Хрватска летна работна дестинација за македонските граѓани

Хрватското крајбрежје летово беше дестинација на многу македонски граѓани, но не како туристичка, туку како дестинација каде работат.

Мотивите и целите им се различни, но главно се задоволни од она што им е понудено, а задоволство од нивниот ангажман изразуваат и хрватските работодавци.

Кирил и Наташа се двајца меѓу многуте што ја поминуваат оваа туристичка сезона во Хрватска. Работат во ист хотел „Ла Луна"на хрватскиот остров Паг, заедно со уште неколку македонски граѓани, како и со повеќе вработени од поранешните ју републики.

-Мотивот да барам работа надвор од мојата земја беше првенствено финансиски. Идејата беше за неколку месеци да заработам некоја сума што би ја заработила дома за една година, притоа да си ги подмирам целогодишните трошоци на факултет, вели Наташа Трајковска од Скопје.

Наведува дека Хрватска ја одбрала како дестинација од причина што ова и е прво работно искуство во странство, а Хрватска и била доста позната бидејќи е често таму.

-Работата ја најдов со препорака преку приватни контакти од Хрватска, не сум запозната и не сум била во контакт со агенции кои посредуваат за работа во странство. Платата ми е солидна, задоволна сум со неа и е според хрватските стандарди, истакнува Трајковска.

Додава дека нашла работа во хотелот „Ла Луна", кој се наоѓа на островот Паг, а местото се вика Јакишница (Лун). – Работам во Велнес центарот на рецепција и сум презадоволна. Планирам да останам до крајот на сезоната, а од 1 октомври почнувам со факултетот, вели таа.

Работата ја нашла со препорака преку приватни контакти од Хрватска. Вели дека не е запозната и не била во контакт со агенции што посредуваат за работа во странство.

Лошите економски услови во земјава, можностите кои ги нуди работењето во странство, како и стекнувањето нови познанства, знаења и работно искуство биле причина и за Кирил да побара работа во странство, одбирајќи ја летово Хрватска, а најавува дека и следанта година би се вратил.

-Работам сезонски. Рабоата  ми е добра, немам никакви приговори, т.е. ќе се вратам најверојатно и следната сезона тука, вели Кирил.

Открива дека работата ја нашол случајно и решил да ја прифат понудата.

-Случајно, сурфав на интернет, т.е. ми се појави оглас за работа во странство, и едноставно размислив и „ја зграпчив приликата”, вели Кирил.

И двајцата велат дека на островот е исклучително добро и има преубава природа, пејзажи, најстарата плантажа со маслинки, а исто така на само неколку километри од нив е и плажата Зрќе позната по своите музички фестивали.

Работат во друштво на вработени од Хрватска, БиХ и Србија, а проценките се дека само во Новајлија, град близу овој хотел, летово работеле над 100 Македонци.

– Вработуваме луѓе без разлика од каде се. Имаме доста од Северна Македонија, а според моите сознанија ги има во Новајлија само 100 лица. Вредни се и коректни, а оние кои не се си заминуваат, вели Мате Дедич, менаџер во хотелот „Ла Луна"./МИА

Роналдо во детството немал пари ниту за хамбургер!!!

Интервјуто на еден од најбогатите и најдобри светски фудбалери Кристијано Роналдо со славниот Пирс Морган ја воодушеви светската јавност.

Роналдо бил искрен, природен и отворен во разговорот при кој во еден миг дури и пуштил солзи.

Морган го потсетил Кристијано на детството, кога како фудбалер на Спортинг одел на задната врата на локалниот Мек Доналдс со соиграчите за да ги добие преостанатите хамбургери.

„Кога имав 11-12 години, немав пари. Живеев со другите деца од клубот, со месеци не го гледав семејството. Тоа беше многу тежок период. Доцна во ноќта знаевме да бидеме гладни. Покрај стадионот имаше Мек, ќе тропневме на задната врата и ќе прашавме дали им останал некој хамбургер. Тука беа Една и уште две девојки, кои подоцна никогаш не успеав да ги пронајдам. Се надевам дека ова интервју ќе ми помогне  да ги пронајдам.Би сакал да ги повикам во Торино или Лисабон да дојдат во мојот дом на вечера. Сакам да им се заблагодарам за тоа што го правеа за мене како дете, никогаш нема да заборавам што направија тие за мене во тоа време, истакнал Роналдо.

По интервјуто се јавила Паула , една од жените кои Кристијано ги споменува.

-Ќе се појавеа во ресторанот кога ќе останеше некој хамбургер.Еден од нив беше и Кристијано Роналдо, кој сигурно беше најплашливото дете. Тие доаѓаа скоро секоја вечер, изјавила Паула.

Ова се случувало на почетокот на 2000 години, кога Роналдо играше во младинските екипи на Спортинг Лисабон.

„На синот му кажав , но тој прво не сакаше да ми верува, поради тоа што му е тешко да замисли дека неговата мајка му давала на Кристијано Роналдо хамбургери. Мојот сопруг веќе знае за ова , тој неколку пати кога доаѓаше по мене на работа знаеше да го види младиот Кристијано“ , раскажала Паула.

Роналдо изразил желба сега жените да ги нагости на вечера во својот дом за да им се оддолжи се се што направиле тие за него.

-Прва работа која ќе им кажам ќе биде едно големо фала, а потоа ќе разговараме и ќе се сеќаваме за изминатите времиња, истакнал Кристијано Ронадло во интервјуто.

Брена го молела Душко Тошиќ да не се разведе од Јелена Карлеуша?!

Балканската музичка ѕвезда Лепа Брена е забележана во еден ресторан во Белград во друштво на фудбалерот Душко Тошиќ, сопругот на пејачката Јелена Карлеуша.

Според медиумите Брена на оваа средба наводно се обидувала да го спаси бракот на Душко и Јелена. Таа дури сака да го наговори познатиот фудбалер без разлика на се да не ја напушта Карлеуша.

Наводно, Душко  не се откажал од разводот, но Брена сметала дека сепак тој треба да му даде можност на бракот после сите проблеми што Тошиќ и Карлеуша ги пребродиле. Брена досега наведуваат српските медиуми неколку пати се слушнала , а сега и видела со Душко со цел да го убеди дека разводот не е решение и дека треба да заедно со Јелена да ја победат кризата.

-Брена на само поразговорала со Душко и му објаснила дека без разлика на се низ што поминале со Јелена , секогаш треба да се размислува на долги патеки, и дека токму тоа е она што го одржува нејзиниот брак со Боба.Брена му признала на Тошиќ дека таа  и Боба имале многу несогласувања во бракот, поради тоа што двајцата се успешни и популарни.Но, дека не дозволиле тоа да им го расипе нивниот однос иако имало моменти кога биле многу скарани. Брена дури му раскажале дека имало измислени афери и за нив двајца, само со намера тие да се разведат. Во еден момент дури му напоменала дека би било убаво сите заедно да отпатуваат во Опатија на брод кај Саша Поповиќ, им раскажал на медиумите добро упатен извор .

Брена потоа ги споменала и нивните ќерки Ника и Атина, поради што Душко веднаш се натажил.

На крајот, сопственичката на Гранд му дала совет на Душко да мисли на децата, посебно поради тоа што нивните ќерки наскоро ќе влезат во пубертет, кога родителите им се најпотребни. Му кажала дека Јелена е прекрасна мајка и дека уште еднаш треба добро да размисли дали сака да го напушти семејството.Тошиќ наводно според изворот, со солзи во очите ја слушал Брена и и велел дека за него децата се најважни во животот и дека поради нив е подготвен на се. Кога го завршиле разговорот , Брена ги почекала своите пријатели, а по Душко дошле неговите другари и брзо водно нерасположен го напуштил локалот,  информирал изворот.

Адел се развела, но живее врата до врата со екс сопругот?!

Светската музичка ѕвезда Адел му станала прва сосетка на екс сопругот Сајмон Конеки.

Адел и Сајмон во април годинава се развел , а сега живеат врата до врата во луксузни вили во Лос Анџелес.

31- годишната Адел и нејзиниот поранешен маж Сајмон имаат луксузни вили во Лос Анџелес , кои се наоѓаат една спроти друга . Адел и Сајмон во 2016 година за 7,63 милиони долари ја купија првата вила, а втората е купена годинава во мај за 8,63 милиони долари, пренесе Мирор.

Сега медиумите откриле дека поранешните сопружници живеат еден спроти друг. Информацијата се појавила во јавноста кога Адел и Сајмон соопштиле дека ќе го делат старателството над својот син, Анџело.

Адел и Сајмон инаку врската ја започнале во 2011 година, само една години подоцна станале и родители. Тајно се венчале но, тоа не го потврдувале се до 2017 година. Но, сега само две години подоцна тие се разведуваат.

притисни ентер