Забава

Британски милионер бара сопруга ,идната невеста треба да исполни 8 критериуми

Бизнисменот  Енди Скот (41) од Портсмут, кој ,,тежи” 25 милиони фунти, објави дека бара жена, но неговата љубов не е лесно да се добие.

"Тешко е да се најде соодветен партнер кога животот ви оди добро. Јас барам некој еднаков со мене. Не е лесно да се најде личност која е финансиски независна, но сепак може да оди на едрење или да го помине летото на југот на Франција на краток рок", изјави тој за Дејли Меил.

Ако сакате да го освоите срцето на Енди, треба да ги исполните овие осум услови.

1. Мора да се работи за интелигентна, посебна и уникатна личност која не се сфаќа премногу сериозно и живеела интересен живот со многу искуства и која постигнала нешто во животот.

2. Да не е родена богата и не и дадено богатството на послужавник, туку да е борец како мене.

3. Мора да биде убава и да спортува затоа што вежбам пет пати неделно, мора да биде горда на својот изглед.

4. Не смее да биде зависна од мобилни и социјални мрежи, туку мора да ги цени основните работи во животот.

5. Мора да биде искрена, довербата е сè.

6. Мора да може да се прилагоди на секоја ситуација, од посета на гламурозна забава и да биде во центарот на вниманието.

7. Мора да ужива во природата и близу до вода. Идеално е да биде во состојба да помине неколку дена на едрење без да се пожали. Некој кој е среќен само во бикини и апостолки без шминка и мобилни телефони.

8. Мора да сака деца и да биде подготвена да се смири, но исто така да биде свесна дека животот не завршува кога имате дете и дека сè уште може да патуваме и да се забавуваме заедно.

Последната девојка на Енди беше Лиз Мекларнон од бендот Atomic Kitten. Тие беа заедно две години, и раскинаа затоа што таа не сакала да лета со авион.

„Ние сме сè уште добри пријатели и таа е прекрасна девојка, но јас сум авантурист и сакам да ризикувам“, откри Енди.

Свет

Руски новинар на „Форбс“ е приведен поради наводно ширење лажни информации за армијата

Новинарот на магазинот „Форбс Русија“, Сергеј Мингазов е приведен под сомнение дека ширел лажни информации за руската армија, објави денеска магазинот.

„Форбс Русија“ додава дека досега не успеале да стапат во контакт со Мингазов. Неговиот адвокат Константин Бубон на Фејсбук објави дека новинарот е во притвор во источниот руски град Хабаровск, каде што живее.

Адвокатот рече дека Мингазов бил приведен поради преобјавување публикации за наводни руски воени злосторства во украинскиот град Буча, каде што убиствата на украинските цивили во првите недели од војната беа пријавени од Ројтерс и други новински организации.

Профилот на Мингазов на платформата Телеграм содржи бројни објави за Буча, а засега не е јасно за која од нив новинарот е приведен. /МИА

Свет

Шведска треба да го зголеми воениот буџет за 4,6 милијарди евра до 2030 година

Шведска треба да го зголеми воениот буџет за речиси 54 милијарди круни (4,6 милијарди евра) до 2030 година за да ја зајакне противвоздушната одбрана и да го зголеми бројот на регрути, препорача Комитетот за одбрана на шведскиот Парламент.

Комитетот, составен од претставници на осум парламентарни партии, наведува дека членството во НАТО и сериозната безбедносна состојба бараат поголеми амбиции. Шведска стана членка на НАТО минатиот месец, напуштајќи ја децениската политика на воена неутралност по руската инвазија врз Украина.

Напад врз Шведска или врз нашите сојузници не може да се исклучи, истакна Комитетот во денеска објавениот извештај.

Во документот, иста така се истакнува дека шведската противвоздушна одбрана мора да се прошири за да одговори на заканите со беспилотни летала, оти треба да се набават повеќе крстосувачки ракети, а морнарицата треба да добие повеќе персонал. Исто така, се предлага постепено зголемување на бројот на регрути од сегашните 8.000 на 12.000 до 2032 година. /МИА

Свет

Пет клучни донатори вложија повеќе од 50 милиони долари во претседателската кампања на Трамп

Пет клучни донатори инвестирале повеќе од 50 милиони долари во претседателската кампања на Доналд Трамп.

Тимоти Мелон, наследник на банкарското семејство Мелон, од 2022 година инвестираше најмалку 16,5 милиони долари во организацијата „Мага“ блиска до Трамп. Тој исто така има инвестирано најмалку 20 милиони долари во организацијата за време на претседателските избори во САД во 2020 година.

„Форбс“ го проценува богатството на Мелон на 14,1 милијарди долари, а познато е дека тој инвестирал и најмалку 20 милиони долари во кандидатурата на Роберт Кенеди за претседател на САД.

„Форбс“ го проценува богатството на Мелон на 14,1 милијарди долари, а познато е дека тој инвестирал и најмалку 20 милиони долари во кандидатурата на Роберт Кенеди за претседател на САД.

Брачниот пар Исак и Лара Перлмутер во актуелната кампања на Трамп инвестирале повеќе од 10 милиони долари, а во 2020 година во неговата кандидатура вложиле 21 милион долари.

Трета на листата е претприемачката Линда Мекмахон, која донираше повеќе од 10 милиони долари на Трамп овој изборен циклус, а во 2019 и 2020 година инвестираше повеќе од 15 милиони долари.

Успешниот хотелиер Роберт Бигелоу во овој изборен циклус вложил девет милиони долари во организацијата „Мага“, а вети дека ќе вложи вкупно 20 милиони долари.

Додека Патриша Дуган во сегашната кандидатура на Трамп инвестираше повеќе од пет милиони долари, а претходно таа и нејзиниот поранешен сопруг Роберт веќе инвестираа во кампањата на Трамп во 2020 година. /МИА

притисни ентер