Комплетирана програмата за музичкиот дел на „Каменичко Културно Лето 2019"

Десетина дена пред одржување на манифестацијата „Каменичко Културно Лето 2019", еден од најмасовните музички настани кој по 11-пат ќе се одржи во Македонска Каменица, познати се сите изведувачи кои ќе настапат на градскиот плоштад. 

Како што информираат од Општината, покрај македонските Анета и група Молика, 2 Бона и локалниот бенд Риплеј, потврдени се и настапите на српската музичка ѕвезди Наташа Беквалац.

-Главното случување е на 28 август кога пред присутните ќе настапат група Галија и Тропико бенд. За време на „Каменичко Културно Лето" се очекува дека повеќе од 20 илјади посетители ќе дојдат во Македонска Каменица и ќе имаат можност да уживаат во бесплатните концерти на популарните изведувачи, информираат од Општината.

Манифестацијата, како што додаваат, се одржува на крајот на летото од причина што на 28 август се прославува и Денот на општина Македонска Каменица и Ден на рударите.

Манифестацијата е финансирана од Општина Македонска Каменица и Рудник Саса./МИА

Паника во Тирана и во Драч по силниот земјотрес (ВИДЕО)

Силен земјотрес е почувствуван во Тирана и Драч околу 21:15 часот.

Јачината  на земјотресот била  5,5 степени според Рихтеровата скала, со епицентар во  Драч.

Земјотресот предизвика паника кај граѓаните кои ги напуштија своите домови, известуваат албанските медиуми .

На улиците на двата града имало интензивен сообраќа од жителите , кои се обидуваат да избегаат подалеку од градот.

Засега нема информации за повредени или за причинета штета .

Силен земјотрес од 5 степени по Рихер вечерва го погоди Драч- жителите бегаат во страв (ВИДЕО)

Вечерва во 21,15 часот Драч во соседна Албанија беше погоден од земјотрест од 5 степени по Рихтер. Земјотресот е пчуствуван и во западните делови на Македонија , во Дебарскиот регион.

Телеметриската сеизмолошка мрежа наМакедонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје вечерва, 28 јануари 2020 година, во 21 часот и 15 минути, регистрираше земјотрес чиј епицентар се наоѓа во соседна Република Албанија, во епицентралното подрачје Драч, 170 km југозападно од Скопје.

Според досегашните податоци, Рихтеровата локална магнитуда изнесува ML=5 степени, а почувствуван е во западните делови на Македонија, особено од населението во Дебар и околината со интензитет од III до IV степени, според Европската макросеизмичка скала, се наведува во соопштението од опсерваторијата. 

Предупредување за цунами во шест држави по земјотресот од 7,4 степени по Рихтер (ВИДЕО)

Силен земјотрес со јачина од 7,4 степени ја погоди областа помеѓу Јамајка и Куба, пренесува CSEM / EMSC.

Епицентарот на земјотресот бил на длабочина од 10 километри.

Земјотресот се случи јужно од Куба и северозападно од Јамајка.

Беше издадено предупредување за цунами за Куба, Јамајка и Кајманските острови. Американскиот геолошки преглед објави дека можни се опасни бранови предизвикани од цунамито.

Издадено е предупредување за цунами со бранови од 0,3 до 1 метар, според американските служби.

Предупредувањето последователно се прошири на Јамајка, Белизе, Куба, Хондурас, Мексико и Кајманските острови.

На EMSC-CSEM, корисниците известуваат дека почувствувале потреси.

притисни ентер