Почитувани сограѓани, тие што своеволно седат дома и оние кои што мораат да бидат во самоизолација, вечерва во „Само Вистина“ гледајте го дуелот помеѓу новинарот Бранко Героски и неговиот некогашен колега и актуелен генерален секретар на Демократски Сојуз, Зоран Димитровски.
Дали затворените гранични премини, градинки, училишта и молови ќе не „натераат“ да седиме дома за да се спречи ширењето на коронавирусот?
Со инфекцијата „стивнаа“ судските процеси, дали можеби и правдата е инфицирана?
Можно ли е коронавирусот да ги одложи изборите?
Героски важеше за близок до СДСМ но со „Рекет“ јавноста ја виде и другата страна од „талантот“. Може ли да ни открие дали нешто или некој го спречи да објави нови детали за аферата?
Што го натера Димитровски да заплови во „политички“ води?
Возвишената цел бара и големи жртви, но колку секој од нас може навистина да ги „даде“ во име на вистината, вечерва во „Само Вистина“, со Бранко Героски и Зоран Димитровски, на Канал 5 Телевизија.