Жените меѓу домаќинството и бизнисот

Жената, која што е симбол и темел на семејните вредности, несебично ги дели љубовта, трудот и се вложува себе си во секоја улога во општеството, и како мајка, и сопруга, пријател, работник, професионалец но и како лидер.
Жената е присутна насекаде, но она што го прави посебно нејзиното присуство  е нејзиниот пристап,  нејзината емотивност, интуиција, одлучност и иницијативност,што ја прави  одличен лидер.

Со љубов, посветеност, и упорност може да се биде успешен и покрај сите домашни обврски, воедно да се постигнат и професионалните планови и цели. Женската перспектива е сосема различна од машката, што дополнително ја прави жената – комплетен  лидер , иако во минатото не се гледало така на нејзините способности и таа речиси не била застапена како лидер во општеството.

На дводневниот форум организиран од Сојузот на стопански комори во соработка со Здружението на бизнис жени, беше промовирана и Глобалната платформа на жени лидери од јавниот и приватниот сектор.

Над 40 еминентни жени лидери како и 300 учесници од пет континенти, меѓу нив  креатори на јавни политики, дипломати и новинари беа дел од Глобалниот самит на жени лидер и ги споделија  искуствата  како е  да се биде жена лидер во 21-от век.


Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер