може да се соочи возачот. Пожарите во електричните возила не се толку чести, но привлекуваат големо внимание во јавноста бидејќи таквите пожари се бурни и тешко се гасат.

Повеќето пожари се предизвикани од прегревање или проблеми со батеријата, а тие обично се шират толку брзо што станува предоцна кога ќе пристигнат пожарникарите.

Сепак, се чини дека на овој проблем му се одброени деновите благодарение на патентот што Ауди штотуку го претстави, систем за гаснење пожар кој дејствува брзо за да спречи поголема штета.

Во електричните автомобили, борбата против пламенот е од мала корист бидејќи во скоро сите случаи пожарот произлегува од проблем во батеријата. Затоа инженерите на Ауди поднеле барање за патент за внатрешен систем за гаснење.

Комплексно решение, но во исто време толку логично што е многу тешко да се разбере како не се смислило вакво нешто претходно. Се состои од неколку елементи, од кои главни се детекторот за чад и самата опрема за гаснење, како и разни сервисни цевки.

Детекторот за чад и температура ќе биде првата безбедносна бариера. Кога сензорите ќе забележат присуство на чад и температурата на батеријата е повисока од нормалната, ќе се издаде предупредување што ќе го активира апаратот за гаснење пожар.

Ауди одлучи да користи апарат за гаснење со сув прав што го задушува пламенот. Значи, брзо и ефикасно.

Возачот истовремено ќе добие предупредување за пожар. Автомобилот потоа ќе застане безбедно за возачот да може да повика брза помош.

Моментално е аплицирано само за патент, иако не би било изненадување доколку оваа технологија наскоро се воведе како суштински елемент во идните електрични модели.

Регион

Додик: Ќе побарам од Србија и Вучиќ поддршка за разидување на Република Српска од БиХ

Претседателот на Република Српска Милорад Додик синоќа изјави дека ќе побара од Србија да разбере дека Република Српска мора да оди по патот на одвојување од Босна и Херцеговина, поради Резолуцијата за Сребреница.

Додик рече дека, без разлика што резолуцијата на Генералното собрание на ОН не е обврзувачка, таа ќе биде отфрлена бидејќи нејзината содржина бидејќи ја сметаат за политички мотивирана. Да се биде политички мотивиран на овој начин не придонесува за стабилизација на односите во Босна и Херцеговина, особено за стабилизација и нормализирање на бошњачкиот и српскиот народ, изјави Додик за сараевската телевизија „Фејс“.

„Мислам дека Вучиќ работи добро, дека е одговорен државник на Србија и дека го разбира контекстот во кој секоја осуда на српскиот народ ја затвора можноста за некои идни развојни позиции на самиот народ“, рече Додик.

Претседателот на Република Српска најави дека ќе му предложи на Вучиќ РС и Србија заеднички да ја отфрлат резолуцијата на Соборот на српскиот народ, што ќе се одржи веднаш по гласањето на резолуцијата.

Дoдик најави и дека ќе побара Србија, како меѓународно призната земја и членка на ОН, формално да продолжи да ги оспорува елементите на таа резолуција.

Сакаме Србија да разбере дека треба да одиме по патот на одвојување во Босна и Херцеговина, рече Додик, а на забелешката на новинарот дека бара Србија да ги поддржи во отцепување, тој одговори дека тоа не е отцепување, туку разделување.

На повтореното прашање дали од Вучиќ на Саборот јасно ќе биде побарано да ја поддржи РС во отцепување, тој рече дека немаат план за отцепување, туку дека сакаат да одат на раздвојување.

„Има ентитетска линија... Раздвојување е да ги преземеме сите функции што ги имаме, да обезбедиме пари во буџетот за сите вработени што работат во Министерството за одбрана, да ги повлечеме војниците, да ги повлечеме луѓето што работат во Централната изборна комисија, да прогласиме дека нема да се спроведуваат одлуките на судот и обвинителството и кој и да е орган на Босна и Херцеговина на територијата на Република Српска“, посочи Додик. /МИА

Свет

Австрија домаќин на конференција посветена на системи за автономно оружје

Во Виена денеска почнува дводневна меѓународна конференција за системи за автономно оружје, јави ДПА.

Министерството за надворешни работи испрати покани за конференцијата на тема „Човештвото на крстопат: Автономни системи за оружје и предизвикот на регулативите“ откако експертските разговори под покровителство на Обединетите нации во Женева во последните 10 години не доведоа до разговори на дипломатско ниво.

На форумот се очекува да присуствуваат претставници од околу 130 земји, како и од Обединетите нации, невладини организации и истражувачки институти. Системите за оружје, кои самостојно таргетираат и ангажираат цели користејќи вештачка интелигенција, се во центарот на дискусијата, особено со оглед на конфликтите во Газа и Украина.

На дневен ред се и прашања како што се употребата на технологии за вештачка интелигенција од страна на терористите и опасностите од трка во вооружување со системи за вештачка интелигенција.

Ќе биде подготвен извештај до генералниот секретар на ОН Антонио Гутереш за следната седница на Генералното собрание на ОН. /МИА

Живот

Во ЗОО Скопје се роди двогрба камила

Во Зоолошката градина во Скопје се роди двогрба камила од фамилијата Бактријан.

- Нашето ново бебе. Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 03 април и по краток карантин со мајката, веќе ужива во пролетните сончеви денови, стои во објавата од Зоолошката градина на Фејсбук.

Фото: Фејсбук на ЗОО Скопје