СДСМ: Само Мицкоски и ВМРО-ДПМНЕ се радуваат на историската грешка на ЕУ, затоа граѓаните ќе ги казнат на 12 април

Целиот западен демократски свет порача дека Македонија сторила се, а одлагањето на датумот било историска грешка, само Христијан Мицкоски и ВМРО-ДПМНЕ останаа да се радуваат на историската грешка на ЕУ.

Се што Мицкоски и ВМРО-ДПМНЕ прават е блокада на процесот на интеграција во ЕУ и НАТО.

Дури и Емануел Макрон вчера во интервју порача дека сите земји членки биле сложни да ги започнеме преговорите со ЕУ, а Мицкоски не може да побегне од кажаното и ја манипулира јавноста со лажни, бесмислени обвинувања.

Тоа е понудата на Мицкоски и ВМРО-ДПМНЕ, анти ЕУ и анти НАТО дејствување, обнова на режим и враќање назад во изолација.

Граѓаните тоа нема да го дозволат и на 12 април уште еднаш ќе го поразат нивното деструктивно однесување и ќе потврдат дека државата е на прав пат.

Центар за комуникации со јавноста на СДСМ

Панел дискусија за европските интеграции во перспектива на Вардарскиот регион

Европско движење во Република Македонија (ЕДРМ) во соработка со Општина Кавадарци денеска организираат панел дискусија на тема: „Европските интеграции во перспектива на Вардарскиот регион со посебен осврт на Кавадарци".

Дискусијата е дел од проектот: „Граѓанските организации во служба на демократијата", финансиран од ИПА – 2 механизмот за поддршка на граѓанските здруженија.

Целта на оваа дискусија, информираат организаторите, е да ги афирмира европските инцијативи за потесна соработка на локалните власти со граѓанските здруженија од регионот, но и со другите чинители во развојните процеси на општината (претприемачи, фармери, просветни, културни работници). /МИА

Седници на две собраниски комисии

Во Собранието на Република Северна Македонија денеска седници ќе одржат Комисијата за транспорт, врски и екологија и Законодавно-правната комисија.

На денвен ред на Комисијата за транспорт, врски и екологија се предлог законите за изменување и дополнување на Законот градење, и на Законот за електронски документи, електронска идентификација и доверливи услуги, двата по скратена постапка, поднесени од пратеници од владејачките парти. Членовите на Комисијата ќе ги разгледаат и Предлог законот за изменување на Законот за електронско управување и електронски услуги, по скратена постапка, како и Статутарната одлука за изменување на Статутот на Агенцијата за пошти (II фаза).

Единствена точка на дневниот ред на Законодавно-правната комисија е Предлог законот за изменување на Законот за спортот, по скратена постапка, поднесен од пратиници од владејачкото мнозинство. /МИА

Собранието ќе избира заменик-министер за здравство

Собранието на Република Северна Македонија денеска ќе ја одржи 120. седница на која треба да биде избран заменик-министер за здравство.

Владата за нов заменик-министер за здравство го предлага Арменд Арслани, специјализант по урологија на Медицинскиот факултет при УКИМ, кој претходно работел како доктор по општа медина во Специјализираната болница за нефрологија во Струга.

Арслани треба да дојде на местото на Асим Муса, кој поднесе оставка на функцијата по скандалот дека зел мито од пациент од Албанија за да му овозможи операција во Струга. /МИА

притисни ентер