Одложено судењето за „Т.Н.Т"

Судењето за предметот „Т.Н.Т" за уривањето на комплексот „Космос" на инвеститорот Фијат Цановски се одложи за 25 ноември.

Одложено е поради полициска наредба за спроведување на обвинетиот Миле Јанакиески во ОЈО за гонење на организиран криминал за давање на исказ.

Судот на почетокот информираше дека, во однос на барањето од бранителот на обвинетата Елисавета Најдовска, адвокат Мерџан Даути за увид во списите од предметот на албански јазик, се обратил до Адвокатската комора на Северна Македонија, од каде добил одговор дека според одредбите од Законот за адвокатура, за да може да ја извршува функцијата адвокатот, меѓу другото, треба и активно да го зборува македонскиот јазик.

– По мислење на судот овој случај е класичен пример за одолговлекување на постапката и спречување на правото. Тоа е очигледно со направената промена на бранители. Евидентно е дека Димитар Дангов, Мерџан Даути и Елисавета Најдовска со направената промена имале намера за одложување или застарување на делото, изјави судијата Огнен Ставрев.

Од Адвокатската комора, исто така, го информирале Судот дека ќе отворат дисциплинска постапка против адвокатот Димитар Дангов.

Судијата Ставрев, на почетокот информираше и дека добил поднесок од јавната обвинителка Вилма Рускоска со кое се одбива како неосновано барањето на обвинетиот Тони Трајковски за изземање на обвинителот Рустеми.

Случајот се наоѓа во доказна постапка и го води судијата Огнен Ставрев, а застапник на обвинението е Бурим Рустеми од ОЈО Куманово.

За делото обвинети се повеќе лица меѓу кои екс министерот за транспорт и врски Миле Јанакиески и тогашниот градоначалник на Општина Гази Баба Тони Трајковски, додека во отсуство му се суди на поранешниот премиер Никола Груевски./МИА

Поплави после силните врнежи, 12 лица се удавиле во Уганда

Најмалку 12 лица настрадале во поплавите предизвикани од силните врнежи на западот од Уганда, соопшти локалниот Црвен крст.

„Пронајдовме 12 тела во вода како и едно повредено лице кое е префрлено во болница“, наведуваат од Црвениот крст.

Полицијата, војската и мештаните се во потрага по  исчезнатите по поплавите. Властите наведуваат дека се уште не се знае колку луѓе исчезнале во поплавите близу границата со Конго.

Поплавите се честа појава во тоа подрачје, но научниците наведуваат дека оваа година е забележан поголем број поради климатските промени на Индискиот океан.

САД и Иран разменија затвореници

САД и Иран разменија затвореници, Американец со кинеско потекло заробен на три година со обвинение за шпионажа за заробен Иранец, во редок чин на соработка меѓу двата долгогодишни непријатели чии односи се влошија откако Трамп е претседател.

Швајцарија посредувала во размената, а иранската државна новинска агенција „ИРНА“ јавува дека министерот на надворешни работи Мухамед Џавад Зариф го поздравил ослободениот Иранец во Цирих. Во соопштението кое го објавила Белата куќа Трамп не го споменал ослободувањето на Иранецот, но се заблагодарил на швајцарската влада за помошта во случајот за ослободувањето на американскиот државјанин.

-Ослободувањето на Американци кои се држат во заложништво е од витално значење за мојата администрација и ние ќе продолжиме напорно да работиме на враќањето во своите домови на сите наши граѓани неправедно затворени надвор од земјата, рекол Трамп.

Нови аудио снимки за случајот рекет на Јутјуб, гласот наликува на Орце Камчев

Седум кратки снимки се појавија на Јутјуб во кои се слуша глас кој наликува на оној на бизнисменот Орце Камчев, сведок во случајот „Рекет“.

На снимките се слуша како тој бара контакт со Вице Заев, брат на премиерот Зоран Заев и вели дека ако не се заврши работата, „ќе крварат сите“.

„Ако треба крв, и крв. Имаш деца, имаш машко дете. Ќерка му е што ме боли к…т. И да не нема тоа е, ама нема да дозволам да ми го газат достоинството. Јас со Сашо Мијалков се расчистив. И на ферка, така се претплатив, само чисто да биде“,– се слуша на снимките..

„Никој не знаеме кој што има од тоа време, реално не знаеме. Јас што имам, значи сакам да ги рушам Заеви. Значи јас, сега видов, јас ќе бев во затвор, тоа нема да се деси. Што треба да претендирам да станам премиер да го добијам тоа, не ме интересира, остајте ме, не барам ништо, не барајте ништо“, вели гласот кој наликува на бизнисменот оштетен во „Рекет“.

Во дел од снимките се слуша како и преку посредник биле испраќани пораки до премиерот во кои се бара примирје. Во другите снимки се слушаат закани дека „ако не се спушти топката“ ќе „бомбардирал“ од Бугарија, по што ќе дошол Мицкоски и потоа ќе имало „крв до колена“.

„Јас ќе отидам во Бугарија и што тогаш, ќе пуштам како Ким Јонг, па тепајте се во Македонија и ќе отиде се во пи*** материну. И ќе дојде Мицкоски, и што правиме после? Треба крв до колена? Не се научија дека во 30 години најпаметните беа Љубчо и Бранко, седнаа се договорија“, вели човекот.

„ Не, ама смешно не е, трагично е. Лошо е да „умреш со ваква смрт“, како Заев. Бар заврши работа, промени име, не стави во НАТО, бар нешто големо направи човекот, ја на интервју го „утепав“ од фалење, и он мене во затвор!?“, се слуша во снимките.

Шефицата на обвинителството за организиран криминал и корупција, Вилма Русковска, која го води случајот „Рекет“ изјави дека аудио снимките не се дел од доказите не се дел од доказите кои странките во постапката им ги доставиле.

„Првпат ги слушам. Не беа на хард дисковите што ни беа доставени“, вели Русковска и додава дека обвинителството ќе ги истражува снимките, но и тоа кој ги објавил на Јутјуб.

притисни ентер