Експлодира цистерна среде населба во Перу , најмалку 13 загинати (ВИДЕО)

Во експлозија на камион кој пренесувал бензин до Лима загинаа 13 лица, соопшти денеска перуанското Министерство за здравство.

„Новиот број на жртви е 13 мртви“, изјави денеска портпаролката на Министерството, Моника Месан, додавајќи дека меѓу загинатите има и  пет деца.

Експлозијата на цисртерната се случи во четвртокот во предградието на главниот град на Перу, каде што  живеат околу 500.000 луѓе.

Несреќата се случила наутро додека луѓето оделе на работа. Причината била истекување на една цевка од камионот. Вкупно 13 пожарникари го гаснеле пожарот што избувна по експлозијата.

Мицкоски: Идната коалиција ќе биде на база програма со програма, тој принцип не го менуваме

Лидерот на опозициската ВМРО-ДПМНЕ Христијан Мицкоски денеска порача дека по изборите се можни разговори за коалицирање со сите политички партии, но според принципот  програма со програма, којшто, како што рече, не планираат да го менуваат.

– Животот не е игра, во животот има принципи кои ако еднаш се прекршат тогаш веќе не се принципи. И во име на тоа можам да ви кажам дека политиките што ги води ВМРО-ДПМНЕ се темелат на принципи и бидејќи овој принцип еднаш е прекршен во едно ТВ  интервју веќе кажавме дека идната коалиција ќе биде на база на програма со програма и тој принцип не го менуваме,  рече Мицкоски, коментирајќи ја можноста за коалицирање со Демократската унија за интеграција (ДУИ) од каде што пак најавуваат коалицирање на на партиите што ќе бидат победници во македонскиот и во албанскиот политички блок.

За коалицирање, истакнува Мицкоски, доаѓа во предвид секој оној чијашто  политичка програма ќе биде компатибилна со програмата на ВМРО-ДПМНЕ за којашто ќе се согласат на принципиелна основа и така  ќе функционираат следните четири горидини.

– Ако во еден оркестар свирите на различни ноти, тогаш логично е дека оркестарот нема да биде допадлив за ушите на слушателите. Затоа велам, ако тие програми без оглед на која политичка партија се, допрат со програмите на ВМРО и обратно, не треба тоа да биде еднонасочна улица, сите политички партии доаѓаат во предвид, вклучително и ДУИ, прецизираше Мицкоски.

Размислуваат, наведе, да освојат 61 пратеник на 12 април, според нивните анализи се многу блиску до таа бројка. А веднаш по завршување на избороте, вели, се возможни разговори со сите политички чинители во државата вклучително и со новата коалиција меѓу Алијансата на Албанците и Алтернатива.

Според Мицкоски, како ќе заврши случајот „Рекет" не зависи од политичарите, туку од судството и обвинителите. Забележува дека никој во државата не се одважил да го повика доскорешниот премиер и лидер на СДСМ Зоран Заев да даде исказ што се случувало.

– На целата јавност и е јасно дека Зоран Заев и Катица Јанева другарувале во минатото и оти нивните потези се резултат на тоа другарство. Зошто тоа другарство и на кој начин престанало претпоставувам дека е една од причините е и случајот „Рекет". Од друга старана Заев другарувал и со сопственикот на медиумот, односно бил толку непосреден  со него што дури го советувал и  прашувал од каде му средства  да го финансира медиумот.  Бил свесен за активностите на Меѓународниот сојуз којшто работел со локални бизнисмени во државата, а не гледам дека Заев е повикан во случајот  Рекет 2 да сведочи за тој Меѓународен сојуз за да на крај и самиот признае дека ја помагале телевизијата на начин на којшто ја помалаге во тие месеци.Никој во државата не се одважи да го повика Зоран Заев да даде исказ што се случувало, рече Мицкоски во коментар на последната разврска на судскиот процес за „Рекет".

Како што дополни, јасно се гледа контурата на главата на октоподот за што тој нема дилема кој. Видовме, рече Мицкоски, дека дури и оние лица кои располагале  со ПИ мерките кога виделе каде се упатува Јанева престанале да снимаат.

– Видовме оние кои го снимале веќе осудениот Зоран Милевски кога оди на средба кога виделе со кого ќе се сретне престанале  да снимаат. Така што, очигледно ова е семејна професија, како понатаму ќе заврши овој случај не  е до нас политичарите, туку до судството и обвинителсвото. Ако заврши како што треба јасно се знае каков треба да биде епилогот,  а ако не нема да бидеме на 106.место на листата на Транспаренси интернешнл , туку на 160, рече Мицкоски.

Во коментар на најавите за префрлање на вработени од јавен во приватен сектор нагалси дека не соодветствува, како што тврди, вработување на 6 000 лица во предизборието, со зборовите на ресорниот министер за дигитализација./МИА

Поднесено обвинение за точење алкохолни пијалоци на дете

Во Основното јавно обвинителство Кавадарци во моментов се постапува по повеќе предмети за лица кои не ја почитувале законската забрана за точење алкохол на деца.​

Основното јавно обвинителство Кавадарци поднесе Обвинителен предлог против 53-годишна жителка на Кавадарци и против правното лице Друштво за услуги и трговија ПАКО-ПРОМ Пане ДООЕЛ увоз – извоз Ваташа – Кавадарци за сторено кривично дело – точење алкохолни пијалоци на дете.

Обвинителството утврди дека обвинетата, вработена во обвинетото правно лице, на 28 декември 2019 година околу 16:30 часот на оштетеното дете на возраст од 15 години, продала шест шишиња од по 2 литри вино, едно шише од 1 литар жесток пијалoк – текила и едно шише од 1 литар жесток пијалoк – вотка.

Надлежниот обвинител му предложил на судот обвинетите да ги огласи за виновни и да им изрече кривична санкција како и казна – забрана за вршење дејност.

-Постапката против обвинетите е поведена по допрен глас, откако за стореното кривично дело обвинителството дојде до сознанија, истражувајќи друг кривично-правен настан, во кој купениот алкохол го консумирале повеќе лица на возраст од 15 до 18 години. При што едно од лицата, на возраст од 18 години, во алкохолизирана состојба се самоповреди со нож, се наведува во соопштението од Јавното обвинителство.

Основното јавно обвинителство Кавадарци во текот на изминатите неколку месеци, во соработка со ОВР Кавадарци и ОВР Неготино, спроведуваше едукативни средби со претставници на правни друштва, меѓу нив и на угостителски објекти, кои што продаваат алкохолни пијалоци. При средбите јавен обвинител ги истакна негативностите од продавање алкохол на деца и одредбите од Кривичниот законик каде истото е предвидено како кривично дело, за што беа најавени зачестени контроли од надлежните институции. Во Основното јавно обвинителство Кавадарци во моментов се постапува по повеќе предмети за лица кои не ја почитувале законската забрана за точење алкохол на деца.​ /МИА

Претседателот и генералниот секретар на СДСМ во посета на Виница

Претседателот на СДСМ Зоран Заев и генералниот секретар на партијата Љупчо Николовски денеска престојуваа во Виница, при што остварија посета на локалната самоуправа и на прехранбената компанија „Макпрогрес".

На средбата со градоначалникот на Виница Ивица Димитров и со претседателот на општинскиот Совет Тони Велков се разговараше за развојните цели на општината и регионот, а посебно за поддршката во развојот на локалните компании. Според Заев, вниманието на државата и во иднина ќе остане насочено кон домашното производство, со очекување на нов финансиски импулс од ЕУ.

– Целиот изминат период на сериозни и храбри политички одлуки отвора нови перспективи што досега беа затворени за домашното стопанство, а тоа се долгоочекуваните европски структурни и кохезиони фондови. Ова за Западен Балкан значи 14 милијарди евра, а за Република Северна Македонија се околу две милијарди евра, најчесто за економски прашања и политки. Тоа ќе даде придонес во јакнењето на целокупниот економски стандард. Компанијата „Макпрогрес" од Виница е наша гордост и потврда за успешно работење, со оглед што 90 отсто од нејзиното производство оди за извоз и на државата ѝ носи девизни приливи. Затоа и во иднина ќе останеме насочени кон домашното производство кое е најсилна гаранција за раст на економскиот стандард на граѓаните, истакна Заев.

При посетата на компанијата „Макпрогрес" беше нагласена определбата за зголемување на извозот и унапредувањето на квалитетот на работната сила, за што ќе се инвестира во обука и стручна надградба.

– Годинава одбележуваме 30 години од постоењето и планираме наесен овој јубилеј да го крунисаме со отворање на Институт за развој на прехранбени технологии во кој ќе можат да се вклучат сите млади луѓе, стартап-бизнисите и стручни лица од прехранбениот сектор во државата. Целта е да ја развиваме оваа индустрија и да достигнеме што повисоко ниво, а од државата очекуваме да креира политики за подобрување на состојбите. Сакаме да ги задржиме младите луѓе и да ги унапредиме условите за работа, со подобри плати, а со тоа да имаме бенефит и за компанијата, и за општеството во целина, истакна Глигор Цветанов, директорр на „Макрпогрес".

Градоначалникот на Виница Ивица Димитров нагласи дека токму „Макпрогрес" со своите 780 вработени е пример за успешно работење што треба да го следат и другите компании, пред сè во создавањето услови за нови работни места и за задржување на работната сила. /МИА

притисни ентер