Технологија

Apple го загуби статусот на највредна компанија на светот

Два технолошки гиганти се борат за титулата највредна компанија во светот.

Мајкрософт го престигна Apple за прв пат од 2021 година и стана највредната компанија во светот по пазарна капитализација - што ја мери вредноста и бројот на акции на една компанија.

Мајкрософт, со седиште во Редмонд, Вашингтон, го надмина Apple за време на денешното тргување на Њујоршката берза (NYSE) кога неговата вредност се зголеми за 1,5% и достигна 2,888 трилиони долари. Apple, со седиште во Купертино, Калифорнија, падна за 0,3% со пазарна капитализација од 2,887 трилиони долари.

Акциите на Apple се намалени за 3,3% досега во јануари, во споредба со растот на Microsoft од 1,8%. Падот на Apple следеше по серијата намалувања и зголемената загриженост дека продажбата на iPhone, најпрепознатливиот производ на компанијата, ќе остане слаба, особено на нејзиниот клучен пазар во Кина.

„Кина би можела да биде пречка за перформансите во наредните години“, се вели во белешката до клиентите на брокерската куќа Redburn Atlantic, посочувајќи на обновената конкуренција од Huawei и кинеско-американските тензии кои го зголемија притисокот врз Apple.

Акциите на Apple, чија пазарна капитализација достигна врв од 3,081 трилиони долари на 14 декември, минатата година ја завршија со добивка од 48%. Тоа беше пониско од зголемувањето од 57% од Microsoft, кој објави алатки за генерирање на вештачка интелигенција (AI) во 2023 година благодарение на поврзаноста со OpenAI, производителот на ChatGPT.

Мајкрософт накратко го презеде водството пред Apple како највредна компанија неколку пати од 2018 година, а последно во 2021 година кога загриженоста за недостигот на синџирот на снабдување предизвикан од COVID-19 ја погоди цената на акциите на производителот на iPhone.

Во моментов, Вол Стрит е попозитивен за Мајкрософт. Компанијата нема рејтинг за „продажба“ и речиси 90% од брокерите што ја покриваат компанијата препорачуваат купување на акциите.

Apple има две оценки за „продажба“ и само две третини од аналитичарите кои ја следат компанијата препорачуваат купување на акциите. И двете акции изгледаат релативно скапи во однос на нивната очекувана заработка, што е вообичаен метод за вреднување на јавно тргуваните компании.

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер