"Нашите научници со секвенционирање открија дека имаме нов сој на вирус што е распространет во нашата земја. Новиот сој се нарекува делта", рече јужноафриканскиот министер за здравство Мамолоко Кубаи.
Според официјалните податоци, во последните 24 часа се регистрирани 18.762 нови случаи на инфекција. Ова вклучува 11.777 лица заразени во пошироката област на Преторија и Јоханесбург, каде здравствениот систем е веќе скоро пред колапс.
Јужна Африка е најпогодена од пандемијата на ковид-19 меѓу африканските земји, со пријавени 1,9 милиони случаи и скоро 60 000 смртни случаи поврзани со оваа болест.
Поради новиот сој на вирус што се шири низ Јужноафриканската Република, неколку земји вовеле ограничувања за патниците од таа земја. Ограничувањата наметнати за време на пандемијата имале катастрофални последици за јужноафриканската економија и население, а милиони луѓе се борат да преживеат.
Втората по големина економија во Африка била во криза уште пред да избувне пандемијата. Во Јужна Африка со години се борат со високата невработеност, проблемот со социјалната нееднаквост и несигурната дистрибуција на енергија.