Холандскиот парламент даде зелено светло за земјава за почеток на преговори со ЕУ

По многу дилеми и дебати доцна синоќа комисијата за европски прашања на Холандскиот парламент одлучи да даде „зелено светло“ Македонија да ги почне пред пристапните преговори со Европската  Унија. 

Холандија ги поздравува напредокот и реформите во земјава со акцент на Преспанскиот договор, задоволни се што се спасени предметите на СЈО, но очекуваат и набрзо да се донесе законот за обвинителство. Холандија исто така е на став дека Македонија и Албанија треба да се одвојат и при носењето на заклучоците двете земји да се оценуваат одделно. Холандија потврдува  дека официјална Тирана, за разлика од Македонија не е подготвена да ги почне преговорите со ЕУ.

Ова директно го кажа министерот за надворешни работи Штеф Блок, кој за време на расправата во парламентот кажа дека влада смета дека не треба да се отворат преговори за пристапување на Албанија, но не образложи дали ова и дефинитивно значи вето за Тирана. По одлуката на комисија со официјално соопштение испратија и од тамошното МНР.

„Земјите кандидатки мора да ги исполнат строгите критериуми пред да се направи следниот чекор во процесот на интеграција. Во јуни 2018, советот постави неколку критериуми да бидат исполнети од северна Македонија пред да бидат отворени преговорите. направениот напредок е охрабрувачки, -Холандско МНР.

Можеби единственото отворено прашање во овој момент е ставот на Франција, а најавите се дека претседателот Макрон најверојатно одлуката ќе ја донесе за време на собирот на европските лидери, а тоа го потврдува и францускиот амбасадор во земјава.

Во меѓувреме алтернативниот министер за надворешни работи на Грција, Милтиадис Варвициотис стравува дека ако Албанија не добие датум за преговори, односно двете земји бидат раздвоени, тоа можела да ја дестабилизира грчката северна граница, односно онаа со Македонија. Со други зборови тој се плаши дека можен е конфликт во земјава ако Тирана не добие датум за ЕУ.     

Бидејќи албанскиот елемент е присутен во целиот регион, разделувањето и почетокот на пристапни преговори со само една земја кандидат, може, наместо да ја продлабочи стабилноста, да предизвика одново појавување на дестабилизација на нашата северна граница. Затоа нашата земја смета дека треба истовремено да се донесе одлука за почеток на пристапни преговори за двете земји, – Варвициотис.

Следната недела е клучна за евро интеграциите на земјава. Дефинитивната одлука дали ќе се отворат преговори ќе биде донесена за време на Самитот на ЕУ во Брисел. 

Шекеринска: Благодарност до Сенатот, наскоро 30. членка на НАТО

Заменик претседателот на СДСМ, Радмила Шекеринска се надева дека Македонија наскоро ќе стане 30. членка на НАТО.

Шекеринска се заблагодари на американскиот Сенат за ратификацијката на пристапниот протокол.

Мицкоски:Ние сме чесни и честити луѓе, тие го опљачкаа народот

За три години власт ништо добро не направија, Македонија никогаш немала полоша Влада во својата историја, изјави лидерот на ВМРО-ДПМНЕ во Прилеп на собирот посветен на Денот на револуционерната борба.

Македонија се буди и бара промени, граѓаните го креваат гласот против оваа однародена власт на СДСМ и Зоран Заев..Тие стануваат минатото и ќе бидат сместени на темната страна од историјата на Република Македонија,порача претседателот на ВМРО-ДПМНЕ ,Христијан Мицкоски од Прилеп на празникот 23 октомври-Денот на македонската револуционерна борба. Од градот каде што е одржан првиот Конгрес на оваа возобновена партија ..

Убеден дека тој ќе биде идниот мандатор на новата Влада по 12 април идната година ,Мицкоски од Прилеп им порача на СДСМ и нивните коалициски партнери..

Пред денешната академија по повод празникот  во Центарот за култура ,,Марко Цепенков”,Мицкоски со своите соработници,оствари и средба со граѓаните на Прилеп.

Предвремените избори ја скратија можноста за промена на изборниот модел

По лидерскиот договор за предвремени парламантерани избори на 12 април, помалите партии ги губат надежите дека има политичка волја за промена на изборниот модел. 

Една изборна единица и отворени листи според нив најверојатно ќе остане желба за некои следни избори. Солза Грчева од Глас за Македонија вели дека се манипулира со изборните калкулации дека со една изборна единица во добивка се малите партии. Вели дека тоа оди во прилог на средните партии но пред се на граѓаните.

Дека и други партии ќе влезат во парламентот со промена на изборниот модел сметаат и од Граѓанска демократска унија. Оваа партија смета дека ќе остане грешка ако тоа не се случи бидејќи како што велат ќе паднат во вода илјадници гласови на изборите, а пратеничките мандати ќе ги поделат само големите играчи.

По средбата кај шефот на државата во неделата, власта и опозицијата останаа со поделени мислења околу промената на изборниот модел. За дел од нив промената е неизводлива во време на предизборие.

притисни ентер