Станува збор за три респираторни машини од најнова генерација за високо фреквентна механичка вентилација за новороденчиња, во вредност од речиси 100 илјади евра, чии средства се обезбедени од две општествено-одговорни државни институции – Агенцијата за катастар на недвижности и АД МЕПСО. Апаратите се наменети за новороденчиња со респираторна инсуфициенција и овозможуваат агресивна и неагресивна механичка вентилација, со вградена опција за високофреквентна вентилација за многу мали и екстремно мали прематурни новороденчиња.
На предавањето на донацијата присуствуваа директорката на Клиниката за гинекологија и акушерство – Скопје доц. д-р Викторија Јовановска, директорката на МЕПСО Ева Шуклева и директорот на Агенцијата за катастар за недвижности Борис Тунџев.
Директорката посочи дека со ставањето во функција на новите апарати се овозможува подобрување на гасната размена, намалување на работата на дишната мускулатура, како и подобрување на вентилацијата. На овој начин, рече таа, одделот за неонатална нега и терапија се доопремува со дополнителна вентилација и прочистување на воздух, со цел намалување на честотата на инфекции во воздухот.
Владимир Милошев, држвен секретар во Министерството за здравство изразувајќи задоволство дека ресорното Министерство со денешниот настан го продолжуваат континуитетот за зајакнување на капацитетите на јавните здравствени установи со опрема.
Изминатиот период со континуирано унапредување на условите во оваа јавна здравствена установа, постигнато е значително намалување на стапката на доенечка смртност од 24 отсто на 10 проценти.
На директорката на МЕПСО Шуклева и директорот на Агенцијата Тунџев од страна на директорката на ГАК им беа доделени благодарници. /МИА