Спасовски : За две и пол години отворивме нови 54.000 работни места, пред се во приватниот сектор, економските политики даваат резултат

За две и пол години отворивме над 54.000 нови работни места. 

Тоа не значи само намалување на невработеноста, туку тоа се повеќе пари во пензискиот фонд, повеќе пари за социјална заштита, подобрување на животниот стандард за повеќе граѓани, порача потпретседателот на СДСМ Оливер Спасовски на трибина во Охрид. 

Пред присутните Спасовски истакна дека концептот за раст на платите и намалување на невработеноста е реален и дава резултати.

Пред само две години минималната плата беше 9.000 денари, ние прво ја покачивме на 12.000 денари и ја израмнивме во сите сектори. Сега ја зголемуваме на 14.500 денари, а веќе наредната година ќе има ново зголемување, за да дојде до 16.000 денари, онолку колку што ветивме пред граѓаните. Тоа носи раст на платите а просечната плата сега е повисока за околу 2.000 денари за разлика од пред две години, истакна Спасовски.

Пендаровски: Да се инвестира во образованието за подигнување на свеста за климатските промени

Шефот на државата Стево Пендаровски денеска вети дека ќе преземе се што е во негова надлежност со цел да се ублажат негативните ефекти од климатските промени и упати јавен апел до сите надлежни во земјава да го зголемат својот ангажман.

Пендаровски денеска се обрати на конференција „Климатска акција: Да се спречува и да се лекува", на која професори и експерти од земјава и регионот дискутираат за постоечките ризици и за решенијата за адаптација и ублажување на климатските промени.

Конференцијата е во рамки на кампањата за подобра животна средина „Не игнорирај! Реагирај!, која ја спроведува Институтот за комуникациски студии, а е финансирана од Британската амбасада во Скопје.

-Ние политичарите и раководителите во институциите, експертите, едукаторите и бизнисмените имаме обврска активно да работиме за да креираме поздрава животна средина, рече Пендаровски и потсети дека минатата седмица се сретнал со претставници на десетици граѓански организации, кои дејствуваат во оваа сфера и им ветил дека тој ќе стори се што е во негова надлежност за заштита на животната средина.

Напомена дека иако била во завршна фаза пред да ја потпише ја вратил Стратегијата за одбрана за да биде дополнета со посебни мерки и активности за еколошка безбедност.

Пендаровски нагласи дека кон средината на следниот месец на седницата на Советот за безбедност прв пат на дневен ред ќе биде ставена точка за заштита на животната средина, а на седницата се поканети и претставници на  граѓански организации, кои ќе имаат можност да ги предложат своите мерки.

Претседателот изрази поддршка до граѓанскиот сектор, кој се залага да имаме поголем државен буџет за заштита на животната средина, со цел да се приближиме до просекот во ЕУ. Исто така даде поддршка и за создавање на национален фонд за заштита на животната средина, но додаде дека е потребно и да се инвестира во образованието со цел учениците во основно и средно образование да добијат интегрирано еколошко образование за заштита на животната средина.

Пендаровски нагласи дека нашата држава е една од најважните точки на биодиверзитетот во Европа и повтори дека како претседател на државата се залага за заштита на политиките на животна средина и на националниот биодиверзитет.

Британската амбасадорка, Рејчел Галовеј напомена дека денеска на повеќе начини  – со кампањи, протести, документарци се прават обиди за подигнување на свеста за потребата од заштита на животната средина и напомена дека светот на глобално ниво се соочува закани, кои ќе влијаат на сите нас.

Истакна дека до крајот на векот се прогнозира зголемување на температурите на глобално ниво за два до четири степени и  додаде дека е потребно да се сменат овие негативни промени.

Особено важно во таа насока е вијанието што до даваме на индивидуално ниво, рече Галовеј, напоменувајќи оти, секој граѓанин треба да де свој придонес, рециклирајќи пластични предмети.

-Мора да бидеме строги кога станува збор за еколошките и економските промени, рече Галовеј и додаде дека е потребна долгорочна стратегија со цел итно и правилно да се адресира проблемот.

Енергетската индустрија, отпадот, сообраќајот и градежништвото најмногу придонесуваат во емисиите на стакленички гасови во Македонија, додека шумите и урбаното зеленило кои се главни апсорбирачи на гасовите, се карактеризираат со низок квалитет и мал годишен прираст, нагласуваат организаторите на денешната конференција.

Според климатските сценарија, средната годишна температура во земјава ќе се зголеми за 1.9 степени Целзиусови до 2050 и врнежите ќе се намалат за речиси 23 отсто до 2100 година.

Достапноста на населението до вода ќе биде ограничена, а сувите периоди и ненадејните поплави ќе бидат почести и повеќе изразени. Негативните ефекти на климатските промени ќе ги намалат приносите кај најголем дел од земјоделските култури и ќе ги зголемат ризиците врз здравјето на луѓето.

Опасностите што ги носат климатските промени ќе предизвикаат проблеми во земјоделството, здравството, туризмот, биолошката разновидност…, иако штетните влијанија можат да се намалат со мерки кои дури создаваат нови зелени работни места.

Сепак, сериозноста на последиците ќе зависи од способноста на државата да се подготви и да се справи со климатските промени, додаваат организаторите.

Во рамките на конференцијата „Климатска акција: Да се спречува и да се лекува" предвидени се два панели, првиот е посветен на темата „Како да ги ублажуваме климатските промени", а вториот „Како да се адаптираме кон климатските промени". 

Села: Функционери на ДУИ поседуваат имот во соседна Албанија

Лидерот на Алијансата на Албанците, Зијадин Села, обелодени дека функционери на ДУИ поседуваат имот во соседна Албанија, поточно во градот Драч кој се наоѓа покрај јадранското крајбрежје.

-Овие имоти се стекнати на сомнителни начини и албанската држава треба да ги истражи овие наводи – рече Села во интервју за „Пресинг ТВ“.

Според него, ДУИ се покажало како полоша опција за Албанците и во споредба со ВМРО-ДПМНЕ и СДСМ.

-Иако Заев не успеа да ги реализира своите ветувања, тој беше подобар од Груевски во некои политики, но ние уште ги бараме нашите права. Албанците ме прашуваат кои се полоши, СДСМ или ВМРО, јас им велам дека полоша од нив е ДУИ – изјави Села.

Тој порача дека крајно време е ДУИ да замине во опозиција.

Еднодневна обука за сајбер безбедност за ученици, наставен кадар и родители

Еднодневна обука за сајбер безбедност за ученици, наставен кадар и родители, денеска се одржа во Скопје.

 Обуката е во организација на министерството за информатичко општество и администрација и министерството за образование и наука, мисијата на ОБСЕ во Скопје и фондацијата Метаморфозис.

притисни ентер