Адријана Лима – Од сиромаштија до најплатена манекенка (ФОТО)

Бразилската манекенка Адријана Лима , иако минатата година се прости од ангелите на Викторија , и натаму снима и настапува , секако и натаму изгледа прекрасно.

Адријана ги доби сите пофалби за фустанот што го избра на доделувањето на наградите за пробив на годината во Монт Вју, Калифорнија, што се одржа вчеравечер . Долгиот блескав фустан ја следеше линијата на телото, што дополнително го истакнуваше со шлиц, како и со асиметричен врв.

Округлиот преклоп на половината дополнително ја истакна линијата на песочен часовник, а темната боја на фустанот ги потенцира нејзината темна коса и светли очи што дефинитивно ја издвојува од другите модели.

Адријана е една од најуспешните и најдолготрајни ангели (носеше долна облека за брендот Викторија Сикрет од 1999 до 2018 година) и денес е меѓу најплатените модели на светот иако има 38 години. Таа пораснала во сиромашно семејство и се пробила кога на 16 години победила на избор за убавина.

Лима е мајка на две деца и е во брак со српскиот кошаркар Марко Јариќ. Интересно е што таа застана на пистата како ангел во 2012 година, само два месеци откако се породи. Инаку, како девојче, таа имала желба да стане монахиња, и, наводно, ја зачувала невиноста до стапувањето во брак.

Адријана ја одржува формата благодарение на боксот, што го практикува повеќе од 18 години. Како резултат, таа се здружи со Пума за создавање сопствена спортска колекција.

Во Италија тврдат: Димитријевиќ ќе биде ново засилување на Олимпија Милано

Познатиот италијански новинар Андреа Калцони во ексклузивна вест денеска вели дека нашиот најдобар кошаркар и актуелен член на Уникс Казан, Ненад Димитријевиќ, својата кариера ќе ја продолжи во Олимпија Милано.

– Ненад Димитријевиќ ќе биде второто засилување (после Џош Небо) за следната сезона. Договор на три години за македонскиот плејмејкер, објави новинарот на социјалните мрежи.

Станува збор за клуб кој редовно настапува во Евролигата, а сезонава во регуларниот дел заврши на 12-тото место.

Популарниот Нено сезонава покажува одлични игри во дресот на рускиот клуб и беше избран за МВП во регуларниот дел на сезоната.

Гордана Сиљановска-Давкова и Стево Пендаровски во „ПРЕТСЕДАТЕЛСКИ ДУЕЛ ЗА МАКЕДОНИЈА“

Дами и господа, утре Канал 5 Телевизија ќе ви го претстави последниот претседателски ПРЕТСЕДАТЕЛСКИ ДУЕЛ ЗА МАКЕДОНИЈА, помеѓу кандидатите Гордана Сиљановска-Давкова на ВМРО-ДПМНЕ и Стево Пендаровски на СДСМ.

Време за промени или за реформи, чекор напред, или статус-кво, што ќе им понуди Пендаровски на гласачите да го задржи тронот, а што Сиљановска да го освои?

Лојален на ветеното или на партијата, каков претседател сакаат граѓаните?

Политички инжињеринг или пародија, се кројат ли договори под маса уште пред да се знаат бројките? Ќе го надомести ли СДСМ пропуштеното во првиот круг? Можен ли е бојкот?

Продолжување на европскиот пат или отворање на Пандорината кутија, што ќе се случува на 9 Мај?

Утре во Само Вистина последното ТВ соочување кај Гоце Михајлоски со Гордана Сиљановска -Давкова и Стево Пендаровски во решавачкиот ПРЕТСЕДАТЕЛСКИ ДУЕЛ ЗА МАКЕДОНИЈА... Веднаш по вестите.

Директорот на ЦИА итно оди во Доха, делегацијата на Хамас го напушта Каиро

 Делегацијата на палестинското милитантно движење Хамас вечерва ќе го напушти Каиро, каде во присуство на посредници од САД, Египет и Катар се одржаа преговори за прекин на огнот и ослободување на заложниците од Газа.

Делегацијата го доставила својот одговор до египетските и катарските посредници и сега се враќа во Доха на дополнителни консултации, соопшти Хамас, пренесува „Тајмс оф Израел“.

Во исто време, неименуван функционер изјави дека директорот на американската Централна разузнавачка агенција (ЦИА), Вилијам Барнс, итно ќе отпатува во Доха на разговори со премиерот на Катар, Мохамед Ал-Тани, додека преговорите за ослободување од заложниците се „на работ на колапс“, според „Тајмс оф Израел“.

Порталот јавува дека ќе разговараат и за привремено примирје.

- Бернс е на пат за Доха на итен состанок со катарскиот премиер, со цел да се изврши максимален притисок врз Израел и Хамас да продолжат со преговорите, рекол изворот.

притисни ентер