Обид за атентат врз шпанскиот премиер

Шпанската полиција спречи планиран напад врз премиерот Педро Санчез.

Каталонската полиција на Твитер денеска објави дека е уапсен човек кој имал намера да го убие Санчез . Во неговито дом било најдено големо количество оружје.

Мажот бил уапсен пред три недели во каталонскиот град Тераса под сомнение дека сака да изврши атентат врз премиерот , јавува полицијата во Барселона. Се смета дека мажот сакал да се одмазди за планот на шпанската Влада да го ексхумира и премести телото на поранешниот диктатор Франциско Франко.

Уапсениот 63 годишен маж имал дозвола за носење оружје, кое е најдено во неговиот дом . Полицијата нашла 16 видови различно огнено оружје , меѓу кои и снајпери и автоматски пушки. мажот работел за приватна компанија за обезбедување.

Мажот на социјалните мрежи најавил дека ќе го убие Санчез. Во моментов се наоѓа во затвор во местото Тераса.

Шахпаска:Со реформите на социјалната заштита обезбедуваме праведност и подобар живот за сите

Градиме фер и социјално праведно општество на еднакви граѓани.

Со реформите на системот на социјална заштита и мерките во Буџетот за 2019 обезбедуваме сериозно зголемување на расположливиот доход во семејствата, социјална праведност и подобар живот за сите граѓани.

Воведуваме загарантиран минимален приход и „семеен пакет на права" во износи значително поголеми од досегашната парична поддршка на социјално загрозените лица.

Примателите на социјална помош добиваат зголемен приход и до 300 отсто.

Истовремено, се олеснува пристапот до надоместокот на 24 000 домаќинства кои во моментот се приматели на социјална помош, но се создава можност да бидат опфатени и дополнителни 11.000 домаќинства.

Се воведува образовен и детски додаток за повеќе од 60.000 деца.

Новиот систем на социјална и детска заштита има за цел најголема помош да им се пружи на најранливите категории сограѓани.

Неговото спроведување ќе придонесе за извлекување на најранливите граѓани, но и на децата од сиромаштија.

Паралелно со ова, ќе се спроведат интензивни мерки за подготовка и активација на овие категории граѓани на пазарот на труд.

Воведувањето и спроведувањето на реформираниот систем на социјална и детска заштита во наредната година значи обезбедување на дополнителни 2,2 милијарди денари по овој основ, пари кои ќе се вратат назад, кај граѓаните.

Ова, почитувани, се само дел од мерките во полето на социјалната заштита кои имаат за цел да ја унапредат социјалната праведност, но и трајно да извлекуваат од сиромаштија.

Предлог Буџетот за 2019 наскоро ќе влезе во собраниска процедура. Повикуваме на конструктивна дебата за натамошни подобрувања во интерес на граѓаните.

Продолжуваме посветено да работиме на мерките што обезбедуваат повеќе пари и повисок животен стандард за сите граѓани.

Јагода Шахпаска, пратеничка на СДСМ и коалицијата

ВМРО-ДПМНЕ: Здравствениот систем е во колапс

Здравствениот систем во македонија е во колапс. СДСМ имаше „план за живот“, и вети дека ќе се работи на здрава примарната здравствена заштита, обвинуваат од ВМРО-ДПМНЕ.

Здравствениот систем во Македонија е во колапс. СДСМ имаше „План за живот“, и вети дека ќе се работи на здрава примарната здравствена заштита. Но, очигледно или не ја сфаќаат или не сакаат да ја сфатат. Примарната здрваствена заштита е во слободен пад.

          Матичните лекари и стоматолозите добија најлоши предлог договори за наредните пет години од Фондот за здравствено осигурување, а со високите казни во договорите се доведува во прашање и нивното опстојување.

          СДСМ, пак, ветуваше намалување на високите казни за матичните доктори, а сега гледаме дека излажа. Матичните доктори протестираа, но, прашање  е дали воопшто некој ги слуша.

          Лагите на СДСМ ги има секој ден.

          СДСМ ветуваше и покачување на капитациониот бод на матичните доктори на 90 денари-излажа. Ветуваше укинување на квотите за рецепти и боледувања-излажа.

          Дополнително, годинава од две поликлиники во Скопје три матични доктори заминаа во пензија, а најдоцна до крајот на годинава заминува уште еден матичен лекар. Значи дека околу десет илјади граѓани во Скопје ќе останат без матичен лекар. Здравствен дом Скопје не распишува тендер за концесионери како што предвидува Законот за здравствена заштита.

          Предвидлив е фактот дека до крајот на годината околу 30 доктори  од примарното здравство низ цела Македонија ќе заминат во пензија, а околу 60 илјади граѓани ќе останат без матични лекари. Во Македонија многу ординации ќе останат празни. Ако се земе предвид дека просечната возраст кај матичните доктори е 57 години, очекувано е дополнително влошување на состојбата за 5 години кога може да се случи многу градови да останат без доктори во примарното здравство.

          Поради политиките на оваа криминална и однародена власт граѓаните нема кој да ги лечи, а лекарите и медицинските сестри ја напуштаат државата.

          Министерот за здравство Венко Филипче и владата треба да дадат одговори на следните прашања:

          Дали во државава се потребни лекари?

          Знаат ли надлежните дека граѓаните остануваат без матични лекари?

          Почитувани,

          Јасно е дека владата и министерството се без план за столбот на здравствениот систем за примарната здравствена заштита.

          СДСМ ги изманипулира граѓаните, ги измами лекарите. Ветуваше нешто што сакаа да го слушнат, но очигледно нема намера да го реализира.

          На оваа здравствена политика водена од оваа влада и овој министер мора да се стави крај.

ВМРО-ДПМНЕ: Апелацискиот суд да се води од фактите

Од ВМРО-ДПМНЕ го повикуваат Апелацискиот суд да се издигне над состојбите и политичките нарачки и да не потоне на дното со поддршка на политичкиот прогон што се спроведува во Република Македонија.

Во Апелацискиот суд каде што судиите имаат одговорност за тоа во кој правец ќе продолжи да се движи македонското судство: Дали ќе се издигне над состојбите и политичките нарачки, или ќе потоне на дното со поддршка на политичкиот прогон што се спроведува во Република Македонија.

          При одлучувањето за притворот на Миле Јанакиески и на Кирил Божиновски, судиите во Апелацискиот суд мора да се водат од фактите, наспроти изречената мерка како одговор на потребата на хунтата за прикривање на неспособноста и на политичкиот терор против неистомислениците.

          Определување мерка притвор по цела година и половина за луѓе кои што со ништо не ги прекршиле претходните мерки е чисто политички мотивиран случај!

          Прво, периодот на првите изречени мерки не е кус, не е една недела, не е еден месец. Се работи за цели 18 месеци, година ипол, период во кој двајцата ги почитуваат мерките, редовно се јавуваат во судот, редовно одат на судските рочишта. Редовно се достапни на органите на прогонот. Судиите во Апелацискиот суд мора предвид да го имаат одговорот, кој што го испуштија и нарачателите, и барателите, но и судиите, дали Јанакиески и Божиновски во целост ги испочитувале изречените мерки? Дали имало еден петок во кој што тие двајца не се јавиле на суд?

          Второ, притворот сега се воведе врз наводна службена белешка од УБК со назнака Строго Доверливо! Едно е што се цитира документ кој што не е декласифициран туку и не се проверува веродостојноста на содржината откако следеше остра реакција и од Претседателот на државата и од обвинетите. Ниту едниот ниту другиот немале намера да бегаат или воопшто да ги прекршат определените мерки за претпазливост.

Судиите во овој случај навистина имаат задача, дали воопшто нешто ќе остане од демократско во Република Македонија, или се ќе се стави под нозете на хунтата, не водејќи сметка ниту за човечки судбини, ниту животи, само заради политичка определба или за затскривање на неспособноста на апаратот за репресија на хунтата. Судот мора да ги исправи направените грешки и да ги прифати аргументите на одбраната изнесени во жалбата за укинување на притворот за Јанакиески и Божиновски. Оттука треба да почне да се става крајот на злоупотребите и на безбедносниот систем и на правосудството, пракса која секогаш се воведува кога до власт се дограбуваат наследниците на комунизмот.

притисни ентер