Наспроти изјавата на чешкиот претседател Милош Земан кој вчера во Белград порача дека Чешка ќе го преиспита признавањето на Косово, за што доби благодарност од Вучиќ, премиерот на Чешка Андреј Бабиш денеска изјави дека е спремен да дебатира со претседателот Земан .
„Би сакал повеќе дебата на таа тема кога ќе има средба за нашите надворешнополитички односи, односно, да се сретнат претседателот на државата, претседателите на двата дома на парламентот, премиерот, шефот на дипломатијата и министерот на полицијата. Тука не се идентични ставовите. Ќе ја причекам дебатата, а потоа ќе заземам став околу тоа“, изјавил Бабиш.
Земан при пристигнувањето на Белград изјави дека не го сака Косово, и дека не го смета за демократска држава „дозволете да го кажам личното, а со тоа и посилно мислење, дека државата на чие чело се наоѓаат воени злосторници не и припаѓа на заедницата на демократски држави“, истакна Земан.
Сепак тој прецизираше дека за одлуката на Чешка која го призна Косово во 2008 година,би сакал зборува на наредниот совет на највисокото чешко раководство, за еден месец.
„Ставот на господинот претседател за Косово е одамна познат. Какви било понатамошни чекори, меѓутоа, се во надлежност на владата“, прецизираше денеска потпретседателот на владата и министер за внатрешни работи Јан Хамачек.
Поради изјавите на Земан дека не го сака Косово и дека му се допаѓаат Србија и српскиот народ, поради изјавата на Земан Приштина го откажа учеството на денешниот Регионален самит во Прага на премиери на Вишеградската група и западен Балкан .