Апелација, по жалбата на обвинителството, одлучила дека судијата не можел да донесе вакво решение, туку застареноста на делото се контатира единствено со одбивателна пресуда поради што предметот се врати во скопска единица. Од Апелација велат дека одлуката е укината од формални причини.

“Со оглед на фазата во која се наоѓал предметот Судот немал можност да донесе решение за запирање на постапката, туку требало тоа да го стори со пресуда со која ќе се одбие обвинението, доколку има апсолутна застареност. “ – велат од второстепениот суд.

Според ова, делото – примање награда за противзаконито влијалие за кое Груевски е обвинет, а се однесува за злоупотребите при изградбата на автопатите Штип-Миладиновци и Кичево –Охрид може да застари кога предметот ќе дојде до пресуда, но исто така останува и можноста тој сепак да биде осуден ако Обвинителството во текот на судењето да го прекфалификува обвинението со потешко дело за екс премиерот..

Инаку, Апелацијаденеска одлучи и екс министерот Миле Јанакиески, кој исто така е обвинет во овој предмет, и наредните 30 дена да остане во куќен притвор. Судиите ја од одбиле неговата жалба да му се укине притворот, кој му е определен за случајот “Шпански скали”, истрага која е завршена и Обвинителството до скопскиот Кривичен суд поднесе обвинение.