Соборени два државни рекорди на Skopje Run 10K

Два државни рекорди на 10 километри на улична трка денеска беа урнати на третата по ред Skopje Run 10K.  

На трката учествуваа околу 2.000 тркачи. Дарио Ивановски го надмина машкиот државен рекорд во 10 километри на улична трка каде истрча за 31:07 минути, додека Андријана Поп Арсова со 37:02 минути го урна женскиот државен рекорд во иста категорија.

Во машката категорија втор беше Милош Ранчиќ со 33:44 минути, трет беше Атанас Анчевски со 33:49 минути. Од женските прва беше Теодора Симовиќ со 34:59 минути, второто место го зеде Андријана Поп Арсова  и на третото место заврши Билјана Кираџиева со 37:59 минути.

Од штафетната трка најдобри беа Game On со 36:34 минути, по нив NRC-NIKE+RUN CLUB со 37:55 минути и трети завршија 3P DEVELOPMENT со 38:01 минути.

Во склоп на трката оваа година се организираше и хуманитарна акција за донации насловена #ЗасадиВоздух каде од продадените dry-fit маици се одделуваат средства за садници кои тимот на Skopje Run 10K и Град Скопје ќе ги засадат на погодна локација.

Трката е организирана од Сојуз на спортови на Скопје, Атлетска федерација и Атлетски клуб Работнички. Главни покровители на Skopje Run 10K се Агенција за млади и спорт на РСМ и Град Скопје, а ко-организатор е МВР на РСМ./МИА

Откриен првиот заразен италијански фудбалер со коронавирус , целиот тим е во карантин

Gazzetta Dello Sport известува дека е регистриран првиот фудбалер кој е заразен со коронавирус.

Според нивните сознанија, 22-годишниот Нигериец Пол Акпан Удо, фудбалер на третолигашот Сиена.

Удо го пропушти натпреварот минатиот викенд поради треска, а натамошните тестови утврдија дека е коронавирус позитивен.

Тој е хоспитализиран во Сиена и општата здравствена состојба му е добра, а целиот тим на поранешниот прволигаш Сиена е во карантин.

Официјалните бројки за коронавирус во Италија сега се следни: 14 мртви, со вкупно 528 пациенти, од кои 282 во моментов се позитивни.

Најпогодена е Ломбардија, економски центар на земјата со 258 случаи, вклучувајќи четири деца (4 годишно, две 10-годишници и едно на 15-годишна возраст) со лесни симптоми.

Меѓународниот суд за спорт ја доби жалбата од Манчестер Сити

УЕФА го казни Манчестер Сити пред 12 дена со две години неиграње на европските натпреварувања и 30 милиони евра парична казна.

Независниот судски совет за финасиско работење на клубовуите (ЦФЦБ) донесе пресуда дека Манчестер Сити направил сериозни прекршувања на правилата за финансиски фер-плеј на УЕФА.

Сити поднесе жалба до Меѓународниот суд за спорт, кој денес објави дека ја добил жалбата од „Етихад“.

Сè уште не е познато кога ќе одлучува судот.

Спектакуларен пречек на Фјури на аеродромот во Манчестер (ВИДЕО)

Многубројни навивачи и новинари го пречекаа двојниот светски шампион во бокс, Тајсон Фјури на аеродромот во Манчестер.

Фјури пристигна во Англија 48 часа откако во седмото коло го нокаутираше Дионте Вајлдер и стана двократен светски шампион во тешка категорија.

Група навивачи и известувачи го поздравија новиот шампион во верзија на ВБЦ, а на аеродромот имаше бројно полициско обезбедување.

Фјури сè уште не објави дали ќе има реванш меч со Вајлдер.Американскиот боксер изјави дека е уверен дека ќе се случи нова борба со Фјури.

притисни ентер