Свет

Кандидатот за еврокомесар за правда од Белгија е осомничен за корупција

Белгискиот кандидат за еврокомесар , министерот за надворешни работи , Дидие Рејндерс , е соочен со прелиминарна истрага во врска со перење пари во ДР Конго , објавија белгиските медиуми.

Овие обвиненија беа изнесени од поранешен член на белгиската разузнавачка служба, објави во саботата белгиското државно обвинителство, одбивајќи да открие повеќе детали.

Рејндерс денес беше недостапен за коментар, а ниту неговата канцеларија. Истрагата е во многу рана фаза, но се случува во време кога тој се обидува да стане европски комесар надлежен за судството.

Рејндерс е член на белгиското движење за либерални реформи во Франкофонијата (МР). Тој работел како министер за финансии од 1999 до 2011 година и од 2011 до 2019 година како министер за надворешни работи. Со заминувањето на Шарл Мишел, кој ќе ја презеде функцијата претседател на Европскиот совет од 1 декември, белгиските франкофонски либерали изгубија двајца од најважните политичари.

Кандидатите назначени за комесари треба да поминат сослушувања пред релевантните комитети на Европскиот парламент, што започнуваат на 30 септември.

Ако на сослушувањето еден од кандидатите не ги задоволи пратениците, новоизбраниот претседател на Европската комисија може да побара кандидат за замена или да ризикува и да оди на пленарното гласање со можност целиот тим да падне. Европскиот парламент на пленарната седница , може да го отфрли целиот состав на Комисијата, но не може да издвои одредени назначени комесари.

НБА

Кари ја освои наградата „Џери Вест“

Кошаркарот на Голден Стејт Вориорс, Стивен Кари, е добитник на овосезонската награда „Џери Вест“, која му се доделува на најдобриот играч во решавачките моменти од натпреварите во НБА лигата.

Наградата која се доделува на клучниот играч во последните пет минути од натпреварите во кои резултатот е до пет поени разлика, беше воведена минатата сезона, а Кари го наследи дефанзивецот на Сакраменто Кингс, Де Арон Фокс.

Кари во изборот доби вкупно 298 поени (45 први, 18 втори и 19 трети места).

Второто место со 272 поени (34 први места) го зазеде Демар Дерозан од Чикаго Булс, додека третото место го освои Шеј Гилџес.-Александер од Оклахома Сити со 160 бодови (11 први места). /МИА

Регион

Во Атина уапсени двајца членови на меѓународната криминална група „Пинк Пантери“

Двајца странски државјани, членови на меѓународната криминална група „Пинк Пантери“, во средата биле уапсени во Атина, а се товарат за две кражби на златарници во центарот на градот, јави дописничката на МИА од Атина.

Неофицијално станува збор за српски државјани, а за кражбите го користеле методот „рифифи“, односно во златарниците и продавниците за накит влегувале по направени дупки од соседни напуштени или празни згради или простори.

Од грчката полиција соопштија дека уапсените биле активни најмалку од декември минатата година, користеле фалсификувани документи, а се движеле со возила со странски регистарски таблички или во сопственост на лица со чисто криминално досие, за да не бидат откриени.

Во однос на начинот на дејствување откако ги таргетирале продавниците, ги набљудувале, по што подготвувале соодветен план и се движеле пеш за да не бидат сомнителни.

Откако успевале да добијат пристап до напуштените или празни згради-лепенки до златарниците, отворале дупка на ѕидот што води до продавницата.

Еден од уапсените влегувал преку дупката со лазење за да не се активираат детекторите за движење и со украдениот накит се враќал во соседниот простор.

Од досегашната истрага на полицијата, расчистени се две случаи на кражби во златарници во центарот на Атина, а продолжува истрагата за утврдување на целосниот обем на нивната криминална активност.

По извршениот претрес на уапсените меѓу другото, биле пронајдени и одземени алатки за кражби, три часовници, накит, 190 евра, фалсификувана возачка дозвола, три мобилни телефони.

Свет

Шпанија ќе испрати мал број ракети „Патриот“ во Украина

Шпанија ќе испрати мал број ракети „Патриот“ во Украина, објави денеска весникот „Ел Паис“, повикувајќи се на неименувани добро информирани извори.

Весникот наведува дека Шпанија ја отфрлила можноста за испорака на противвоздушни лансери на Украина, но ќе испрати проектили во Киев.

Шпанија има три системи „патриот“ кои ги купи од Германија во 2004 и 2014 година, потсетува весникот.

Украинскиот претседател Володимир Зеленски им кажа на членките на НАТО претходно овој месец дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да ги одврати руските воздушни напади, барајќи од нив да ја засилат воената помош за Киев.