Во текот на вчерашниот ден биле уапсени двајца малолетници кои му помагале на лицето кое го кинеше македонското знаме, а двајца за симнувањето од јарбол и палењето на државното знаме. Во Прилеп, пак, уапсени се тројца кои го сквернавеле албанското знаме. Приведен е и 17 годишник, за кој МВР објави и снимка, како го ги корне симболите на Конзулатот на Република Србија во Куманово. Тошковски информираше и дека ОВР Кичево постапило по лице кое од јарбол ги симнал и македонското и албанското знаме. Првиот човек на полицијата упати апел до сите граѓани да не подлегнуваат на провокации и да не дозволат да се нарушува јавниот ред и мир.

„ МВР одлучно и жестоко ќе одговори како што и одговара. Времето на зимски сон на инстутциите заврши, 17 луѓе уапсивме за овие два дена и ќе продолжиме нема да застанеме, за секој еден кој има докази да сквернави државен симбол без разлика дали се симбол на Македонија Србија, Албанија, Грција секој еден кој ќе се огреши ќе одговара. Апелирам замолувам да го почтиуваме законот да се почитуваме едни со други да работиме во интерес на нашата татковина.“ - кажа министерот.

Прашан дали од полицијата имала претходни информации за можни инциденти во врска со претстојните прослави на Деновите на Албанската азбука и знаме, одговори дека такви индиции од АНБ немало, но рече предупредувања за можни ескалации имало од други безбедносни институции. Според министерот полицијата за време на инцидентите реагирала професионално навремено и зрело.

„ Во однос на овие два дена информации се добиени дека не се очекува да нема никакви немири и несекани работи, во однос на првиот ден значаен за нашите сограѓани се покажаа за точни информациите за вториот се покажаа неточни. Оваа информација е добиена од АНБ додека беше менаџирана од страна на претходното раководство. Но дали бевме предупредени од страна на сите инстѕуции кои се занимаваат со прашања со бгезбедноста, да бевме предупредени дека е можно да има немили настани во ткеот на изминатата недела и сметам дека и повторно ќе повторам полицијата како превентивно така и репресивно максимално професионално и одлучно одговори “ – изјави минситерот.

Тошковски дополнително рече дека ќе бара казни и за лицето кое го вози автомобилот од кој испаднаа неколкумина за време на прославата на албанското знаме, а посочи и дека ја видел снимката каде полицаец симнува албанско знаме од бандера и кажа дека во моментот на снимањето, полицаецот вршел службени работни задачи, односно бил на работа поради што МВР ќе ги преземе сите потребни дејствија во рамки на своите надлежности. Во однос на прашањето како ја оценува моменталната безбедносна состојба имајќи ги предвид последните случувања, министерот одговори дека сме, како што рече, „апсолутно безбедни“.