Македонија

Ангеловска: До 15 април повратот на ДДВ кон фирмите е зголемен за 20 отсто

Министерката за финансии Нина Ангеловска денеска информираше дека од почетокот на годинава до 15 април односно во првата половина од месецот повратот на ДДВ кон фирмите е зголемен за 20 проценти или за 20 милиони повеќе.

-Само во првата половина во април е зголемен поврат на ДДВ за 65 проценти во однос на истиот период минатата година, рече Ангеловска на прес-конференција на која беше соопштено дека се исплатени субвенциите за тутунот за 2019 година.

Ангеловска исто така информираше и дека МФ и Народната банка и банките веќе се подготвуваат за исплата на пезниите кои опфаќаат 20 пати поголем број на граѓани отколку исплатата на субвенциите на тутунот, што беше најавено денеска.

-Оваа поголема исплата е планирана за последната недела од месец април и исто така ќе се систематизира и дисперзира за да не се прават толпи и да не се загрозува здравјето на граѓаните. Ќе посочам дека ваквото организирање е неопходно и воедно добар пример дека ако пристапиме системски и координирано кон ситуацијата можеме да најдеме соодветни решенија коишто ќе го земат предвид, пред се, грижата за здравјето на граѓаните. Најважно е да го заштитиме здравјето и да се избегнат ризиците, најави Ангеловска.

Одговарајќи на новинарско прашање за колку тоа ќе се намали БДП, Ангеловска посочи на проекциите на Министерството за финансии.

-Ние солидно ја започнавме годината во првите два месеца, бидејќи ефектите од ударот на кризата веќе се почувствуваа во месец март, овие позитивни движења ќе се неутрализираат со ударот од март, но сепак очекуваме раст на економската активност. Најголемиот удар се очекува во вториот квартал. Предвидуваме во вториот квартал најголема контракција во економијата со износи од околу 15 проценти, благо опоравување во третиот квартал и позитивен раст во четвртиот квартал, рече, меѓу другото, Ангеловска.

Министерката за финансии кажа дека Владата треба да ја донесе одлуката за изедначување на цените на нафтените деривати. Според анализите на Министерството за финансии, како што објасни Ангеловска, тоа треба да се случи, имајќи ги предвид тековните слуќувања со цената на нафтата.

-Минатата недела имавме состанок и презентирање на начелните фискални ефекти и анализи, земајќи ги предвид сите ефекти и фактори, а на состанокот беа вклучени и стопанските комори, дел од претставниците на транспортните компании и Регулаторната комисија за енергетика. Анализите кои ги правиме се во насока, и пред се, бидејќи сметаме дека има економска логика и разумност бидејќи се создадени предуслови за носење на ваква одлука, рече миистерката.

Акцизите се навистина значаен приход во Буџетот, потенцира таа.

-Кај нас цената на нафтените деривати е значително пониска од сите земји во регионот, акцизата исто така е значително пониска, и не разговараме за трајно зголемување, туку за антикризна мерка, која значи за доброто на сите. Во вакви услови при вакви падови на цената на нафтата имаме можност да ја надополниме дупката во буџетските приходи по основ на акцизата, рече Ангеловска додавајќи дека и екстралесната нафт е вклучена во анализите, кои не се насока за комплетно изедначување.

Регион

Општина Пустец туристичката сезона ќе ја отвори со „Преспа фест“

Општина Пустец, традиционално, со низа активности го означува почетокот на туристичката сезона, презентрајќи ги природни убавини, културни богатства, македонските традиционални јадења, традиции и обичаи.

Како што информираа од општината, во рамки на отворањето на туристичката сезона а во соработка со Управата на заштитените подрачја Корча, на 7 мај ќе се организира активноста „Преспа фест“.

-На истата ќе бидат истакнати вредностите на културата, традицијата и кујната, со учество на фолклорни групи од Преспа и oд Македонија. Алтивноста ќе почне во 11 часот на плоштадот „Гоце Делчев“ во Пустец. Со задоволство упатуваме покана до сите кои сакаат да бидат дел од оваа активност, заедно да уживаме во убавините на природата, вкусовите на традиционалното готвење и фолклорот на преспанскиот крај, додаваат од општина Пустец.

Општина Пустец ја сочинуваат 9 села, распослани на брегот на Преспанското Езеро, кое му дава посебна убавина на овој крај. На туристите им нуди бројни културни, природни и археолошки добра, поради што, последните години станува се попримамлива дестинација.

Регион

Милановиќ: Хрватска е дното на ЕУ, Бугарија е единствено полоша

Претседателот на Република Хрватска Зоран Милановиќ денеска нагласи дека Хрватска е дното на ЕУ кога се гледаат поранешните социјалистички земји, и дека „единствено Бугарија е полоша од нас“.

„Бугарија е единствено полоша од нас и секое утро му се молиме на Бога ништо не им се случи да има кој да биде последен....Тоа не е она со што треба да се задоволиме. Сега немам ништо со ниту една партија, ниту со ниту еден изборен список. За почеток, Хрватска мора да биде некаде на средина, а потоа да размислува да биде најдобра во конкуренција со Унгарија, Чешка, а не со Данска и Шведска, да биде како Словенија, која имаше менаџерски способности и среќа да се развие малку поинаку отколку Хрватска во изминатите 30 години и можете да го видите тоа“, рече Милановиќ.

„Ни треба децентрализација, вели тој. „

Секогаш е големо прашање до кој степен можете да ја дезинтегрирате државата и да ја оставите власта да оди кај народот, најдиректно кај народните избраници, без да ја разнишате државата и да и го одземете она што и треба, што е еден вид вертикала“.

Нивото на децентрализација во Хрватска, вели тој, е „за жал мизерно и никакво.

Македонија

Сајкоски: Секоја година Битола од владата на ВМРО-ДПМНЕ ќе добива 11 милиони евра

Секоја година Битола од владата на ВМРО-ДПМНЕ ќе добива 11 милиони евра, затоа битолчани излезете на 8 мај за победа на ВМРО-ДПМНЕ и победа на Македонија.

И оваа сабота сум во Битола на средба со граѓаните. Сакаме да им укажеме, но и да им гарантираме на битолчани дека Битола е на врвот на агендата на идната влада на ВМРО-ДПМНЕ.

Сакаме да им гарантираме дека Битола ќе биде културен, образовен, економски и енергетски центар. Ќе вложиме во РЕК Битола , комбинатот ќе биде во полн сјај и ќе бидат реконструирани блоковите.

Сакаме исто така да укажеме дека ќе вложуваме и во општина Битола. Секоја година општината од владата ќе добива 11 милиони евра, ќе се направат влезовите во Битола. Но, владата исто така ќе ја направи обиколницата до Меџитилија, ќе вложи многу средства за градот Битола.

Сакам да ги повикам битолчани во што поголем број на изборите на 8 мај да се приклучат исто како и во првиот круг за да донесеме една голема победа на ВМРО-ДПМНЕ и победа за Македонија.

Ѓорѓија Сајкоски, генерален секретар на ВМРО-ДПМНЕ и носител на изборна единица 5

Центар за комуникации на ВМРО-ДПМНЕ

притисни ентер