ЕП: Македонија по триумф против Австрија за пласман во втората фаза

Ден „Д“ за најдобрата машка ракометна репрезентација на Македонија на Европскиот шампионат 2020.

Македонскиот национален тим  вечерва од 18-15 часот против еден од кодомаќините на првенството Австрија  го игра  одлучувачкиот дуел на шампионатот за пласман во следната рунда на Еуро 2020.

Црвено жолтите вечерва во сигурно полната „Штадхале“ со поддршка од навивачката фаланга ќе бркаат победа со плус два гола разлика против досега непоразената Австрија.

Селекторот Брестовац и одлучувачкиот натпревар од првата рунда реши да ги игра со истите 16 ракометари кои ги одиграа средбите против Украина и Чешка во кои остваривме половичен успех.

Нашите најдобри ракометари вечерва во Виена се без право на грешка, пораз не носи назад во Македонија ,а триумф од два гола разлика ни обезбедува место во следната рунда. За реми или победа од еден гол потребен ќе биде многу математика.

Сите комбинации како Македонија да го продолжи престојот на ЕП 2020: 

-Победа на Австрија од најмалку два гола

-Победа над Австрија со еден гол разлика со тоа што ќе мораме да дадеме повеќе од 31 погодок

-Победа над Австрија од 31-30 и Чешка да не ја победи Украина со повеќе од еден гол

-Победа над Австрија од 31-30 и Чешка ја победи Украина со 26-25 и потоа ждрепката да биде на наша страна

-Победа над Австрија и Чешка да не ја победи Украина

-Да не загубиме од Австрија и Чешка загуби од Украина.

Но, Лазаров, Стоилов, Манасков и останатите  велат дека  ќе се оди на најсигурната варијанта, да се победи Австрија со два гола и да се чекира местото меѓу 12-те најдобри на шампионатот.

Добрата и цврста игра во одбрана повторно ќе биде клучна за конечниот исход. Ристовски и Митревски вечерва мора да бидат многу подобри од натпреварот со Чешка, а Лазаров, Манасков и Стоилов ќе мора да добијат  поголема поддршка во нападот од Талевски, Кузмановски, Пешевски..., влогот е уште еден пласман во втората фаза на еден европски ракометен самит.

Последната порака на Коби на твитер била честитка за успехот на Ле Брон Џејмс

Судбината одлучи Коби Брајант , иако се повлече пред три години од кошарката , од вчера да биде најспомнуваниот НБА кошаркар.

Вчера Ле Брон Џејмс го надмина неговиот рекорд на третото место на шутери на сите времиња.  

Џејмс го заврши натпреварот со 29 поени, седум скока и осум асистенции, а со вкупно 33655 постигнати поени во натпреварите во кариерата, го надмина Брајант, кој застана на 33643 постигнати поени.

Рано утрово честитката до Ле Брон стигна од Брајант кој му ја посвети својата последна порака на Твитер на човекот со кој често се споредуваше.

- Само напред , Кинг. Брат, ја имате мојата почит “, напиша Коби на неколку часа пред трагичната несреќа.

Ракометарите на Шпанија ја победија Хрватска во финалето на Еуро 2020

Шпанските ракометари ја совладаа Хрватска во финалето на Европското првенство со резултат 22:20, со што ја одбранија титулата европски шампиони.

Хрватска добро го отвори мечот и со водството со 2: 0, но Шпанците стигнаа до изедначување во седмата минута (3: 3) и од тој момент натаму играа гол за гол до 15-та минута кога селекциите на Лино Червар повторно отиде на плус два ( 8: 6).

Во 19-та минута Марино Мариќ ја однесе Хрватска во плус три (10-7), но потоа Шпанците се разбудија.

Шпанскиот голмани ја доби првата одбрана во 20-та минута кога Гонзало Перез де Варгас го одбрани ударот на Игор Карачиќ од девет метри , а потоа започна незапирливата серија.

Хорхе Македа ги врати Шпанците со три брзи гола (10:10), а потоа Канелас го постигна првото водство на Шпанија на натпреварот (11:10). Перез де Варгас ја задржа својата мрежа недопрена 11 минути, собра шест одбрани, вклучувајќи и удар од седум метри  на Домагој Дувњак, и капитулираше повторно само во последната минута кога Давид Мандиќ погоди за 11:11.

Резултатот од првото полувреме го постави Раул Ентеририос на седум секунди пред крајот, кога погоди за 12:11.

На почетокот на второто полувреме Шпанците искористија најмногу од исклучувањето на Златко Хорват. Алекс Гомез најпрво реализираше удар од седум метри со додавање на Даниел Сармиенто, а потоа постигна два гола преку целиот терен, откако Хрватите одиграа без голови во нападот.

Канелас  потоа погоди за максимум плус четири во 36-та минута (16:12), потоа Лино Червар реши да игра 7-за-6, а Хрватите стигнаа до минус два (16:14), по што следеа низа грешки на обете страни.

Во 49. минута Хрватска стигна до изедначување (18:18) по брилијантната серија од 6-2.

Во последните десет минути имаше вистинска драма, со тоа што Хрватска во 54. минута повторно се засили со голот на Лука Степанчиќ, но Гомез израмни на 19:19.

Во самиот финиш на натпреварот, Шпанците успеаја да постигнат голема победа и одбрана на титулата со шутот на Гомез.

На овој начин Шпанија ја одбрани титулата Европски шампион од последното првенство што се одржа во Хрватска, а во богатата ризница трофеи од континенталните настани имаат и четири сребрени и два бронзени медали.

На овој начин, Хрватска остана без единственото злато од поголемите натпреварувања. Хрватите во ризницата имаат по три сребрени (2008, 2010, 2020) и бронза (1994, 2012 и 2016 година).

Со овој триумф Шпанија обезбеди и пласман на Олимписките игри во Токио.

Расистички повици од навивачи кон фудбалер на Билбао , тој им врати со пцуење (ВИДЕО)

Инаки Вилијамс е нова жртва на расизмот на фудбалските терени.

Темномурестиот напаѓач со беше навредуван од навивачите на Еспањол во дуелот со Атлетико Билбао.

Вилијамс беше заменет во 69-та минута кога неговиот тим реализираше корнер. Додека Муниаин се подготвуваше да изведе удар од аголот, Вилијамс излезе од теренот и се упати кон клупата, а од трибините можеше да се слушне гласно извикување на навивачите на каталонскиот клуб.

Напаѓачот на Билбао одговори со тешки пцовски . „Кучкини синови“, викна тој , по што седна на клупата.

По натпреварот, спортскиот директор на Билбао го осуди расистичкиот чин, исто како и Еспањол кој објави дека почнува истрага.

притисни ентер