Фармацевтите ќе можат да комуницираат со глуви и наглуви лица

Сто и дваесет фармацевти од државата кои ја завршија четиримесечната обука за елементарно совладување на знаковен јазик, во аптеките ќе можат да комуницираат со глуви и наглуви лица. Од нив, 50 обучени фармацевти на знаковен јазик од Скопје денеска добија сертификати, а лиценци добија шест обучени и лиценцирани сертифицирани толкувачи на знаковниот јазик.
Досега во државата лиценци имаат 18 обучени лиценцирани сертифицирани толкувачи на знаковниот јазик. Обуките за фармацевтите кои ги вршеа стручни лица кои ја работат таа комуникација и се сертифицирани да го работат тој знаковен јазик, се резултат на успешната соработка меѓу Министерството за труд и социјална политика, Националниот сојуз на глуви и наглуви лица и Фармацевтската комора на Македонија.

Сертификатите на 50 обучените фармацевти на знаковен јазик од Скопје денеска им ги додели министерот за труд и социјална политика Диме Спасов, кој истакна дека проектот е во насока на намалување на бариерите со кои се соочуваат глувите и наглувите лица во Македонија.

- Преку овие обуки во соработка со Националниот сојуз на глуви на наглуви лица и Фармацевтската комора на Македонија значително ќе им помогнеме на глувите и наглувите лица при купувањето лекови и контактите кои ги остваруваат во аптеките ширум Македонија. Од сега, па натаму 120 фармацевти ги знаат основите на знаковниот јазик и ќе можат полесно да комуницираат со глуви и наглуви лица, посочи Спасов.

И во наредниот период, истакна Спасов, ќе продолжиме со конкретни активности за намалување на бариерите со кои се соочуваат глувите и наглувите лица.

- Обезбедивме доволно финансиски средства за годинава да се обучат околу 40 толкувачи кои ќе бидат сертифицирани со што за три пати ќе се зголеми бројот на лиценцирани сертифицирани толкувачи за знаковниот јазик. Планираме и дополнителни обуки во соработка со Министерството за здравство и во повеќе болници и здравствени установи во Македонија со кои и натаму ќе продолжиме да ги подобруваме условите за овие лица во државата, додаде Спасов.

Претседателот на Фармацевтската комора Бистра Анѓеловска изрази задоволство од покажаниот интерес од страна на фармацевтите, за нивниот успех и големото залагање, за да го научат основниот дел на тој јазик за да можат да се разберат со глувите и наглувите лица.

- Фармацевтите со тоа ќе можат да ја остварат основната цел на нашата професија, а тоа е добра комуникација со сите луѓе, како и добивање информација дали пациентот разбрал како да го употребува лекот и се што го интересира во врска со лекот и неговиот начин на лекување, посочи Анѓеловска.

Ова, нагласи таа, претставува голем чекор напред во обезбедување квалитетни здравствени услуги од страна на фармацевтите. Изрази уверување дека и другите колеги од областа на здравството ќе покажат интерес за такви или слични обуки за комуникација со глуви и наглуви лица.

Марија Ивановска, една од добитничките на сертификат, рече дека пациентите се задоволни кога ќе наидат на фармацевт кој ги разбира и кој знае да им објасни како треба да ја применат нивната терапија.

- Имавме многу добри предавачи кои не научија како да комуницираме со овие пациенти. Им препорачувам на сите здравствени работници да се вклучат во вакви кампањи, додаде Ивановска.

Претседателот на Националниот сојуз на глуви и наглуви лица, Васко Марков, изразувајќи задоволство од спроведените обуки кои воедно биле едно од нивните барања, рече дека станува збор за еден голем многу важен проект од страна на Владата во соработка со Министерството за труд и социјална политика.

- Моментално имаме 18 сертифицирани толкувачи. Обезбедени се 500.000 денари за обуки за нови толкувачи. Би сакал како Националниот сојуз на глуви и наглуви лица, да имаме над 100 толкувачи, додаде Марков.

Напад во Лондон : Веррник избоден во џамија , се бори за живот (ВИДЕО)

Нападот се случил во централната џамија во Лондон.

Човек влегол во џамијата во паркот Риџентс веднаш по 15 часот по локално време и прободел човек за време на попладневната молитва.

Мажот е однесен во болница и британските медиуми јавуваат дека е сериозно повреден и се бори за живот.

Се верува дека муезинот што повикува на молитва е прободениот маж со нож, објави Скај њуз.

Полицијата соопшти дека напаѓачот е уапсен на местото на настанот под сомнение за обид за убиство. Се верува џдека станува збор за ултрадесничар , кој го извршил нападот поради ксенофобија.

Зголемен бројот на предмети од назначувањето на обвинителот за врски на Македонија во Европравда

Министерката за правда Рената Дескоска денеска оствари средба со претседателот на Европравда Ладислав Хамран и обвинителот за врски на Македонија во Европравда, Ленче Ристоска.

Како што соопшти Министерството за правда, на состанокот се разговараше за соработката со Европравда и Годишниот извештај за функционарањето на канцеларијата за врски на Македонија во Европравда за 2019 година.

Претседателот на Европравда во своето обраќање презентираше статистички податоци од ноември 2018 година – навака, кои укажуваа на зголемување на соработката откога Македонија има свој претставник во Европравда (EUROJUST).

Иако официјално соработката на нашата држава со Европравда започнува во 2009 година, Македонија за првпат номинираше јавен обвинител за врски во Европравда во 2018 година.

Тоа е причината поради која бројот на новоотворени предмети во кои е вклучена Македонија е во пораст. Така, за разлика од 2017 година, кога биле отворени само 4 нови предмети, во 2018 година, бројот на новоотворени предмети е 11, додека пак во 2019 година, бројот на новоотворени предмети е 23.

Покрај зголемениот број на новоотворени предмети, минатата година ја одбележа и тоа што Македонија за првпат ја искористи можноста преку Европравда да побара асистенција при обезбедувањето на меѓународната правна помош.

Министерката Дескоска истакна дека неодамна бил усвоен новиот Закон за Јавното обвинителство кој го зајакнува системот за борба против организиран криминал и корупција со гаранции за независност при одлучувањето и финансирањето и изрази благодарност за досегашната соработка со Европравда.

СДСМ: Само лажни вести и измислици од белиот дворец, договорените тендери се одлика на ВМРО-ДПМНЕ

ВМРО-ДПМНЕ партијата олицетворение на лаги,измислици и вештачки креирани сценарија продолжува во нивни познат стил,реагираат од СДСМ на прес-конференцијата на Димче Арсовски од ВМРО-ДПМНЕ.

Но, реалноста е дека лагите на ВМРО-ДПМНЕ се со краток рок и не им поминуваат.

Така, не помина ни денешната лага од белиот дворец, во која е повикана министерката за одбрана Радмила Шекеринска за наводни сомнителни тендери.

Од ова само се потврдува очајот на ВМРО-ДПМНЕ во нивната безидејност и немањето што да им понудат на граѓаните, освен лаги од краток рок.

Машините за кои потпретседателот на ВМРО-ДПМНЕ зборуваше во настап на нервоза при телевизиското соочување со министерката за одбрана, а потоа и неговата партија се огласи, се набавени во јавна тендерска постапка при што до крај се испочитувани сите законски одредби.

Освен јавниот  повик до сите фирми да земат учество во набавката и техничкиот дијалог, било одговорено на сите прашања, предлози и сугестии токму во насока на зголемување на конкуренцијата.

За разлика од 11 годишното владеење на ВМРО-ДПМНЕ денес постапките се транспарентни и секоја компанија има можност да конкурира, денес не се договараат цените по телефон и со тајни разговори туку се јавно објавени постапки на кои победува тој што нуди најниска цена. Тоа за опозицијата е несфатливо, но тоа е почитување на законот.

На лицемерието на  ВМРО-ДПМНЕ му нема крај. Истата таа партија го кочеше Законот за одбрана во Собранието, особено важен за нашето членство во НАТО, со години ги држеше замрзнати платите на вработените во армијата и не направи ништо позитивно.

Наспроти нив, СДСМ се посвети целосно на подигнување на стандардот на вработените во одбраната, како и обезбедување подобри услови за работа преку целосно опремување со униформи и чизми на сите вработени во Армијата, платите за две години пораснаа од 3.000 до 6.000 денари и обезбеди надомест од 7000 денари за станарина.

Затоа,граѓаните на 12 април ќе ги поразат лажниот патриотизам и лицемерието на ВМРО-ДПМНЕ и ќе порачаат режим – никогаш повеќе!, се наведува во реакцијата на СДСМ.

притисни ентер