„Вашиот глас е моќно демократско оружје! Затоа убаво размислете во чии раце ќе ја дадете власта. Дали на СДСМ за државата цврсто да продолжи да гази по патот кон ЕУ или на Мицкоски и неговата екипа од Белата палата, која ќе не врати во минатото на изолации и блокади“, истакна Ковачевски.

Првиот човек на СДСМ и носител во ИЕ 1 рече дека Мицкоски и Силјановска немаат никаква намера да ја водат државата кон ЕУ, туку напротив, ќе ја изолираат, затворат и скараат Македонија со соседите и со меѓународната заедница. Ковачевски пред граѓаните на Кичево, истакна дека СДСМ и Коалицијата се единствената искрена проевропска политичка опција на овие избори.

„Вие со вашите искрени критики и барања за иднината нѝ помогнавте да ја креираме нашата изборна програма. Таа програма е реална, остварлива и содржи автентични социјалдемократски политики и мерки. Ветуваме повисоки плати и пензии, многу поволности за нашите млади, уште поголема поддршка на домашните компании за зголемување на инвестициите и зголемување на бројот на работници. Намалување на невработеноста на едноцифрена бројка од 7%. За вистинските земјоделци ќе обезбедиме поддшрка од 1,35 милијарди евра“, рече Ковачевски.

Им порача на Мицкоски, Силјановска и Ахмети дека времето на националистичка реторика и заплашувања со меѓуетнички тензии е одамна завршено.

„Токму Кичево е еден од градовите каде градиме соживот, толеранција и разбирање. Тој предизвик не е секогаш лесен, но ние вложивме огромни напори да ги унапредиме меѓуетничките односи во државата. На 8 мај, да им испратиме јасна и гласна порака на сите ретроградни сили, дека во Македонија живеат прогресивни и умни луѓе кои сонуваат за европска иднина за себе и за своите деца. Да кажеме стоп за враќањето во кошмарното минато на поделби, тензии и конфликти“, истакна Ковачевски.

Тој ги повика граѓаните масовно да излезат на изборите на 8 мај и да гласаат за претседателскиот кандидат Стево Пендаровски и за пратеничките листи на СДСМ и Коалицијата за европска иднина, се наведува во партиското соопштение.

Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово.

Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат.

Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија.

Почитувани граѓани,

На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија , рече Дејан Проданоски, претседател на ОК на ВМРО-ДПМНЕ Прилеп.

Во Даблин, студентите поставија камп, принудувајќи го универзитетот денеска да го ограничи пристапот до кампусот и да ја затвори изложбата Книга на Келс, една од најдобрите туристички атракции во Ирска. Кампот беше формиран откако студентскиот сојуз соопшти дека универзитетот го казниле со 214.000 евра за загубите предизвикани од протестите во последните месеци, а не исклучиво поради Газа, објавија локалните медиуми.

Демонстрантите бараа Тринити да ги прекине академските врски со Израел и да ги повлече инвестициите од компаниите кои имаат врски со земјата. Претседателот на студентскиот сојуз Ласло Молнарфија објави фотографија од клупи поставени на влезот на зградата во која се наоѓа Книгата на Келс, изложба на илуминирани ракописи од келтски монаси создадени околу 800 година п.н.е.

@mick.barrytd

March to Trinity College in Dublin in support of the student encampment on campus

♬ original sound - Mick Barry TD

Колеџот Тринити соопшти дека изложбата ќе биде затворена денеска. Повеќе од 34.600 Палестинци се убиени во седуммесечните израелски напади врз Појасот Газа, соопштија здравствените власти на енклавата. Војната започна со упадот на милитантите на Хамас во Израел на 7 октомври, во кој загинаа 1.200 луѓе, а 252 беа киднапирани, од кои 133 се уште се држат во заробеништво во Газа, според израелските податоци.

Пропалестински протести се одржуваат и на универзитетите во САД, Австралија и Канада. Во швајцарскиот град Лозана, околу стотина студенти ја окупираа зградата и побараа прекин на научната соработка со Израел.

„Палестинците умираат повеќе од 200 дена, но никој не нѐ слуша. Сега има глобално движење за да ги принуди владите да дејствуваат, но тоа не се случува. Затоа, сега сакаме да ги принудиме универзитетите да се вклучат“, рече еден од демонстрантите за Швајцарската телевизија.

Универзитетот соопшти дека ќе го дозволи протестот до понеделник бидејќи тоа не ја нарушува работата во кампусот. „Ние, универзитетите, не сме повикани да заземаме политички позиции“, рече ректорот на универзитетот Фредерик Херман за радиото РТС.