Македонката што возеше Мерцедес со 230 км/час со мало дете во автомобилот , оди во затвор

Австралијанката со македонско потекло , која и бегаше на полицијата во Мерцедес со брзина од 235 км/час , е осудена на година и пол затвор.

Минатиот ноември, 28-годишната Маргарита Томовска, позната на социјалните мрежи како „Мерцедес мама“ го возеше својот моќен мерцедес Е 63 С двапати побрзо отколку што смееше додека бегаше од полициска патрола , што се обидувала да ја запре. Пријавено е дека се движела дури и над 230 км на час. Да ги влоши работите, таа не беше сама во трката, туку заедно со нејзината тригодишна ќеркичка.

Адвокатот на обвинетата изјави дека Томовска била принудена да вози неодговорно , на што ја присилувал совозачот Кристопер Кинг. Тој додаде дека Кристопер е толку силен што на полицајците им биле потребни два комплети лисици за да го задржат при апсењето.

Судот не го прифати ова оправдување и ја осуди Маргарита на 18 месеци затвор.

"Може само да се замисли што би се случило кога би се судрила со полициското возило. Детето би летало со 150 км на час. Тешко е да се замисли поопасна полициска потера", ја коментирал судијата својата одлука.

Маргарита, инаку, е многу активна на социјалните мрежи каде често се фали со дизајнерска облека, луксузни автомобили и ексклузивни патувања. Дури и за судењето, таа се облече во колекција вредна над 10.000 американски долари.

Томовска вели дека не жали за целиот процес. Напротив, таа глумеше жртва и се обиде да собере 100.000 долари преку GoFundMe. „Знам дека не ме познавате, но не сум лоша личност“, ја започна својата приказна на GoFundMe. "Тие се лажговци и имаат нешто против мене без причина , а јас сум сигурна дека не сум единствената во ваква ситуација. Поради срамот што ми го направија, ми беа ограничени правата да ја гледам ќерка ми. “, напиша таа.

Принцот Чарлс ,отечен на официјалната посета во Индија (ФОТО)

Британскиот принц Чарлс е во официјалната посета на Индија , каде многумина забележаа дека му се невообичаено многу отечени рацете и нозете.

Принцот Чарлс во моментов е во официјална посета на Индија, каде пристигна вчера. По пристигнувањето во Њу Делхи, синот на кралицата, кој треба да го прослави својот 71 роденден, веднаш започна со службените должности и состаноци, а отечените раце и нозе го привлекоа вниманието на  фоторепортерите.

Принцот Чарлс на првиот ден од патувањето во Индија имаше  црвени и отечени раце и нозе. Од неговата придружба велат дека ова често се случува на меѓународни патувања, особено кога патува во тропски и суптропски области.

И долгите летови редовно предизвикуваат отоци, така што принцот Чарлс се шегуваше пред околу седум години во Австралија дека прстите му личат на колбаси.

 Експертите велат дека отокот може да биде предизвикан од задржување на водата до лоша циркулација, па дури и артритис.

Откако поминал девет часа во авионот, Чарлс најпрво се сретнал со службени лица, а потоа го посетил храмот каде што се капел, за да може да му се опуштат нозете. Таму помагаше во кујна за сиромашни.

Принцот денеска ќе го прослави својот 71 роденден во Мумбаи и во недела патува за Нов Зеланд каде ќе му се придружи неговата сопруга Камила.

Британските медиуми посочуваат дека принцот Чарлс е најстариот наследник на круната во британската историја. Кога ќе ја наследи круната од неговата мајка, кралицата Елизабета, тој ќе биде најстариот крал некогаш крунисан. Најстариот  во моментов е  Вилијам IV, кој ја наследил круната во 1830 година на 64 годишна возраст.

Обичен ден за прошетка на Шварценегер со неговото чудовиште (ФОТО)

Граѓаните на луксузен кварт во Лос Анџелес беа вознемнирени од татнежот , сличен како на тенк ,за потоа да се изненадат кога видоа кој е зад воланот.

Легенда на акциските филмови и поранешен гувернер на Калифорнија, кој сака големи возила, пазаруваше во оклопно возило што личи на тенк.

Додека повеќето sвезди копнеат по приватноста во слободното време, Арнолд Шварценегер очигледно нема проблем со тоа , бидејќи е тешко да остане незабележан во огромниот теренец додека купувал низ градот.

Актерот раскажа дека неговата љубов кон воените возила започнала на необичен начин: „Еднаш возев покрај конвој со педесетина воени возила. Воодушевен од глетката , нагазив на  сопирачката, а возачот зад мене се заби во мојот автомобил. Јас дури и не го забележав тоа, само зјапав.”

Тој додаде дека од тој момент бил „опседнат и сакал да купи  возило како воено “.  И така купил Хамер.

Затоа преку посредник се јавил кај претставниците на фабриката АМ генерал за да му продадат, но тие му рекле дека не е можно затоа што автомобилот не ги исполнува спецификациите за цивилен технички преглед.

Шварценегер одбил да се смири, отишол лично да преговара со директорот на компанијата и на крајот успеал да го купи оригиналниот H1 Humvee, но дури откако бил редизајниран за да ги исполни цивилните спецификации. Откако обидот на Шварценегер бил успешен , се создаде цивилна верзија на возилото и започна производството. Првите два џипа Hummer кои излегоа од производната линија во 1992 година ги купил токму  Шварценегер.

Минатиот месец, Шварценегер беше во центарот на вниманието и за друг автомобил. Поддржувајќи ги активностите  на младата активистка за животна средина, Грета Тунберг (16), тој и набави електричен  автомобил „Тесла“ за да може девојчето да отпатува од самитот на ООН во Њујорк до Монтреал, каде се одржа голем протест за климатски промени, поддржани од Шварценегер.

Фејсбук годинава изгаснал над 5 милијарди лажни профили

Фејсбук објави вчера дека затворила дури 5,4 милијарди лажни профили од својата платформа од почетокот на годинава, над  двојно повеќе од 2,5 милијарди активни корисници.

Исто така, има многу повеќе исклучувања од минатата година, кога Фејсбук затвори 3,3 милијарди лажни профили, објави Си-Ен-Ен.

Речиси сите профили беа изгаснати пред да имаат можност да станат активни корисници. Сепак, Фејсбук признава дека околу 5% од нивните месечни активни корисници се веројатно лажни.

Ова откритие го покажува обемот на предизвикот со кој се соочува овој интернет гигант кога се подготвува за изборната сезона во САД, како и пописот во таа земја следната година.

Аналитичарите и агенциите за надзор очекуваат нов бран на лажни и дезинформативни содржини на социјалните мрежи по организираната руска кампања за влијание врз изборите во САД во 2016 година со лажни реклами и други дезинформации и пропагандни содржини на оваа социјална мрежа.

Фејсбук исто така откри нови протоколи за безбедност и транспарентност кои треба да спречат повторна употреба на влијание како на изборите во 2016 година.

Основачот и извршен директор на Фејсбук, Марк Цукерберг, во телефонско интервју рече дека овој огромен број на отстранети профили се доказ дека неговата компанија сериозно го сфаќа овој проблем.

„Фактот дека бројките се големи не значи дека има толку многу штетна содржина. Тоа само значи дека ние работиме напорно за да ја идентификуваме оваа содржина и затоа се појавија во толкав поголем број “, рече Цукерберг.

Фејсбук отстрани најголем број лажни профили веднаш на почетокот на годината, 2 милијарди од јануари до март. Во наредните три месеци отстрани 1,5 милијарди, а од јули до септември 1,7 милијарди.

Во својот извештај, Фејсбук исто така откри дека отстраниле 18,5 милиони случаи на детска порнографија  и сексуална експлоатација меѓу април и септември, како и 11,4 милиони случаи на говор на омраза. Според компанијата, Фејсбук започна да го отстранува говорот на омраза проактивно во последните две години, што значи дека повеќе не чека ваквите содржини да бидат пријавени од други корисници, туку ги открива самиот алгоритам.

Зборувајќи пред новинарите, Цукерберг објасни дека алгоритмите на Фејсбук сега се користат за отстранување на штетна содржина и на Инстаграм: продажба на лекови, на оружје, експлоатација на деца, самоубиства и самоповредување, како и терористичка пропаганда.

притисни ентер