Летот на Qantas 78 QF, полета од аеродромот во Лондон, Хитроу во 6 часот наутро и се очекува да слета 19 и пол часа подоцна на аеродромот Кингсфорд Смит во Сиднеј.
Патеката од 17.800 километри е најдолгиот лет на Qantas, како дел од научната студија за намалување на влијанието на менување на временските зони врз патниците и истражување на опциите за подобрување на здравјето на екипажот.
Qantas го редизајнираше новиот Boeing 787-9 Dreamliner за тест-летот за да собере максимално количество гориво и да се ограничи бројот на патници и багаж, за на долгиот лет да нема дополнителни слетувања за полнење гориво.
На авионот има околу 50 патници и членови на екипажот.
Ова ќе биде втор пат во комерцијалната историја комерцијален авион ја прелетал таа рута. Во 1989 година, Квантас ја мина трасата на Боинг 747-400 помеѓу два града за повеќе од 20 часа.
Qantas започна со редовната линија меѓу Лондон и Сиднеј во 1947 година и тогаш беа потребни пет дена, во кои беа вклучени шест дополнителни слетувања.
Минатата година стартуваше линијата Перт - Лондон, единствената директна врска меѓу Австралија и Европа за која се потребни 17 часа лет.
Минатиот месец, Qantas успешно го слета најдолгиот непрекинат комерцијален авионски лет во светот – од Њујорк до Сиднеј.
Тест-летот од 16.200 километри траеше 19 часа и 16 минути. Иако летот од Лондон до Сиднеј е 1500 километри подолг од оној меѓу Њујорк - Сиднеј, се очекува да трае исто толку долго како резултат на воздушните струи.