Жешките разговори за името во полн ек

Во 10 часот утринава започнаа преговорите во Виена меѓу министрите за надворешни Димитрво и Коѕиас, со посредство на Нимиц, прва во ваков формат.
Засега нема информации дали состанокот ќе дадат изјави или ќе биде објавено соопштение на министерствата за надворешни работи.
Денешната средба доаѓа откако синоќа двајцата шефови на дипломатиите имаа те-а-те средба исто така во Виена, која беше најавна во последен момент синхронизирано од двете министерства.

Оваа рунда се смета за почеток на суштинските преговори за точките кои остануваа спорни.
Двете влади веќе јасно ги исцртаа позициите.. Заев минатата недела кажа дека прифатливо е географска одредница, но за идентитетот не може воопшто да се разговара

Грчкиот премиер Ципрас пак вчера пред пратениците на неговата партија Сириза, повтори дека рамката што гарантира затворање на пробелмот е сложено име  и за надворешна и за внатрешна употреба, за кое треба уставна промена и повлекување на секакви сомнежи за иредентистички ставови.

Од овие две позиции, јасно е дека ќе се постигне согласност за основото прашање- името. Од 5 те што Нимиц на маса, како реални опции остануваат Северна и Горна Македонија. Она што дополнително треба да се разјасни и преговора и дали и во кои услови ќе се преведува името.

Најпроблематичната точка во врска со името останува опсегот на употреба. За разлика од Грција, македонската страна е подготвена тоа да биде само за меѓународна употреба. Освен за ова, македонската влада не се согласува и со барањето за промена на Уставот, бидејќи двата члена во него што Грција ги сметаше за иредентистички, уште во 1992 година се измените со амандмани..

Доколку се најде компромис за овие прашања, се очекува нацрт договорот кон крајот на месецов Коѕиас лично да го донесе во Скопје, а откако ќе добие согласнот од македонската влада, во март тој да ја добие и конечната верзија.

Министерот Никола Димитров се сретна со Генералниот секретар на ОН, Антонио Гутереш

Министерот за надворешни работи, Никола Димитров, денес во Њујорк, оствари средба со Генералниот секретар на ООН, Антонио Гутереш.

Според соопштението на МНР ,на средбата се разговарало за последните случувања од разговорите за надминување на разликата околу името што се одвиваат под покровителство на ООН.

МИнистетот Димитров изјави : „Со визија и лидерство на двете страни имаме историска шанса да затвориме еден повеќедецениски, историски спор”.

Димитров, во седиштето на ООН во Њујорк имаше средба и со Розмари А. Дикарло, Потсекретар за политички прашања во ОН, на која беше реафирмирана посветеноста на Република Македонија кон европските и евро-атлантските интеграции.  

„Созревањето на Република Македонија и решителноста за градење европска демократија е вистинска шанса за демократски пробив во Европа.”, рече Димитров по средбата. 

Загинати и повредени во силна експлозија во склад за пиротехника (ВИДЕО)

Најмалку едно лице загина и уште 27 се повредени во силна експлозија во склад за пиротехника во Шпанија.

Експлозијата настанала во илегален склад за пиротехника на северзапад на земјата , во близина на градот Туи. Полицијата соопштува дека експлозијата била толку силна што се искршиле прозорците на сите објекти во радиус од три километри.

На терен се бројни спасувачки служби , кои бараат преживеани во урнатините. Градобначалникјот на Туи , Васкез Падин изјави дека складот се наоѓал во куќа , која е целосно разорена.

Судот му забрани на Трамп да блокира на Твитер

Американскиот претседател Доналд Трамп веќе нема да смее да ги блокира корисниците на Твитер.

Федералниот судија во Њујорк , Наоми Рејс Бучвалд донесе одлука Американскиот претседател Доналд Трамп да не смее веќе да ги блокира корисниците на социјалната мрежа Твитер.

Според одлуката на судијката со таквиот потег Трамп го загрозува нивното право на слобода на говор , пропишано во Првиот амандман од Уставот на САД. Одлуката е донесена како резултат на тужбата , која во јули минатата година против Трамп ја поднесе Институтот на Универзитетот Колумбија , кој се занимава со проучување на примената на Првиот амандман на Уставот на САД .

На Институтот во тужбата му се приклулија и неколку корисници на Твитер , кои биле блокирани од претседателот Трамп по коментарите што ги објавиле на неговите објави.

притисни ентер