Албин Курти и Чедомир Јовановиќ разговараа во Приштина

Косовскиот премиер Албин Курти го примил синоќа лидерот на Либерално-демократската партија на Србија, Чедомир Јовановиќ, со кого разговарал за последните случувања во Косово и Србија и за односите меѓу двете земји, соопшти кабинетот на Курти.

Како што јави дописникот на МИА од Приштина, во соопштението се наведува дека косовскиот премиер и српскиот опозициски политичар зборувале и „за потребата од јакнење на владеењето на правото на Западен Балкан, важноста од демократизацијата на општествата и институциите, политичкиот плурализам, почитувањето на човековите и правата на националните малцинства како гарант на мирот и безбедноста во целиот регион“.

На враќање во Србија по престојот во Приштина, Јовановиќ синоќа од граничниот премин Мердаре се огласи на палтформата „Х“, поранешен Твитер, со видео-клип во кој на почетокот информира дека со Курти се познава веќе 30 години.

- Сешто поминавме во животот и тој и јас. По овие разговори, јас верувам дека крвта која е пролеана во Бањска (во северно Косово, на 24 септември) е последна крв која се пролева во судирот на српскиот и албанскиот народ на Косово... и дека тоа е последната цена која ја плаќаме за тоа историско недоразбирање меѓу нашите два народи, вели Јовановиќ, порачувајќи дека „за Косово (во Србија) не смее да се молчи, мора да се каже вистината и мора да се тргне по друг пат“.

Видеото српскиот политичар го проследи и со коментар во вид на цитат од „неофицијалниот дел“ на средбата со косовскиот премиер.

- Курти: „Дали е Белград интересен и убав како тогаш кога бевме студенти?“ Јас: „И поинтересен и поубав, многу... како и Приштина!“, пренесе Јовановиќ дел од разговорот со Курти. /МИА

Јанчев: Обезбедена донација од 100 ротациони светла за тракторите

Ротациони светла за тракторите за поголема безбедност во сообраќајот.

Градоналачниот на Општина Кавадарци, Митко Јанчев изјави дека општината со помош на бизнис секторот обезбедила донација од 100 ротациони светла наменети за земоделските машини кои учествуваат во сообраќајот, како би се зголемила безбедноста.

Атлетик го продолжи договорот со Ернесто Валверде

Тренерот на Атлетик Билбао, Ернесто Валверде, го продолжи договорот со тимот, објави официјалниот сајт на баскискиот клуб.

Новиот договор со 60-годишниот фудбалски стручњак е со важност до летото 2025 година.

Валверде е на чело на Атлетик од јули 2022 година. Тој претходно во текот на својата тренерска кариера двапати работеше со тимот.

Атлетик по 36 кола се наоѓа на петтото место во шпанската Ла Лига со 62 бода. /МИА

Герасимовски: Булингот носи сериозни последици, само ако делуваме заедно може да го спречиме

Градоначалникот на Општина Центар Горан Герасимовски од Градскиот парк испраќа порака дека врсничкото насилство булингот може да има сериозни последици доколку не се превенира и спречи.

Денеска во Градскиот парк компанијата Макпетрол одржа музички хепенинг во рамки на кампањата Крени глас - Стоп за булинг каде учество зема и Општина Центар. Герасимовски оттаму порачува дека локалните самоуправи под чија надлежност се училиштата имаат одговорност да ги заштитат учениците од булинг.

-Врсничкото насилство е сериозен проблем кој најчесто започнува во основното образование и затоа ние како локални самоуправи имаме одговорност да ги преземеме сите мерки и активности за зголемување на безбедноста на децата. Секое игнорирање на меѓуврсничкото насилство може да остави трајни последици по личноста и семејството и согласно ова ние спроведовме бројни обуки за негово препознавање, превенирање и спречување, вели Герасимовски.

Општина Центар по приклучувањето на кампањата на Макпетрол веднаш спроведе низа работилници и обуки за наставниците и стручните соработници од училиштата за рано препознавање, превенција и спречување на булингот во основните училишта во општината. Обуките беа спроведени од еминентни универзитетски професори стручни во областа. Општина Центар по дојава на граѓани за врсничко насилство меѓу врсниците низ Дебар маало во соработка со МВР обезбеди зачестени полициски патроли и неколкупати заедно со родители и полициски службеници направи обиколка во Градскиот парк каде се собираат младите.

Градоначалникот Герасимовски потенцира дека во растењето и однесувањето на децата сите имаат одговорност.

-Воспитувањето доаѓа од дома, врсничкото насилство не смее да се игнорира. Затоа упатувам порака за отворена комуникација на родителите и стручните служби со децата бидејќи тоа е најдобриот начин да ги заштитиме. Да ги охрабриме децата да зборуваат, да зборуваме и ние, да реагираме и да ги заштитиме, порачува тој.

Општина Центар

притисни ентер