Ниту една институција нема соодветен одговор на барањето на граѓаните ниту решение. Проблемот тлее, жителите спроведуваат активна блокада поради загадувањето а решение кое е прифатливо за сите се уште нема.

Пратеничката група на СДСМ поднесе амандман во Собранието за обезбедување финансиски средства од 30 милиони денари за нова, времена депонија, со што ќе може да се затвори постојната депонија во Кочани.

Тоа е најсоодветно во овој момент затоа што се затвора постојната на барање на граѓаните а времената депонија ќе се користи краток временски период до изградба на регионалната депонија.

Очекуваме власта и мнозинството на ВМРО-ДПМНЕ да го прифати овој амандман со што ќе им се излезе во пресрет на жителите од овој крај.

СДСМ

Центар за комуникации со јавноста

Тој објаснува дека во моментов се потрага по партнери кои би вложиле во системот на затоплување, со кој според него загадувањето во земјава ќе се намали за околу 60%. Но Мицкоски потенцира дека тоа не може да се случи преку ноќ, туку потребен би бил период од 3 до 4 години. Мицкоски одговори и на критиките на опозицијата, од каде веќе неколку дена ја обвинуваат Власта дека не презела никакви активности по ова прашање.

-Тоа не се решава преку ноќ, за тоа ќе треба време. Бидејки ништо не е направено ние сме сега во потрга по партнери кои што на основа на пазарни услови а не на привилегирани како што имаше стратешки инвестиции во минатото, заеднички со Владата ќе вложат во систем на затоплување на нашите домови кој што ќе биде резултат на согорување на природен гас, односно когенеративни ценрали кои што ќе произведуваат и електрична енергија и гас. Имаме во план неколку да направиме. - Христијан Мицкоски- претседател на Влада

Од Министерството за животна средина соопштија дека е формирана и интерна работна група која на Владата ќе и предложи акциски план со краткорочни и долгорочни активности за подобрување на квалитетот на воздухот. Оттаму најавија и посети и инспекторање на индустриските капацитети кои поседуваат А-Интегрирана еколошка дозвола.

Во меѓувреме, од опозициската СДСМ и денеска продолжија со критиките дека Власта не презела ништо од наведеното во нивната предизборна програма за заштита на животната средина.

-Кога беше во опозиција Христијан Мицкоски ветуваше над една милијарда евра инвестиции за заштита на животната средина и ветуваше намалување на загадувањето до 50 отсто. Каде е сега милијардата којашто ја најавуваше Мицкоски за борба против загадувањето? Каде се мерките за намалување на загадувањето за 50 проценти? - Богданка Кузеска –портпаролка на СДСМ

Инаку Скопје и утринава се најде на листата на 10 најзагадени градови во светот на платформата Ај-Кју-Ер. Во текот на ноќта концентрацијата на ПМ10 честичките според податоците на МЖСПП повторно најмногу била надмината во населбите Центар, Лисиче, Карпош и општина Гази Баба.

Членовите на Комисијата од ВМРО ДПМНЕ рекоа дека не се против расправа за назначувањето на Христовски, точка на дневен ред предложена од СДСМ, но претходно побараа дневниот ред да се дополни со уште две точки по изјавите на премиерот Мицкоски дека бил незаконски следен. Прва точка да биде посета и надзор на Агенцијата за разузнавање на 3 декември и втора точка, посета и надзор на Агенцијата за разузнавање на 16 декември, а дури потоа да се разговора за именувањето на Христовски.

Но, претседателот на Комисијата Скендер Реџепи кажа дека и тој и неговиот заменик Блерим Беџети немале безбедносни сертификати,па затоа одби да го стави овој предлог на дневен ред, по што атмосферата во комисијата кулминираше со меѓусебни расправии.

-Јас ќе останам на истото дека нема да ги предложам овие точки. Барајте друг претседател,- изјави – Скендер Реџепи – Претседател на Комисија за надзор на АР и АНБ.

-Тоа е друга работа, вие сега морате да го дополните дневниот ред,- изјави – Никола Мицевски – ВМРО ДПМНЕ.

По ова Реџепи ја прекина седницата на комисијата на која јавноста очекуваше да се расчистат дилемите и контроверзите околу назначувањето на Христовски и валдиноста на ТОЕФЛ сертификатот.

Според опозициската СДСМ, владејачкото мнозинство намерно ја блокирале работата на комисијата.

-ДПМНЕ потврди, Бојан Христовски е незаконски поставен за директор на АНБ. Ова што денеска го видовме е чист доказ дека бегаат од соочување со јавноста по ова прашање. Злиупотребувајќи го мнозинството тие денес спречија одржување на седница и расправа за прашања чии одговори ги чека целата јавност,- изјави – Славјанка Петровска – СДСМ.

ВМРО ДПМНЕ пак прстот го впери кон Реџепи, ако СДСМ побараат замена на Реџепи тие ќе ги поддржат.

-Претседателот на Комисијата кој доаѓа од редовите на опозицијата воопшто не дозволи изјаснување за самиот предлог за точките на дневен ред и навистина не ми е јасно зошто колешката има несогласување и нешто не и е јасно. Доколку имаат несогласување со претседателот, ако имаат револт кон работата на комисијата, слободно нека поднесат интерпелација против претседателот која ние ќе ја поддржиме,- изјави – Тони Јаревски – ВМРО ДПМНЕ.

Дискусијата во комисијата Христовски ја следеше со молчење. На заминување од салата на барање на новинарите да даде изјава рече дека тоа што имал да го каже сакал да го стори на седницата.

Инаку неговото назначување за прв човек на АНБ го чешлаат и антикорупционерите, а предмет по допрен глас отвори и јавното обвинителство.