Живот

Американец во чудо – некој му влегол дома и му ја исчистил куќата (ВИДЕО)

Додека бил на работа , некој влегол во куќата на Американецот Нејт Роум и му ја исчистил.

Кога влегол во куќата во местото Марлборо во државата Масачусец , веднаш помирисал средства з ачистење , а во тоалетот забележал дека некој направил рози од тоалетна хартија. Тоа го навело да помисли дека некоја професионална служба за чистење по грешка влегла во неговата куќа, зашто ја оставил отворена задната врата и чекал да му се јават за сметката , но не се јавил никој.

"Кога влегов , видов дека нешто не е во ред, па почнав да разгледувам низ куќата, и сфатив дека мојата бања е чиста".

Полицијата потврди дека човекот ги повикал на 16-ти мај за да пријави дека некој му влегол дома. Тој им кажал дека се вратил дома ноќта од работа и забележал дека некој бил во неговата куќа. Но, ништо не исчезнало.

Собите во куќата биле исчистени и кеса со ѓубре била оставена на задниот влез.Полицијата зборувала со соседите и никој не видел нешто сомнително, така што нема осомничени.

Единствено кујната не била добро исчистена , најверојатно зашто таму лежело домашното милениче на Роум , големиот питон.

Свет

Нетанјаху: Ќе направиме сè што е потребно за да победиме, вклучително и Рафа

Додека Хамас тврди дека ги проучува најновите израелски предлози за прекин на огнот во „позитивен дух“, израелскиот премиер го повтори своето ветување дека без оглед на тоа ќе почне копнена инвазија на Рафа во јужна Газа.

- Ќе направиме сè што е потребно за да ги победиме нашите непријатели, вклучително и Рафа, соопшти кабинетот на Нетанјаху.

- Имаше разлики во мислењата меѓу нас во врска со операциите на блиските и далечните боишта. Но, на крајот од дискусијата донесов одлука и таа беше прифатена, ја пренесува Ал Џезира изјавата на израелскиот претседател. /МИА

Свет

Полскиот претседател предложи зајакнување на националниот одбранбен систем

Полскиот претседател Анджеј Дуда поднесе до парламентот нацрт-закон за зајакнување на одбранбената готовност, поради новите форми на закани од Русија, соопшти денеска Националната служба за безбедност (ББН).

Според предлогот, генералната и оперативната воена команда ќе се спојат во едно тело.

Нацртот предвидува и нови постојани одбранбени планови кои обезбедуваат способност на војската веднаш да одговори на ненадејни закани и има за цел да го подобри протокот на информации и координацијата меѓу цивилните и воените власти на Полска.

- Предлогот предвидува воведување промени во воените и невоените области, зајакнување на способноста за спротивставување на хибридните закани и директна вооружена агресија, се наведува во соопштението на ББН.

Се додава дека предлозите се „одговор на промените во безбедносното опкружување, вклучително и новите форми на закани од Руската Федерација насочени против Полска и другите земји од Европската унија и НАТО“.

Руската амбасада во Полска соопшти дека не е во можност да го коментира соопштението на ББН бидејќи не е запознаена со тоа на какви „нови“ и „стари“ облици на наводни закани од Руската Федерација насочени против Полска и други земји од ЕУ и НАТО се мисли.

Полска ги зголеми своите воени трошоци на над четири отсто од бруто домашниот производ, што е повеќе од препораките на НАТО. /МИА

Свет

Херцог: Омразата и антисемитизмот ги контаминираа американските универзитети

Израелскиот претседател Исак Херцог денеска го осуди „застрашувачкото оживување на антисемитизмот“ во светот, особено во САД, каде „универзитетите се контаминирани со омраза и антисемитизам“.

„Угледните универзитети, центри за историја, култура и образование се контаминирани со омраза и антисемитизам“, рече Херцог.

Во американските универзитетски кампуси „со ужас гледаме како се слават и оправдуваат злосторствата врз Израел од 7 октомври“ минатата година, додаде израелскиот претседател.

Тој изрази поддршка за „браќата и сестрите, пријателите во кампусите и во еврејските заедници во САД и ширум светот“. /МИА

притисни ентер