Пожарот кај Трескавец повторно е активен

Повторно се активираше пожарот кај манастирот Трескавец и според командирот на прилепската Противпожарна единица Станко Колески, состојбата е сериозна.
- Се возобнови пожарот кај Трескавец и ситуацијата е многу сериозна. Има силен ветер кој го шири огнот. Интервенираше летало од Дирекцијата за заштита и спасување, но поради лошата временска ситуација и ветрот повеќе не може да се интервенира на таков начин. Голем број доброволци од прилепски фирми, нашите екипи се на теренот и тука остануваат за да се справат со огнената стихија. Останува повикот за што поголем број доброволци да се пријават, вели Колески.

Пожарот кај Трескавец е активен од четвртокот иако на неколку пати беше ставан под контрола. Но, сега поради ветрот, ситуацијата станува алармантна, додаваат од Противпожарната единица.

- Во прилепско имаме повеќе активни пожари. Еден е на потегот кај селото Крушевица, потоа околу селото Бонче, а имавме интервенциија и кај поранешната фабрика „Партизанка“. Се локализираше пожар кај селото Зрзе, а сега се возобнови пожарот под манастирот Трескавец. Исто така, имаме пожари околу селата Забрчани и Мраморани. Наши екипи работата постојано на теренот. Според јавувања на граѓани има намерно подметнување пожари, но тоа надлежните треба да го потврдат, вели  Јосе Јорданоски од прилепската Противпожарна единица.

Градоначалникот на Прилеп, Марјан Ристески апелираше итно да се пријават уште доброволци за гаснење на пожарот кај Трескавец.

- Граѓаните на Прилеп овие две-три недели се справуваат со огромна непогода. Мислам дека на терен треба што е можно повеќе да бидат надлежните институции, да преземат мерки овде, кај Трескавец, ветерот е силен, огнот брзо се шири, вели Ристески.

Попладнето, манастирскиот комплекс го посетија архиепископот охридски и македонски, г.г. Стефан и владиката Климент.  Владиците беа информирани за состојбата со пожарите, а направија увид и на градежните активности за обнова на опожарените конаци на манастирот./МИА

Американската „Dura Automotive Systems“ ќе отвори фабрика во Македонија

Американската компанија од автомобилска индустрија „ДУРА Аутомотив Системс“ ќе отвора фабрика во Бунарџик, соопштија од Дирекцијата за Технолошко индустриски развојни зони.

Владата потпиша договор за долготраен закуп на градежно земјиште во ТИРЗ зоната.

Фабриката ќе се простира на површина од околу 16 илјади метри квадратни. Според најавите следното лето се очекува да започне со работа.

Иницијалното производство во Македонија ќе вклучува екстериерни алуминиумски лајсни и кровни носачи за европските производители на автомобили. Потенцијалното проширување би вклучило прототипско производство, дизајнирање и производство на алати и екструзија на алуминиум.

Се очекува да вработи околу 500 луѓе.

Компанијата е глобален снабдувач на оргинални компоненти за најреномираните производители на автомобили ширум светот.

Ова ќе биде нивна 37-ма локација во светот и 16-та во Европа.

Освен оваа за која вчера бил потпишан договорот - Владата неодамна се пофали дека е во разговори со 200 компании, од кои 30тина во завршна фаза на разговор.

Инаку во првиот квартал годинава влезени се 235 милиони евра директни странски инвестиици, што претставуваа најуспешен квартал од било кое тромесечие од последниве 10 години.

Вечерва „Млади за Македонија“ ќе протестираат против договорот со Грција

Вечерва е закажан протестен собир против договорот Грција, во организација на иницијативата „Млади за Македонија“.

Погледнете го целосниот извештај на нашата колешка Тамара Стојкова која е пред Собранието на Р:М. :

„Ербас“ ќе ја напушти Британија доколку не се постигне договор со ЕУ

Европскиот производител на авиони „Ербас“ предупреди дека ќе ги повлече инвестициите од Велика Британија, бидејќи стравува дека британската Влада може да ја напушти ЕУ, без да постигне договор за преодниот период по Брегзит.

Компанијата соопшти дека ги проценила ризиците поврзани со Брегзит.

Доколку земјата ги напушти „истовремено заедничкиот пазар и царинската унија, без преоден договор“, тоа ќе предизвика големи проблеми во нејзиното производство во Велика Британија и загуби од милијарди долари.

– Таквите сценарија ќе го принудат „Ербас“ да ги преразгледа инвестициите во Британија и својата долгорочна позиција во земјата, предупреди „Ербас“.

Компанијата има 25 објекти во Британија, каде произведува авионски крила. Во неа се вработени 14.000 лица на островот и уште 100.000 во нејзините филијали.

Велика Британија треба официјално да излезе од ЕУ на 28 март 2019 година.

притисни ентер