„Никогаш не е доцна да полетате“: 97-годишна баба стана херој! (видео)

Оваа снимка за кратко време стана хит на социјалните мрежи.

Бизнисменот Ананд Махиндра, кој е доста активен на социјалните мрежи, редовно објавува интересни приказни за своите 10,8 милиони придружници. Снимката што ја сподели на Твитер, на која се гледа една старица додека ја запознава магијата на летањето со парамотор, предизвика големо воодушевување.

Махиндра навел дека старицата има дури 97 години, а во описот на видеото напишал:

„Никогаш не е доцна да полетате. Таа е мојот херој на денот“.

На видеото, на оваа старица ѝ помагаат да се смести во количката која е дел од леталото, ѝ ставаат темни очила за сонце и заштитен шлем и ѝ врзуваат сигурносен појас. Зад неа седнува инструкторот кој управува со леталото, а потоа двајцата се вивнуваат во облаците.

Видеото трае 55 секунди и најпрво на Инстаграм е споделено од една организација која обединува воени пилоти и ветерани од воздухопловството. Токму тие откриваат дека г-ѓата која се осмелила на овој несекојдневен лет има 97 години.

Многумина што го погледнале видеото се воодушевени од храброста и одлучноста на старицата да ја доживее оваа адреналинска авантура на толку доцна возраст.

- Многу сум среќен што го гледам ова видео.

- Годините се само бројка, а тоа го докажува и ова видео со старата госпоѓа која бестрашно го прифаќа летањето со парамотор! Нејзиниот дух нè потсетува дека авантурата нема граници. Ајде сите да најдеме инспирација во нејзината храброст и желба за живот!

- И симнувам капа, го живее животот до максимум.

- Инспиративно. Каков начин да ни кажете дека секогаш имаме избор ако решиме да излеземе од нашата комфорна зона!

- Ова е многу, многу храбро... Се чувствувам мотивирано!

- Живот е кога ги живееш моментите. Неверојатен дух - беа дел од коментарите под видеото.

Парамоторот се состои од ултралесен авионски мотор на кој е прицврстено стандардно параглајдерско крило. Целото летало го собира во багажник од помал автомобил и за само неколку минути може да се состави за летање.

Брзината на летот е од 40 до 55 km/h, во зависност од ветерот и крилата. За тричасовен лет се доволни 10 литри гориво, а при добри временски услови можете да летате на растојание до 100 километри. Ако моторот откаже за време на летот, крилото, кое во суштина е едрилица, може безбедно и полека пилотот да го спушти на земја.

Почина Славе Сирачевски, познат угостител и сопственик на Аурора

Почина Славе Сирачевски, сопственикот на туристичката агенција Аурора Турс, угостителски објект на езерото Козјак и на еден од најубавите хотелски ресорти во Македонија, Аурора Берово.

Веста на фејсбук ја објави поранешниот директор на Агенцијата за туризам Љупчо Јаневски.

„Македонскиот туристички сектор загуби еден од креаторите и визионерите на македонскиот туризам.

Славе Сирачевски со Аурора Турс и уникатните концепти на Хотел Аурора Берово и Аурора Козјак успеа да докаже дека вложувањата за рурален туризам е голема можност во Македонија и пример за регионот!

Во мое лично име изразувам сочуство на семејството!

Благодарам Славе за многуте совети кои ги сподели со мене и помогна во мојот кариерен развој и развојот на македонскиот туристички сектор.

Почивај во мир Славе“, напиша на својот статус Љупчо Јаневски.

Сочувство до семејството Сирачевски од целиот тим на Канал 5.

Саливан: САД, Израел, Египет и Катар се договорија за „контурите“ на договорот за заложници

САД, Израел, Египет и Катар се договорија за „основните контури“ на договорот за заложниците.

Соединетите Американски Држави, Израел, Египет и Катар постигнаа договор за „основните контури“ на договорот за заложниците и привремен прекин на огнот во Појасот Газа, изјави денеска за Си-Ен-Ен советникот за национална безбедност на Белата куќа, Џејк Саливан.

„За договорот сè уште се преговара“, рече Саливан, додавајќи дека се планирани индиректни разговори со палестинското исламистичко движење Хамас, а како посредници ќе бидат Катар и Египет.

Во меѓувреме, израелскиот премиер Бенјамин Нетанјаху рече дека се уште е нејасно дали тековните разговори ќе доведат до договор.

Во интервју за Си-Би-Ес Њуз, Нетанјаху рече дека подоцна денеска ќе се сретне со неговиот тим за да разговара за воениот план за евакуација на палестинските цивили во Газа и операцијата за уништување на преостанатите формации на Хамас.

„Ако имаме договор, тој ќе биде малку одложен, но тоа ќе се случи. Ако не се постигне договор, сепак ќе го направиме“, рече израелскиот лидер. /МИА

Во Шпанија уапсен еден од најбараните криминалци од марсејскиот клан

Французин за кој се верува дека е „главниот член на марсејскиот клан“, вклучен во шверц на дрога, е уапсен денеска во Шпанија, соопшти шпанската полиција, која го опиша како „еден од најбараните бегалци во Франција“.

„Криминалецот, против кого е распишана европска потерница, е уапсен во бар на брегот јужно од Барселона, а идентификуван е како Жан-Ентони Блас, роден 1990 година“, се вели во соопштението на шпанската полиција.

Уапсениот е осуден на 10 години затвор во Франција за трговија со дрога, недозволено поседување оружје, дела против јавниот ред и безбедност и припадност во организирана криминална банда.

Тој избега за време на полициска операција против него во март 2023 година во Франција. За време на бегството користел четири различни идентитети.

Марсејскиот клан наводно шверцува канабис во Шпанија и поседува голем арсенал на воено оружје, се вели во соопштението на шпанската полиција. /МИА

притисни ентер