Меѓу 50-тината кандидатки, Сара Роуз Самерс однесе убедлива победа, а освен занесната убавина и совршената фигура, таа со својата харизма го освои петчленото жири.
Изборот за мис кој се одржа во Луизијана, се пренесуваше во живо на телевизија, каде имавме прилика да видиме како продефилираа преубавите мисици, како и нивните прашања и одговори.
Сара беше брилијантна во секоја задача, а откри и многу детали за себе, како тоа дека сака да биде педијатриска сестра. Во текот на шоуто, таа објасни што ја фасцинира во оваа работа...
„Бев во детска болница во Омаха кога имав пет години. Не се сеќавам многу на тоа, но паметам дека моите родители беа многу загрижени, а никогаш претходно не го видов својот татко толку уплашен. Мојата медицинска сестра беше фантастична и таа ми е идол“ – објаснила 23 годишната мисица.
Убавата русокоса истакнува дека сега е лиценцирана за оваа работа, и може да им помага на голем број деца и семејства, како и на лекарскиот тим.
„Многу е охрабрувачки да им се помага на пациентите, да се разберат нивните дијагнози и различните процедури и да се поддржат низ тоа“ – истакнува оваа хумана дама.
Освен љубовта спрема медицината и несебичната помош кон болните, Сара ја исполнуваат уште некои работи, а една од нив е фитнесот.
Сама еден поглед врз нејзиниот Инстаграм профил и ќе сфатите дека и е многу важно да води здрав живот, исполнет со физички активности. Во текот на нејзините факултетски денови, работела како инструктор по пилатес.
Иако многу мажи и се додворуваат, Сара истакнува дека нејзиното срце го освоило едно момче.