Метју Трикет бил меѓу тројцата мажи обвинети според Законот за национална безбедност за следење на разузнавањето во Хонг Конг и странско мешање, објави Тајм.
Обвинетиот бил ослободен со кауција и во петок требало да се појави пред судот во Лондон.
Неговото онесвестено тело било пронајдено во неделата во парк и на местото на настанот била констатирана смрт.
Полицијата ја истражува смртта на Трикет, што засега се третира како „мистериозна“.
Неговото семејство било известено за неговата смрт, а телото било испратено на обдукција.
Минатата недела, Трикет се појави заедно со Чи Леунг (Питер) Ваи (38) и Чунг Биу Јуен (63) во Вестминстерскиот суд.
За време на сослушувањето, тој бил обвинет за „помагање на странска разузнавачка служба“ за Хонг Конг со тоа што се согласил да преземе „собирање информации, следење и дела на измама кои најверојатно материјално ќе помогнат на странска разузнавачка служба која извршува активности поврзани со Британија“ во период помеѓу 20 декември и 2 мај.
Кинеската амбасада во Лондон ја обвини британската влада за фабрикување на наводите и рече дека нема право да се меша во работите на Хонг Конг.