Интернет пратките до 90 евра, наскоро нема да бидат царинети

Министерството за финансии ги подготвува анализите за да го зголеми прагот од сегашните 45 евра на 80 до 90 евра за поштенски пратки за кои нема да се плаќа царина односно за кои само се плаќа ДДВ-то.

 Ова го најави министерката за финансии Ангеловска која рече дека прагот во земјите до европската унија е 150 евра заради што се земале предвид се поголемиот број на барања на граѓаните за олеснување на електронската трговија. Бројот на мали пратки секоја година се зголемува за 30% а за да се намалат можностите за манипулации царината преку донација од американската амбасада добила скенер со кој без отворање ќе се забрза целиот процес на проценка дали пристигнатиот пакет оди за царина или не и што има во него.

Според надлежните ова е само еден мал почеток во планираната дигитализација на поштенските услуги кои мора да се подобрат ако се земе дека лани земјава заради изгубени пратки беше пред исклучување од глобалната мрежа али експрес 

Македонија од 150 земји е рангирана на 99 место според индексот на логистички перформанси односно според нивото на услуга, брзина и квалитет на испорака.

Шкријељ ги посети поранешните корисници на Заводот „Бања Банско" за кои МТСП обезбеди станови за самостоен живот

Уште четири корисници на Заводот за рехабилитација „Бања Банско" во Струмица ќе добијат свој топол дом.

Заврши адаптацијата на куќа во Струмица во која ќе се преселат. Направени се соодветни прилагодувања на просторот, обезбедена е пристапност а во тек е опремување на куќата.

Дополнителната заменик-министерка за труд и социјална политика Санела Шкријељ денеска во Струмица ги посети и лицата кои претходно беа згрижени во ЈУ Завод за заштита и рехабилитација Бања Банско, а сега живеат во четири стана кои се целосно прилагодени на нивните потребите.

„Продолжуваме со процесот на деинституционализација што го почнавме лани. Досега на девет возрасни лица Министерството за труд и социјална политика им помогна да го заменат Заводот „Бања Банско" со свој дом. Некои од нив во Заводот биле и по повеќе од 25 години. Тоа беа луѓе исфрлени на маргините на општеството, а сега се вклучени во заедницата. Ние ги поддржавме во нивните желби и упорност да си создадат нов живот. Тие не ја кријат радоста, таа се гледа на нивните лица. Од Заводот се деинституционализирани и четири деца. Третманот со врзување за радијатори припаѓа на едно друго време, што не смее да се повтори", изјави Шкријељ.

Насмеани и расположени, корисниците и кажаа на Шкријељ дека се задоволни од условите во кои живеат и дека слободата да одлучуваат за животните активности, што сега ја имаат, ги прави среќни. 

Во рамки на трансформацијата на Заводот за заштита и рехабилитација на лица со телесна попреченост „Бања Банско" – Струмица, првите девет возрасни корисници го напуштија Заводот во текот на втората половина на 2019  година. Двајца од нив добија поддршка за враќање во сопственото семејство во село Миравци, Гевгелија, а седуммина се сместени во станови во државна сопственост.

Маријана Тошева, секретар на општинската организација на Црвен крст-Струмица посочи дека и тие го поддржуваат процесот преку обуки за персонални асистенти и негуватели. Активни се 19 персонални асистенти кои даваат услуги на 26 лица со попреченост.

Во тек е обука на третата група од 20 персонални асистенти.

Процесот на деинституционализација на Заводот „Бања Банско", Министерството го спроведува во соработка со четири агенции на ОН, кои ги опремија становите. За лицата е обезбедена потребната поддршка, вклучувајќи и лични асистенти, а за обезбедување на нега на крајот на 2019 година беа вработени пет негувателки. Со трансформацијата, се планира Заводот „Бања Банско" да прерасне во модерен Центар за рехабилитација. 

Во изминатите две години, повеќе од 44 проценти од луѓето што се сместени во социјални институции за долгорочно згрижување, добија нов дом во заедницата.

Дополнителната заменик-министерка Шкријељ го посети и новиот фитнес центар во рамки на проектот „И ние постоиме". Носител на проектот е Здружението на лица со телесен инвалидитет „Мобилност" - Струмица, а партнер е Здружението на граѓани за помош и поддршка на лица со даунов синдром „Вера" - Струмица. Проектот „И ние постоиме" се спроведува во рамки на Регионалната програма за локална демократија во Западен Балкан „ReLoaD", финансирана од ЕУ и кофинансирана од општина Струмица,стои во соопштението од Владата на РМ.

ФИТР: Јавниот повик „Предизвик за млади истражувачи“ објавен по трет пат

Со 6 милиони денари Фондот за иновации и технолошки развој ќе ги поддржува основците и средношколците да станат млади истражувачи преку третиот јавен повик „Предизвик за млади истражувачи„ кој беше објавен денеска.

Претставници од Фондот пред учениците ги претставија условите за аплицирање. Прифатливи ќе бидат проектите од областа на природните и техничките науки кои би се реализирале за максимум 6 месеци.

Заинтересираните имаат рок до 16ти март да ги пријават своите проекти online, а потоа комисија од Фондот ќе ги разгледува и оценува. Ќе се земе предвид и составот на тимот – родовата застапеноста, возраста и етничката припадност.

Секој тим може да добие максимум 300 илјади денари плус дополнителни 30 илјади денари за менторите. Преку овој проект, Фондот досега има поддржано 54 училишта.

Јанкуловски: Формирањето на синдикална организација на универзитетите не е спротивно со ниеден закон

Формирањето на синдикална организација на универзитетите не е спротивно со ниеден закон. 

Тоа го дозволува и член 220 од Законот за работни односи и неосновани се нападите врз нас ректорите, изјави денеска ректорот на УКИМ Никола Јанкуловски.

-Кога станува збор за прашањето на јавен сектор, потпишувањето на синдикални колективни договори е секогаш меѓу основачот и синдикалната органзиација. Ние ректорите секогаш се трудиме да го подобриме квалитетот во високото образование, да ги подобриме условите за работа и стандарпт на вработените во универзитетите. Формирањето на синдикална организација на универзитетите секако дека не е контраиндицирано со ниеден закон. Тоа го дозволува и член 220 од Законот за работни односи. Неосновани се нападите врз нас ректорите затоа што законот тоа го дозволува да секој основач на јавна установа потпише договор со репрезентативна синдикална организација. Оваа шанса која ни е наведена за покачување на платите од 10 проценти сметаме дека не треба да се пропушти, особено кога се е во рамки на законската регулатива, рече ректорот Јанкуловски на новинарско прашање по потпишувањето Меморандум за соработка со Агенцијата за национална безбедност.

Заради краткиот период,тој вели, на состанок на ректорите на јавните универзитети со ресорниот министер заеднички одлучиле со Министерството за образование и наука единствена точка на колективниот договор да биде покачувањето на платите, а потоа, додава, тој договор ќе се проширува со други точки, кои ќе бидат препуштени на автономното функционирање на таа синдикална организација.

-Ние ниту имаме намера, ниту вршиме притисок на некого, како ќе си одлучат тие така ќе работат. Меѓутоа можам да кажам дека ние како Универзитет за само еден ден и половина постигнавме реперезентативност што е за поздравување, рече Јанкуловски.

Запрашан зошто се инсистира на формирање нов синдикат, според него, очигледно дека постои некоја пречка помеѓу тоа договарање, а дали е во прашање репрезентативност на високото образование во СОНК, рече не може да каже, но штом добиле вакви напатствија ќе работат според нив. /МИА

притисни ентер